مراحب
عندي قريبه تكلمت معي بموضوع مقلقها وهو تقول اخاف ان فيني سحر تعطيل الزواج لاني سمعت ان هذا النوع من السحر لا يشعر به المسحور وقالت ان الي مخليها توسوس انها يوم كانت في الثانوي كانت لابسه تحت المريول فنيله كت واحترت ودخلت دورة المياه وفصختها ورمتها وهي معرقه تقول في اليوم الثاني لقتها مرميه في الساحه وما اهتميت فيها ويوم تخرجت وكبرت بديت اوسوس وخايفه انا قلت لها يابنت الحلال تطمني اصلا الي بيسويلك سحر لازم يكزن عارف اسمك واسم امك يعني العمال النظافه وش عرفهم في اسمك او امك وثانيا هل سمعت الرقيه الشرعيه قالت نعم رقيت الشيخ السدحان في اليوتوب واستمريت عليها ولا شعرت باي شي ولا اي عرض قلت الحمد لله
وسئلتها هل ما يتقدم لك احد قالت والله احيانا ما يتقدم لي اي احد ولا مجرد كلام واحيانا مجرد اتصال او تلميح وكلام حريم ولا نشوف شي واحيانا حريم يجون يتفرجون ويروحون واحيانا يجينا الرجال واطل عليه بدون مايدري واحس ان شكله عادي حليو وهو يكون راغبنا لكن اذا سئلنا عنه يطلع ياسكير يا محشش يا عاطل وينتهي الموضوع على خير بدون ما اتعرض لرويه شرعيه قلت كويس هذا دليل انك ما فيك شي لانك يوم طليتي عليهم الحمد لله ما شفتيهم بصورة قبيحه
وانا اتكلم معها واقنعها واقول يا حبيبتي اكرر ترى الي بيسحرك لازم يكون عارف اسمك واسم امك تطمني
هل يا بنات كلامي صحيح ودي تفيدونني
ظلع @thlaa
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
فيه سحر بالصوره
وفيه بالاثر زي الملابس وكذا
وفيه باسم الام
وفيه انواع كثييييييييييييره للسحر الله يكافينا الشر
لكن .. مااتوقع احد يسحر من الباب للطاقه
بدله مرميه مايدرون مين صاحبتها يسحرون على اي اساس
يتدربون فيها مثلاً
هذي كلها وساويس شيطان
ومو شرط انها من اول ماتنخطب تتزوج
ياكثر البنات الي مرو بنفس الي مرت فيه
وانا وحده منهم
انخطبت كثير وماتم
شافني 2 وماتم
وشافني حريم وراحو ولاجو
تكلم فيه ناس من بعيد لبعيد وماتم
تزوجو الكل الي اكبر والي اصغر وانا لا
مااقولك اني ماوسوست حتى انا
صح قلت عين وقلت حسد وقلت سحر
بس في النهايه وصلت لقناعه ان نصيبي بيجيني
ولا فيه شي بيوقف بطريقه لاعين ولاسحر ولاحسد ولااي شي
وبعد ماعززت ثقتي بالله
وصرت ادعي بين الاذان والاقامه وع الفطور اذا صرت صايمه وفي السجود
اللهم لك الحمد انخطبت وتم الموضوع
الله يوفقها يارب وجميع بنات المسلمين