السلام عليكم ورحمة الله وبركاته
أهلين بنوتات شكلكم متشوقين حيل للقصه --------> إخلصي
بسم الله الرحمن الرحيم
نبدأ القصه :-
الوزير كان جالس .. يفطر .. و وخلص من الفطور .. فطرقع باصبعه ( برضه كذا ) على شان يجوون الجواري يشيلون الاكل .. وفجأه قال واحد من الاولاد : والله حرام ينرمي هالاكل وهالقرصان .. التفت عليه الوزير .. وقال ايييش .. ينرمي .. لا ما يجوز ..
صرخت البنت الصغيرة وهي تبكي فرحا>>> طيب وش الحل؟؟
قال الوزير للجاريات .. لازم تخترعون لنا طبخه .. تخلينا نستغل هالقرصان ..
قالت احدى الجاريات : طال عمرك <<< اثاريها طال عمرك من زمان
ليش ما نحميه بالمايكرويف ونحضره بكره ..؟؟؟ ( هي اللي مسؤولة عن القرصان وتبي تنام الى العصر )
الوزير رفض وقالها يقولون اشعة المايكرويف ضارة وممكن تسبب امراض خطيرة .
الجاريات .. ما لقوا حل ..
قام الوزير وخلى احد حواجبه ( مااقصد اللي فوق عينه ) اقصد جمع حاجب .. يعني حارس .. المهم .. انه خلى احد حواجبه يركب الخيل ( Ls430) ومشى في المدينه وصار يرمي اوراق مع الفتحه اللي بالسقف حقت الخيل مطلوب فيها طبخة للاستفاده من القرصان .
طاحت هالورقه بيد (( بواب )) كان يشتغل عند قصر وزير ثاني .. وكان الوزير اللي يشتغل عنده مهبل فيه قال لازم اخترع هالطريقه على شان تصير لي حجه اني اطلب نقل كفالتي للوزير الرهيب ( ابو قرصان ) طبعا الوزير كان يعطي البواب باقي فطورة
(قرصان .. و كروسان .. وخبز فرنسي .و كبة.. وملوخيه(
البواب ما افطر هذاك اليوم .. وجلس طول الليل يفكر .. وشلون يسوي طبخة جديده بهالقرصان .. فجأه غفا .. ونام ..
وهو نايم حلم انه مات .. وان فيه واحد جالس يكفنه بقرصان طبعا لان الموضوع شاغل باله
قام من الحلم مفزوع وصرخ ( i found it ) معليييييش اقصد صرخ .. وجدتها .. وجدتها وهو مسوي باصبعينه كذا
V
القرصان كان ناشف شوي .. جا البواب و اخذ القرصان وخلاه جنب بعض .. وهالحين لازم اذكركم بالاكل اللي كان عنده ..
). قرصان .. و كروسان .. وخبز فرنسي, و كبة .. وملوخية)
اخذ القرصان وخلاه جنب بعض .. وهو ناشف .. جاب الملوخيه .. تعرفون الملوخيه تلصق في بعض .. دهن القرصان بالملوخيه .. وصار عنده قرصانه - مفرد قرصان - كبيره .. طيب ؟؟؟
وبعدين هالبواب .. جا بيتكي على ايده لانه تعب ..جت يده على الكروسان .. التفت على الكروسان .. وطالع في القرصان .. وحط عينه على الخبز الفرنسي .. قال هالحين الكروسان محشي وملفوف .. انا ليش ما الف القرصان واحشيه بالخبز الفرنسي ..
بعدين شغل مخه شوي <<< لو ما شغل مخه كان حنا الحين ناكل سمبوسه محشيه بالعجين
المهم... يوم شغل مخه قال انا ليش ما افتفت الكبه .. على شان تصير زي اللحم المفروم .. واحشيها ..
وفجأه .. فتح الباب حاجب ( مو رمش ) وشافه يلعب بالنعمه .. ورفع السيف .. يبي يقطع راسه .. ويوم جا بيضربه البواب هرب .. وجت الضربه في القرصان .. والثانيه والثالثه ..والرابعه .. و .. و .. والبواب يناقز كنه جراده فايز فريقها .. والبواب يصرخ لحظة اقولك السالفه .. افهمني .. ويوم هدأ هذاك ( هو ما هدأ بس ما قدر يصيد البواب ) قاله البواب السالفه ..
بس القرصان كان تقطع .. وصار زي الرقاق يعني طويله ومو عريضه .. والملوخيه خلصت .. يعني ما يقدر يلزق .. وانا طولت عليكم بس اصبروا عاد تجيكم السالفه .. اخذ الرقاق <<< سميت بهذا الاسم لانها اول ما قطعت كانت بسيف براق .. ومن احد الرقاق من كلمة الرق يعني ( العبيد ) فسموها رقاق ..
واحتار وشلون يلف الكبة ( بعد ما فتفتها ).... لفها دوائر .. صار تنكب من هنا ومن هنا .. جا بيخليها مربعات .. بس كانت ما تجي لانها نحيفه .. طبعا الحارس كان بمدرسه ليليه ..وكان توه راجع .. وعنده درس عن المثلثات .. وحس بالذنب انه بغا يقتله... فقاله ليش ما تلفها مثلثات؟؟؟ .. قال والله فكره ( وسوا كذا باصابعه .. V ولفها مثلثات .. وقلاها بالزيت .. طلعت ممتازه وما يبي لها كلام .
راح عند الوزير ( ابو قرصان ) و ذاقها واعجبته .. واعتمدها رسميا << طبعا هذاك الوقت كانت تنأكل بالسحور لانهم يسوونها من بقايا القرصان ..بس سبحان مغير الاحوال
طبعا سبب التسميه .. سمبوسه ..
شفتوا الوزير ابو قرصان .. هذاك اليوم واحد سممه .. حط له بالفيمتو ( سم ) جاء الوزير من اعجابه بشكل السمبوسه .. حبها) باسها ) لانها نعمه .. والقرصان ما احد بيرميه بعد كذا .. وفجأه طاح .. مغمى عليه
وراح عند الحكيم ( مستشفى ايام زمان ) .. طبعا الرموش ..اقصد الحواجب .. قالوا اكيد السم من الاكلة الغريبه .. وسموها .. (سم بالبوسه ) لانه تسمم بس بالبوسه .. يعني سموها( سم ببوسه ) ومع الدمج اللي صار بين المعارف والرئاسه صارت ( سمببوسة( والدبل موجود في الجيوب ( الجيب يعني السياره ) والوزير معاه شبح .. ما يصير فيه دبل (بب) .. فحذفوا وحده من الباءات .. وصارت سمبوسة .
ابشركم الوزير ما مات .. لحقوا عليه .. واعتمد الاسم الجديد .. والبواب صار مشرف على البوابين
قولوا رايكم بقصتي ..
-----------------------------------------------
وسومه الدبدوبه :27:
.وسيمه بس مالي حظ @osymh_bs_maly_hth_1
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
روعه مثلك ياعسل