الله يكتب اجرك اخوي صدق معاناة من وانت صغير الى هاللحظه الله يعوضك خير
بس حبيت اسالك فيه شي يصير معي وصرت اشك بنفسي انه انا اللي قاعده اسوية او من التوتر انا طبعا حالتي مقاربه لحالتك اللي ذكرت اللي هي كنت تحس انك بحلم او عالم خيالي كاني غير موجوده احساس مرعب واحس عقلي اما متوقف عن التفكير او يشتغل بشكل سريع وافكار سريعه ومتداخله
المهم ان لي فتره اسمع رقيه او سورة البقرة او يوسف عند النوم لاحظت انه في بداية النوم لازم تهتز رجلي او كل رجولي وتصحيني من النوم اول كانت هزه بسيطه وسريعه الحين تطول وهي تهتز لين اصحصح واقول يمكن لاني جالسه استمع وبنفس الوقت كبس علي النوم فهذي ردة فعل طبيعيه من الدماغ لكن من كم يوم صارت تحصل هالحاله حتى وان كنت ما اسمع شي يعني لارقيه ولا قرآن
وبعد لاحظت ان اصابع رجلي تتباعد او تنفرج عن بعض لكن اشك اقول انا احركها مع انها بالبداية تلقائي تتباعد وانا ارجعها لوضعها الطبيعي وهالشي مايحصل الا اذا سمعت رقية او قران
اسفه طولت بس ياليت تجاوبني لاني قبل كم يوم شفت اني حفرت او انحفرت الارض حفره صغيره لوحدها وكنت خايفه ولاحظت فيه شي بهالحرفه مدري قطو المهم ان ببالي هالمكان فيه سحر وبعدين كان معي زوجي وناس ماذكر من لكن طلعنا من هالحفره كيس وفتشنا فيه وكان الوضع طبيعي يعني اغراض عاديه وكانت هالاغراض معروفه بالنسبه لي وولينصرت اقول مافيه شي لاسحر ولاغيره لين حصلنا ظرف صغير فيه كتيب او شي ومعه كيس صغير كانها اعشاب غريبه وكان زوجي معصب وبيفتح الكيس يقول مافيه سحر هذي اعشاب حطيها لنا مع الغدى وانا اقول لا لالتلمسها يمكن تكون سحر وتتاذى خلنا نوديها لامام المسجد يفكه وكان ببالي انه خالتي هي اللي مسويته
اسفه بعد مره ثانيه لكن حيرني هالحلم لاني استبعد موضوع السحر ولاني رحت رقاة كثير وماتاثرت عندهم الله
الله يسر امرك ويفرج همك وننتظر تكملة قصتك

الله يشفيكم ويعافيكم

لاتستبعدين شي يا فوفو
اللي عليج الرقية والبقره ❤️والدعاء

وبديت آتعب تعب شديد جداً ماقدر افكر مادري كيف كاني في عالم ثاني وصلت لمرحلة قريب الجنون!


واتعالج كل يوم اقرا سورة البقرة وكل يوم تزيد الاعراض ويزيد التعب.. وبدو الشياطين يأذوني خاصة عند النوم!


كل ماانام يمسكون بطني احس بيديهم احساس واضح مره يد تمسك بطني.. وانام بعد دقيقة يجوون يمسكون بطني مره ثاني وشوي يمسكون راسي..


وغير كذا ماقدر اتنفس الا من فمي كل يوم انام واتنفس من فمي!
لمدة شهور
وتزيد الاذية منهم يوم بعد يوم.. لدرجة مره نمت وحتئ كنت اول مانام اروح لعالم ثاني. ..كوابيس والله لحد الان مانسيتها شي يخوف يخوف كانها حقيقة!


المهم اول مانمت بعد دقايق صحيت من الفجعه وان واحد حاضني من ورئ منلصق فيا كل جسمه وحاط يديه في يديا حاضني يعني فانا قلت اكيد هذا ابوي..
واستغربت وشفيه ابوي حاضني!
وبعد ثواني لصق رجليه فيا.. وعلئ طول استوعبت ان الي حاضني واحد طوله مترين اقل شي رجوله توصل لخارج السرير بمعنئ مستحيل انه ابوي.. وانا بعدها خفت خوووف غير طبيعي وعرفت ان شيطان ماسكني وماقدرت اتحرك ولا اسوي ولاشي ماسكني... ماغير عيوني حركتها لورى واني شفت جسد لونه اسود مثل سواد الليل!


