قصة ابو البنات الثلاث وحارسهم الكلب

مراااااااااااااحب عليكم يا الغاليييييييييييين
وش اخباركم واخبار عيالكم واهلكم
رجعت لكم اليوم عشان اقص عليكم قصة ابو البنات الثلاث مثل ما وعدتكم واليوم آخر يوم من اختبارت ولدي الله يوفقه ولا يخيب تعبه
المهم نجي للقصه
تحذير اقروا المعوذات قبل ما تقرون القصه ترى فيها جن
:28: بسم الله الرحمن الرحيم

نبدأ القصه
كان ياماكان في قديم الزمان
كان فيه رجال عنده ثلاث بنات وعنده كلب لونه اسود _ بسم الله_ المهم مرض الرجال مرض شديد وحس انه بموت وجلس وحوله بناته وكلبه وجلس يناظر في البنات وضاق صدره عليهم وبعدين شاف الكلب وقال له ابيك تنتبه لبناتي اذا مت وحرك الكلب راسه بنعم وبعدها مات الرجال
( ملاحظه الكلب بسم الله عليكم جني بس الرجال والبنات ما يدرون عنه)
المهم وبعد مامات الرجال كان الكلب ينتبه للبنات ويتفقدهم وكان يجيب لهم الاكل ومره وهو رايح يجيب لهم الاكل قامت بنت من البنات وتلقفت وقالت بتبعه اشوف وين يجيب الاكل منه ووش قصته
المهم البنت راحت وتبعت الكلب والكلب كان يمشي وهي تمشي وراه وما حس فيها
(معلومه يقال ان الجن اذا صاروا يمشون ما يلتفتون المرجع عمتي نوره )
المهم الكلب راح ودخل تحت خيمه مهدومه (الراويه ماقالت لي خيمه مهدومه قالت لي كلمه بس نسيتها بس معناتها انها مثل الخيمه الطايحه)
ودخلت البنت وراه وشافته وهو على شكل رجال لانه تغير وصار رجال جني طبعا بسم الله وشافته وهو داخل عند الجن ويوم بغى يطلع سمعته وهو يقول للامه عطيني عشا البنات وخذه ورجع على شكل كلب
وبعد مادرت البنت عنه رجعت بسرعه لاخواتها وقعدت تقص عليهم القصه وهي تقص عليهم دخل عليهم الكلب وسمعها وقال لهم مدام انكم عرفتو اني جني خلاص بترككم وكل وحده تروح في طريقها
وتفرقوا البنات وحده منهم لقت كنز تحت شجره وصارت غنيه
والبنت الثانيه عجنت لها خبزه ودارت على الحريم وهي تقول لهم
من تبيع رجلها ( تقصد زوجها يعني مهوب رجلها الي تمشي فيها) بهذي الخبزه وجتها وحده حارة بطن ما يمهما الا بطنها وقالت لها انا بشتري منك الخبزه وبعطيك زوجي قالت طيب وخذت الخبزه ويوم جا الرجال قالت له يا فلان انت مع من شراك ولا باعك قال لابله مع من شراني وخذته البنت وتزوجته
اما البنت الثالثه فهي كانت اسوأهم حاله عاشت فقيره ويقال انها هي الي تبعت الكلب
وتوته توته خلصت الحتوته
اتمنى انها تعجبكم ولا تخوفكم وتراني كتبتها في الصبح عشان ماتخافون