قصة...آآآه منك يا لسااااني ...بغيت تجيب فيني العيد...{ حملة قل خير أو اصمت }

,

السلام عليكم ورحمة الله وبركاته


..كيفكم.. حبوبااات..


هذي قصة من مخيخي الفاضي..والغير مصدي...>> ابد ما تقصد أحد خخخخ....

وهي قصتن خاصتن ومخصوصتن لحملة..

( قل خير..أو أصمت )


بقولها لكم..وابيكم ..تركزون معي زين لأني ماراح أعيدها.....>>> وش قالولك درس رياضيات هههه

كان يا ماكان في حديث الزمان.....

كان فيه حرمة وزوجها....وولدهم علي..( اللي ما بعد انولد ) خخخخ

ما قلتلكم انها قصة فريدة من نوعها.. حتى انها تتكلم عن اللي ما بعد جو....خخخخ

كان ابو علي طيب وحبوب وذكي.....

وأم علي كانت جميلة....ولكنها طويلة لسان..وسيئة خلق..

وعلي...ما بعد جا بس يلقبون نفسهم به...على ما يجي ان شاء الله..

وكانت أم...( أم علي )...دائما تحرض بنتها على زوجها...وتقولها لا تسكتين للرجال ولا تضعفين عنده

كوني قوية..تكسبين وتفوزين.....وكانت (ام علي )...تسمع كلام امها وتنفذه..بكل حرفنة..وانقيادية..

ابو علي...تعبان من طولة لسان زوجته..ونفسة يسمع منها كلام حلووو..لو يوم واحد

ولكن ام علي....ما تطلع إلا قذااائف هاااون...ومدافع الآر بي جي...

من فمها..إلى قلبه ..مباشرة.. وابو علي صابر ومحتسب..

.,.,.,.


وفي يوم من الأيام..جاء ابو علي من الدوام...وجايب معه اغراض البيت..

جابها بعد الدوام مباشرة..وكان تعبان ويبي يرتاح على ما يخلص الغدى

وما أمداه يحط الأغراض بالمطبخ..إلا ويجيه صواريخ نارية..

فرت راسة فرحا مبرحا..حتى السلام نشب بحلقة وما طلع..

أم علي.: الحين إنت ليش متاخر...كل هذا تجيب أغراض والله لو إني طالبه منك لبن عصفووور..وما لقيته...

كلها خبز... ولبن..وخضاار...>>> مع العلم إنها ما خلت شي ما طلبته وابو علي ما قصر جاب كل اغراضها..

وقامت تعيب في كل شي جابه...هذا ليش صغير...وهذا ليش قليل...وهذا وع وهذا وهذا....و و و و

عاد اهو مسكين عطاها ظهرة وراح غرفته يبي الراحة والهدوووء....عارف لسانها وطولة ..وأنها ما ينفع معها كلااام..

بس ام علي....لحقت وراااه...وقالت مكشرتن عن انيابها.

: الحين اكلمك وتسفهني صدق ما عندك ذوق

قال : يا بنت الحلال تعوذي من ابليس وروحي كملي شغلك..انا تعبان وابي ارتاح..

قالت: يا سلااام إنت ترتاح وأنا قاعدة اطبخ وانفخ... على الأقل قوم ساعدني

قال : لا حول ولا قوة إلا بالله...لا والله النشبة.....

قالت: خير وش تقول ..قال : لا ابد سلامتك ما اقول شي

قالت : اعوذ بالله ما كني اتعب واطبخ علشانك...حتى كلمة حلوة ما عندك..>>> احلفي


وكل يوم على هالحااال...وابو علي صابر...لعل وعسى تتغير...!!

وبيوم من الأيام...كان ابو علي طالع للعمل...وطبعا سامع كلام يسد النفس من زوجته المتغطرسة....

وجلس بمكتبه مهموم ويفكر...

وجاء صديقه المقرب.....ابو محمد وقاله : وش فيك يا الحبيب...شايل الدنيا فوق راسك...

قال : من غيرها زوجتي...يا أبو محمد... تعبت والله تعبت حاولت اغيرها بكل الطرق لكن لا حياة لمن تنادي..

ابو محمد حزن على صديقة...وقاله..ولا يهمك يا الغالي...الحل عندي...بس انت اسمع ونفذ..اللي اقولك عليه..