وقريت اية الكرسي لمره الاولى ماتحرك.. بعد ماقريت اية الكرسي المره الثانية
..(سامحوني لازم اقول ذا الكلام)


بعد ماقريت المره الثانية على طول جامعني ليس جماع احساس غير حقيقي بل حقيقي وواضح لامس عضوه فيا واختفئ علئ طول وقدرت اتحرك وتنفست بقوة كاني كنت مكتوم...


وبعد هذا اليوم كان كل يوم يآذوني يجوني يتشكلون علئ هيئة انسان واشوف اشكال بشعه... الخ


حتئ في يوم من الايام حلمت حلم ان واحد متشكل علئ شكلي بالضبط لكن مدخل شفايفه العلوي داخل اسنانه بالكامل... يعني موضح اسنانه العلوية فقط او تكون بارزه.. اظن فهمتم قصدي!
المهم بعد ماصحيت وكنت يومياً اصحئ مفجوع ومكتوم ومنفس شي مايوصف.. المهم بعد ماصحيت.


وان اروح للمرايه لاارادياً بمعنئ هم متحكمين فيا واني اضحك في المرايه بمعنئ يحاول يخوفني كلها عشان اترك القران!


وان شفايفي العلوية تتحرك لاارديا ماقدرت اتحكم فيها وصارت اسنانيه العلوية بارزه وجلست تقريباً اسبوعين وانا شكلي كذا ان شفايفي داخله..


مع اني كل ذا التعب والخوف.. الخ احس ان ربي معاي والله احساس قوي ان ربي معاي سبحانه!
وكنت كل يوم ابكي 5 الي 6 مرات تقريباً والرجال مايبكي عبث !
طبعاً كنت ماقدر اخرج من البيت تقريباً طريح الفراش!
وجربت اتروش بالسدر مع زمزم.. وحسيت براحة عجيبة جداً جداً النفسية خفت بنسبة 80٪


وبعد ساعة بدت ترجعلي النفسية شوي شوي الي نفس الحال السابق نفسية شديدة


واقرا القران يومياً واتسمع ل8 ساعات ل 10 ساعات بل كل ايامي قرائة القران كنت ماقدر اسوي شي عقلي وقلبي وجسدي في عالم اخر يعني ماعرف كيف اوصفلكم كان لاارئ امامي عدا القران..


وكنت لااصلي الصلوات الا اجمعها جميعا في وقت واحد وحتئ بعض الاحيان ماقرا شي اصليها وانا ساكت..
الي ان جاء يوم من الايام قريت القران وزادت الحرارة في كل جسمي ناارررر... وشفت شي عجيب ان رجولي يمشي فيها سائل اسود واضح كان سائل اسود داخل العروق...


وسبحان الله كما قال عليه الصلاة والسلام..


ان الشيطان يجري من الانسان مجرى الدم
(حديث صحيح)
الشي الي قاهرني وندمان عليه اني ماصورت فيديو لاني وقتها كنت تعبان ماقدر اسوي شي!


والله سائل اسود شديد السواد يتحرك في رجولي ورجولي كانت تهتز اهتزاز شديد وحرارة شديدة
بعدها بكم يوم واصلت قراية وواصلت وواصلت واهتزاز وتنافض دايم كل ماقرا القران ..


الئ ان اشتدت رجولي وكل جسمي تشتد كاني خشبة مشدودة!


فحسيت شي خرج من راسي كآنه عقال كان مثبا في راسي وطلع وحسيت براااحه عجيبة عجيبة عجيبة. .بة عجيبة اول مره في حياتي احس بهذي الراحة ولسئ رجولي تهتز ووتتحرك!
الا ان اهتزت اهتزاز شديد! وبعدها حسيت زي الهواء خرج من فمي ورجولي وبعدها عرفت انهم خرجوا من جسدي كان احساس واضح جداً جداً جداً


وصرت افكر زين وجسمي احس ببرااااد احس ببرودة خاصة من تحت رجولي احس ببرودة رهيبة.. وقلبي احس زي الصخرة انزاحت منها!


