الله يسعدكم يابنات اقعد اقرا سواليفكم 
والله إنها توسع الصدر

ٱلف شكر  لكل من نزلت وصفات بسويها لامي 
لاكن انا للأسف ماتنفع لي عشان متبعه نظام دشتي

اسرار خيتو والله اني احاول امشي هالاسبوع صح ومااخبص
ويومياتي تعدلت الحمدلله كثير والتزمت بالحميه لكن من يوم
دخلت الفلافل علي مع الباب راحت علومي:icon30:
بس بمشي ساعه واحاول العب عالاوربت تراك الله يقويني
المشكله ان اهلي ان شاءالله بيجوني يوم الجمعه واخواني متشرطين وكل واحد
مشتهي له طبخه :14: وحلا ماشاءالله يعني مدري اضحك ولا ابكي اكيد بفرح بجيتهم
ومراح اقصر معهم بس بجيب العيد وبصير دبية الاسبوع :bkh:بجداره ههههههه
شكلي بتغدى بنفسي قبل ماتتعشون فيني واحطه بتوقيعي من الحين :29:
الي يقهر بيصير فيني نفس الاسبوع الي راح والله ياسرار تراني كنت نازله اكثر
ومتحمسه ليوم الميزان لكن مدري وش جاني يوم الجمعه ليلة الميزان انخبلت في عقلي
وخبصت شويتين وشربت عصير خربز بالحليب بالليل قبل مانام مدري وش احس فيه؟؟
ويوم قست السبت لقيت الي نزلته ذهب ادراج الرياح وجسمي مسك السوائل
هههههه والله العظيم قست الاحد بعد الميزان لقيت الي زدته الجمعه نزل
شفتي الحظ :ohplease:ام الاستهبال ياشيخه
ترى سبحان الله الجسم يمسك سوائل عشان كذا بنات ليلة الميزان قللوا سوائل وعصيرات
نصيحه
وانا بحاول مااقصر مع اهلي بالحلا والعلوم الزينه ان شاءالله
بس بمسك نفسي وبعتبره اختبار اراده


معليش اليوم ازعجتكم بالسوالف وسويت قرقر كثير <<يرحم والديك لعد تصحين من الفجر
ههههه




فوفو اميرتنا الغاليه الف سلامه على ولدك الله يحميه ويقر عينك فيه سليم معافى من كل مكروه
ولايحرمك الأجر ..

الين ياعسل ترى كلنا نحب الكيك وصراحه حمستيني ماشاءالله
لوتدرين عني احزن احب الكيك واحب حركات كوب شاهي وقطعة كيك وحركات
وهاتك ياتصوير وتقهير لاخواني مساكين وآكل لي شرشحه وسب محترم هههههه
بس مافي احد يحمسني عشان لحالي زوجي ياكل قطعه وخلاص
وانا احطها بالثلاجه واجلس اكل بالصينيه اسبووع لين تطلع من خشمي
واقول تووبه ان صلحت كيك ههههه

بس والله شهيتيني الله يسعدك شوفي انا اقولك طريقتي عن نفسي
مااعتبر الكيك سناك ابدا
اعتبره وجبه مثلا استبدل الفطور او العشا بكوب شاهي +قطعة كيك
واكلها وانا مرتاحة البال والضمير

وترى حاولي تخلين نفس الكيك صحي بتقليل الزيت والسكر
وعندي لك طريقة كيكة تمر بدقيق البر يحبها قلبك
وكمان كيكة دخن :icon30:
بس والله اخاف انطرد من القروب لسببين
اول شي اني قرقرت واجد اليوم ماشاءالله <<فاهمه الحماس غلط
ثاني شي اني قاعده اكتبلكم وصفات واخاف افتح نفسكم ماشاءالله وتزيدون
واخذ ذنبكم

انا الحين بطلع لي ساعه اقول بروح اسوي رياضه واشوف شغل البيت
بس ناشبه بالصفحه
كل شوي احدث <<تدور سوالف


والله احبكم :heart::heart:


داعيه الى الله يالغاليه بخصوص مشروبات التخسيس
عليك بالشاهي الاخضر والزنجبيل يوميا وان شاءالله تحسين بفرق

انا جربت خلطة جابر القحطاني فترة الي هي شاهي اخضر ونعناع وزنجبيل وقشر رمان
اول اسبوعين فادتني وبطني خفت كثير ماشاءالله بعدين معد صارت تجيب نتيجه
ههههه كرشتي كشفت الخطه وبطلت تنحف

وفيه شاهي اخضر وكمون وليمون هههههه حلوه بس سدي خشمك واشربي

بس نصيحتي لك ياعسل احنا صرنا بوقت للأسف معد نعرف الي يصلح والي مايصلح ناس تمدح وناس تذم ومخك ينلحس :ohplease:
فأنا اقولك من خوفي عليك خليكي عالأشياء الآمنه الي اذا مانفعتك ماتضرك بإذن الله
شاهي اخضر وزنجبيل تكفي ان شاءالله مع الرياضه

لأن الليمون تخافين يسبب مشاكل بالمعده وكذا مع اني قريت معلومه طبيه اضافة قطرات من الليمون
الي كوب من الشاهي الاخضر تزيد من فعاليه الشاهي الاخضر كم مره
سبحان الله يعني تزيد فعاليته كنك شاربه اكثر من كوب قعدت فتره عالليمون وبرضو خفت وبطلت
صرت مابين فتره وفتره اعصر ليمون


عندك بذرة الكتان كثر الكلام عليها ناس تطيرها السماء واستفادت وناس تضررت منها فعلا
عن نفسي سمعت اخصائين تغذيه وكلهم يمدحونها لكن خير الامور الوسط
يكفيك تدخلينها بنظامك 3 ايام بالاسبوع وملعقة صغيره وحده بس
وانا اخذها بهدف تخفيض الكولسترول لأنها مفيده بهالخصوص

وجربي نخاله القمح الياف ومفيده وامنه مامنها ضرر ابدا ان شاءالله وتحسسك بالشبع
مع الاكثار من المويه معها

ونصيحه قبل ماتاخذين اي شي ابحثي عنه بقوقل واقري تجارب عشان تتطمنين


وفالك الرشاقه يالغاليه

اسرار

الواحد مع هالاجواء يالله ماسك نفسه ،، مطر وخير ووناسه

قسم بالبر يالله قاومت ،، عن الحلويات ،، مع القهيوه والبراد ،،

يالله من فضلك بس

وترا السفن دايز من الحبات الصغيره اكلت ثلاث

صراحه مشتاقه للرياضه ،، احس انها هي اللي تنحف مع مسكه اليد ،،

الله يعين يااارب