وقال ابو محمد لأبو علي...على الحل...وابو علي ما صدق خبر....

وانتظر آخر الأسبوع..موعد تنفيذ الخطة على أحر من الجمر..

وعلى نهاية الاسبوع...جاء ابو علي للبيت على غير عادته...متكشخ..ومتأنتك..

لا جاب اغراض.. ولا حتى مر سلم على.. ام علي..

ودخل غرفته على طووول...أم علي استغربت....ولحقت وراه...وكالعادة لسانها يسبقها...






قالت : خيييير وش عندك متكشخ...ومنت معطينا وجه......

ابو علي ما رد عليها.. ولا حتى التفت...

قالت : خير إن شاء الله على ايش شايف نفسك...احمد ربك متزوج وحدة حلوووة مثلي..

قال : هذاااك اول..الحين الوضع تحول..قالت : وش تقول ...

ما رد عليها..واكتفى بابتسامة..

قامت سوت موالها اليومي...وأطلقت كلماااتها اللي كلها قلت ذوق واحترام...بعدها قال : خلصتي كلامك..

ام علي استغربت بروودة...على غير العادة...قالت : ايه خلصت واذا تبي زدتك...

قال : لا ابد مشكورة ما قصرتي...أنا ابي اقولك شي واحد بس...وطلع مفتاح من جيبة....

وقال أنا تزوجت وهذا مفتاح شقتي انا وزوجتي الجديدة

وهي ساكنة في الشقة اللي قدااام شقتنا....والحين استأذنك بروح اتغدى عندها..وبكرة ارجع لك ان شاء الله..

ولا تنسين ترى يوم لك ويوم لها.....اهم شي عندي العدل....

وراح وتركها

وام علي داخت من هول الصدمة....والدمووووع تسيل على خدها....

ولأول مرة من تاريخ زواجها...تصك حلقها ولا تكلم...>>> معجززززة خخخخخ






وبعد ما فاقت الحبيبة من الصدمة....راحت واتصلت على أمها...ودموعها انهاااار ووديااان..



هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 550x690 و بحجم 35KB.




قال : يمة الحقيني..أبو علي اعرس علي,,,...

شهقت امها ..قالت يا خسارة تربيتي فيك...>>> تنكت العجيز اي تربية خخخخخ

اكيد انك ما تتجملين له..ولا تطبخين له...او ما تنظفين بيتك زين...ولا ولا ولا ...>>> المشكلة ما جابت طاري الأخلاق

قالت ام علي : يمه تكفين خلي ابوي يجي ياخذني..أنا ما راح اقعد عنده دقيقة وحدة..

قالت امها : لا يا خبلة اقعدي لا تاخذ الحرمة بيتك ورجلك...انتي اقعدي وسوي اللي اقولك عليه.

وام علي كالعادة...تسمع وتنفذ...بدون تفكير...

قالت : لا زم تغيرين من شكلك...لا يجي بكرة إلا وانتي طاااقتن كل ابو الزين..سامعة...

عشان يشوفك وينسي الثولى اللي اخذها..

ويوم جاء بكرة إلا الحرمة متزينه على الآخر...





وابو علي...ولا عطاها نظرة.....ويلعب باعصابها لعب...

قالت وش فيك...مو عاجبتك....تراي احلى منها الخايسة...>>> وبدت في موااال السباب والشتام...لين ابو علي ما طفش منها وراح غرفته...

وجلست مكانها تقول...وش فيه الرجال لا يكون ما عجبه...شكلي...مو مشكلة اغيرة

وجلست تغير بنفسها كل يوم شكل ولون...











وابو علي باقي على برووودة..


كلمت امها..وقالت لها الساالفة...قالت امها...معليش غيري الخطة....إلى الخطة الخمااسية..رقم 66/5...>> خطيرة خططها بالارقام بعد خخخخ

قالت : وش اسوي يمه....قالت : كل ما جاء عندك...اطبخيله اشكال والوان...اعمي عينه بالأكل عنها..

قالت : سمي يووومة...

وبدت تنفذ خطت امها...صارت بس...تشتغل...طبخ وكنس وترتيب وتنظيف..









وعلى هالحال..وكل مرة تشكل بالاكلات..

وابو علي مستانس..ياكل .ويطنشها..>>> قبل كان المسيكين ينام بدون غدى






7
7
يتبـــــع