واحس زي الغطاء كان ملتف على راسي كانها مانعني من التفكير ومن االرؤية الواضحة... الخ
احس ان هذا الغطاء انزاح من راسي وصرت اشوف زين وافكر زين كل شي تغير فيا 180 درجة!


بالعربي كاني دخلت الجنة! احساس اول مره احس فيه! احساس رهيب!!


وانا مبسوط وسجدت ربي وشكرته...


وبعدها بيومين! لاحظت ان الاحاسيس رجعتلي النفسية والهموم.. وانا شككت بالامر علئ طول


وبديت واصل سورة البقرة والمفاجآة ان رجولي تتهتز وتتحرك.. وعرفت انهم خرجوا ورجعهوا وجاني تحطيم شديد بعدها!


وهذي جزء من اساليبهم الخبيثة ومعروفة عند المشايخ ! دايم تصير!!


المهم بعد مارجعهوا انا انقهرت وعصبت ووبديت اواصل قراية سورة البقرة اكثر من اول وقلت في نفسي والله لااحرقكم حرق!


وواصلت قراية الي ان حسيت شي بداخلي بيتكلم وانا اقرا ويتكلم لكن بصوت واطي صوت ماهو واضح... ويسب ويشتم. ياكلب يا... الخ


بدون انقطاع سب وشتم... وانا ماعرفت وش اسوي ورحت لشيخ عندنا اول ماقرا علي وان صوت حرمة تصارخ صراااخ شديد شديد جداً وعالي.. في نفس الوقت جسمي كله حرارة شديدة نااارر!


وانا انصدمت من الصوت لان صوتها ليس كصوت الاوادم بل عالي جداً جداً


مع اني ماحس شي بحلقي زي ولا اتعب !


تصارخ في نفس الوقت تبكي وتنزل مني دموع !


المهم رجعت للبيت وبديت اقرا سورة البقرة وهي تصاارخ خلاص خلاص بخرج!
وانا ماخفت والاشي بعد كل الاحداث هذي خلاص تأقلمت واستوعبت الامر.


وانا هددتها بتخرجين ولا احرقك وهي تصارخ وتبكي بخرج خللالاص...
وفجأة استفرغت اشياء غريبة وكرييههة الرائحة جداً ماعمري شميت ريحة مثل هذي الرائحة وكان معها اظافر بكمية كبيرة وحجمها كبير
وانا حسبتها ليترين و100 مل تقريباً يعني حجم علبة بيبسي ابو5 ريال... مع اني ماكلت ولاشربت شي لمدة يوم ونص!


وبعدها ارتحت من الالام في بطني وحسيت براحة وعرفت اني مسحور ماني ممسوس ولامعيون!


وانا انصدمت جلست افكر من الي سحرني؟!
شكيت بشخص في الحارة لكن شكيت بشكل اكبر بانه وحدة من الخدامات!
المهم بعد هذا اليوم بدت الحرب فعلياً بيني وبين الشياطين..


لان خلاص كل شي صار واضح.. وهم انكشفوا فراح يحاولون قد مايقدروون يأذووني ويوقفوني عن القراية!


لانهم في السابق متخفين.. فهم لديهم عقول وعندهم ذكاء اشد من ذكائنا هذا الشي الي ملاحظه وعندهم مشاعر مثلنا يبكون يضحكون يشتهون. يعصبون يحسدون .. الخ


عشان اخليكم تستوعبون! الامر


بمعنئ اخر ليس مجرد قرائة القران وخلاص لازم اشغل عقلي مثل ماهم يشغلون عقلهم!




عشان كذا مو اي راقي او شيخ يقرا القران خلاص يعني يعرف يعالج.. لا!


الشياطين اذكياء وعندهم اساليب مدروسة و خبيثة و متبعة.. وغير كذا ينتمقون من المعالج!


لاني زي ماقلت عندهم مشاعر (حس الانتقام او العصبية والغضب )


وغير كذا الجن عندهم قبايل مثل ماعندنا حنا! وعندهم زي ماتقولون شيخ الحارة بمعنى كل حارة فيها رئيس او شيخ..
في اشياآء كثير مقدر اقولها او افسرها!




