قريت سورة البقره واستخدمت الشذاب شوفوا وش طلع مني؟؟

السلام عليكم ورحمة الله وبركاته
مرحبا خواتي انا دايم احس بضيقه و اني متغيره وخاصه اذا انخطبت تجيني ضيقه ابكي حتى ارفض العريس ولا يكون هو يبيني وعادي وفجأه يطير سبحان الله زياده على العين اللي فيه لاني كنت اشوف عناكب تنزل علي من السقف كبيره ولما ابعد عنها ماالقاها وسالت الشيخ قال عين قويه ماابغى اطول بالسالفه بس حسبي الله ونعم الوكيل وبعد ماجاني عريس ماينرفض وحسيت بارتياح فجاه غير رايه وبعد مده رجع وخطب وفجاه انسحب قلت خيره بعدها لازم الحق على نفسي وارقي نفسي كلمت شيخ قال لازم تروحين لشيخ يقرا عليك وتقرين سورة البقره كامله دون انقطاع يعني مااقراها 5 دقايق وبعدين اروح اكملها لا اجلس مره وحده واقراها وقالي روحي للعطار اشتري عشبة الشذاب اسمها كذا هاذي معروفه للعين والجن والسحر يقول اخذي ملي يدك منها واطبخيها بلترين ماء يمكن ربع ساعه بعدين حطي عليها سدر مطحون وخففيها بماء عادي حتى تكون دافيه اقدر اتسبح فيها واتسبح فيها قبل المغرب بنص او ربع ساعه بعدها اكون مولعه جمر احط عليه من العشبه واتبخر كل جسمي واستمر على هالطريقه وربي يابنات الحمدلله لاحظت الضيقه خفت وبيوم تبخرت بعده بيوم نزلت علي الدوره وانتم بكرامه نمت وصحيت وانا واقفه الا نزيف مو طبيعي عالارض حمدت الله اول مره يصير كذا المهم قبل يومين تسبحت عن الدوره وانا اغسل من تحت حسيت فيه شي على بالي مناديل لاني امسح فيهن مسكت هالشي الا مو منديل لما سحبته طلعت ورقه اطول من اصبعي وانا اسحبها الا فيه وحده ثانيه زيها سحبتها من تحت طلعن 2 ورقتين من الورق المقوى اللي فيه لمعه اللي صعب يتقطع وربي يابنات انا سحبته وطلعته من فتحة الرحم وحمدت ربي وشكرته وان شاء الله راح اداوم اسبوعين ثانيه عالخلطه وبعدها استخدم خلطة الرومي غير الشيخ وان شاء الله ارتاح حبيت اذكر التجربه يمكن فيه خوات لي محتاجات لها لان اي احد يقدر يستخدمها ومعروفه زياده على الماء المقري عليه والزيت ادعوا لي بالشفاء وان ربي يطول بعمر امي ويخلي اهلي لي
ملاحظهّّّّ>>>>> صورة العشبه وكل المعلومات عنها بالصفحه الرابعه نزلتها اختي شموخ وحزن جعل ربي مايحرمني منها ويخليها لي ويجعلها بموازين حسناتها يكفي وقفتها معي ماتقصر الغاليه ادعولي ولها