لان الراقي لمن يعالج فهو اصلاً يحرقهم!
عشان كذا اعرف مشايخ تركوا العلاج وتقاعدوا بسبب هذا الشي !
والمتوكل علئ الله.. مايجيه شي!
وانا مابي اخوفكم بس اعطيكم معلومة تفيد البعض..
ولاتخافون اقروا القران ولاحد يوقف وثقوا في كلامي


الي يعرف اساليبهم يعرف يعالج!
والحمدالله برحمت ربي.. عرفت كل شي وتعلمت كل شي نفسي بنفسي! بعد كل الاحداث الي صارلتي!
هذي الامور مخفية شر مخفي محد يعرف فيه الا الي مجربه..


الحين الي يقرا ذا الكلام وهو ماجاهـ مس او ما جرب هذي الامور...
اكيد مليون في المية بيقول اني مجنون او يتوهم...الخ
فاآنا مالومهم من ناحية تفكيرهم وفي مرضئ صرتلهم اشياء محد يصدقها!


وسبحان الله هذي حكمة من ربي لايعلمها الا هو!
عشان كذا لحد يتكلم هذي الامور عند الناس...


انا عن نفسي ماعلي
لكن اتكلم علئ الي يتحسس من كلام الناس ويتعقد منهم!


لاني مجرب هذي الامور فأمشوا علئ نصيحتي وخلي هذي الامور مكتومة!
المهم نرجع للموضوع!
( راح اكمل القصة ان شاء الله)

المهم نرجع للموضوع!


فبعد ماستفرغت عرفت اني مسحور.. وواصلت قراية سورة البقرة كالعادة


وكننت اختمها يومياً من 7 الي 10 مرات... يومياً بدون اي انقطاع وغير الاستماع للرقية الشرعية!


المهم بداء نطقهم... صار كل يوم صراخ شديد ونحيب وبكاء وسب وشتم وكلام كثير كل يوم علئ هذا الحال والاهتزاز والتنافض والتخبط!


وفي تفاصيل مافيني حيل اكتبها.. كتبتها في قصة منفصلة تحصلونها في ملفي الشخصي الي هي تتكلم عن كذبهم وكلامهم..! من ناحية كلام الشياطين وغيرهـ
وكيف عرفت الي من سحرني.. الخ


المهم بداء يزيد علي التعب اشد من اول تعب شديد جداً جداً لدرجة طايح في السرير ماقدر اسوي شي
وكنت مااكل ولاشي عدا شرب الماء واشرب شوربة فقط..


لان بطني كان فيه سحر ماقدرت اكل ولا اشرب!


حتئ الحمام الله يكرمكم اروحله والله وانا احبي وامشي وانا مدنق ظهري وكل شوي اطيح! ووزني وصل تحت 40 كيلو
وبدت تجيني حالة انا اسميها اعصاب كانت كل ماتجي ابكي امي الاعصاب جاتني امي الاعصاب جاتني !!


والله كنت ابكي اول ماتجيني هذي الحالة


الاعصاب بحاول اوصفه لكم قد ماقدر لكن متآكد مهما وصفته ماراح احد يفهمني!


كانت اول ماتجيني احس بحرارة شديدة جداً جداً خاصة في راسي زي الحريقة وفي داخل صدري في نفس الوقت تجيني حالة جنون احساس بحاول اني بقطع ملابسي وعصبية شديدة جداً بحاول انقز شي في داخلي يحاول بينفجر اول ماتجيني ماعرف وش اسوي انام ماقدر اتجنن اقطع ملابسي اكسر كل شي امامي زي الانهيار العصبي تقريباً ..اصارخ واقطع ملابسي واطيح.. الخ كل يوم زي كذا!!
كل يوم كل يوم يجنيي هذ الاحساس!


وكان هذا الاحساس اخص شي صارلي واسوء عذاب حسيت فيه !
والشي الثاني كان يجيني احساس في رجولي زي الحديدة في داخل رجولي اول ماتجيني ماعرف اجلس ولا انام ولا اقعد... والله اني انسدح واقوم واقعد 24 ساعة هذا حالي تعب وعذااااااب


زي ماتقولون كان ماسك حافة جدار وتحت طيحة وماني عارف اطلع من الحافة ولا عارف اطيح!


حتئ لمن اجلس ماقدر اجلس احس كاني حالس علئ صحن يدور..


ماغير امشي امشي بحاول يخف الالام.. حتئ اخذت حبوب منومة وماقدرت انام حتئ لو بنام تجيني كوابيس ويأذوني..


يعني ماني عارف اجلس ولا انام ولا انسدح!
ووصلت ل ايام ماقدرت اقرا حرف واحد من القران..


طبعاً كنت ماقدر اخرج من البيت !


اول ماوصل للباب اطيح وتجيني الاعصاب الي قلتلكم عليها!


وواصلت لشهور اخرئ الحالة معاي!


الي ان جاء يوم من الايام صرت مجنون مره مجنون مثل المجانين كان الشياطين يتحكمون فيا ويتكلمون علئ لساني. ..انا كنت داري وصاحي لكن ماقدر اتحكم في شي كأني دمية هم متحكمين فيا...


كنت كل يوم ارقص اغني واتكلم واناقز واقلد صوت طيور وصوت خرفان ودجاج واقلد الدجاجة وحتئ الثعبان اقلد انسدح علئ بطني واحبي زي الثعبان ارقص واتكلم اندنوسي
وانظف البيت واتكلم اندنوسي
وعند النوم ارقص واقلد الطير كل يوم... واخر الليل اهلي نامين اصحئ من النوم واللمبة مطفية واجلس اناقز زي الطير واقلد صوته اروح قدام وارجع ورئ لساعات...
وانا ماقدر اسوي شي بس اتحرك واغني وارقص واتشقلب كل يوم لمدة 4 شهور تقريباً !


والي مو فاهم هذا الشي.. هذا يسمئ سحر الجنون
بمعنئ ساحرتني بسحر يخليني مجنون!


يوم بعد يوم.. الي ان احاول اقرا القران لاني عارف مافي مخرج ومافي باب الا من القران!
وكل يوم احاول اقرا.. اول ماقرا كانت تجيني الاعصاب والاحاسيس الي في رجولي والجنون. .


وكل يوم احاول اتماسك واتفادا! طبعاً لحد الان ماخرحت من البيت!


وكل يوم عذاب في عذاب وكل يوم يخف فيني الجنون بقرائة القران وكل يوم يخف فيني شي كل يوم


الا اختفت حالة الجنون تماماً الحمدالله


ونسيت اذكركلم من بعد اول استفراغ استفرغته كنت كل يوم استفرغ من 10 الي 17 مره كل ماقرا القران استفرغ مره دم اسود مره مره احمر مره اشياء غريبه ومره اكل... الخ


كل يوم كل ما امسك القران واقرا!


وكنت كل ماحررقهم حرق احس براحة وتخف عني الاعراض لكن ترجعلي بعد يوم كان كل يوم علئ هذا الحال..


المهم بعد ماختفت الجنون.. وخفت بعض الاعراض..


واصلت الدراسة وحاولت اخرج واتاقلئم!
طبعاً كان عقلي ممسوح ونفسية وثقل في جسمي شديد...اول ماخرج يجيني خوف شديد وارتجف وكاني جاي من علم اخر.. وبس ساكت ماقدر اتكلم..


كل يوم بعد يوم احاول اخرج ساعة ساعتين.. وحاولت اتكلم مع الناس كل مااجي عند الناس تجيني الاعصاب وعلئ طول اروح البيت واطيح الا ان تختفي هذي الحالة.. وكل يوم علئ هذا الحال..


نسيت اذكر نقطة سحبت ترم قبل كل هذي الاحداث كان ترم الثاني مع الاجازة الصيفية
وكنت اخرج مع العيال وانا تعبان والله وانا تعبان وعقلي مشتت ونفسية وتعب مع اني بالقوة اخرج لاني ماقدرت اتحمل قعدت البيت شي مايحتمل!
لكن الحمدالله بعض العيال عارف سالفتي.. لكن انصحكم ماتعلمون عن حالتكم اي احد مهما كان!


فاخرج مع العيال ومادريكيف صابرين علي لدرجة انهم خافوا مني ومايبغون يمشون معاي لاني زي المجنون كل شي فيا مشتت..


حتئ ملابس ماعرف البس البس اي كلام واخرج واخرج وماهتم بنظافتي مع اني كنت احس واحد من ناحية عطور نظافة واناقة.. الخ


وانا ضحيت بامور مثل اني اخرج وبعض الناس يشوفوني مثل النفسية لان مافي مخرج الا التضحية!


فكافحت! كفاح بتوكلي علئ الله!


(راح ارجع واكمل ان شاء الله)