قصة اختي للعظه والعبره

السلام عليكم ورحمة الله وبركاته
صراحه مدري من وين ابدا اختي متخرجه من الجامعه تزوجت وانجبت بنت وولد وزوجها رجل طيب وكريم وماكان يبيخل عليها بشي ومقتدر كان متوظف وعنده تجاره يجيه منها ربح قوي كان دايم بيت اختي مفتوح للضيوف سواء اخوان زوجها وامه اللي كانت عايشه معهم والجيران كمان في يوم من الايام لاحظت اختي تغير تصرفات زوجها وبدا يردد دايما كلمة بفصل من العمل بحكم ان التجاره تكفيه فليش يتعب نفسه والجميع عارض هالفكره مافي احد ارتاح لها واولهم اختي بس مع ذلك اصر وفصل بعد شهر من فصله قال بسافر برى السعوديه واوسع نطاق تجارتي واختي جات عندنا يعني راحت عند اهلها ماخلى دوله ماسافر لها ورجع ع الحديده ماعنده ريال واحد نساله يقول مدري تقولون فاقد الذاكره مع الايام نقلوا الديره بحكم ماعندهم فلوس حق الاجار ولان اخوانه وامه تخلوا عنه وهم كانوا اربعه وعشرين ساعه ياكلون من خيره رفضوا يعطونه ريال واحد لدرجة انهم قطعوه ومالهم صله به حتى امه كانوا عايشين ع الله ثم ع اهل الخير واهلي اوقات يساعدونهم باللي يقدرون عليه مع الايام صار يجيه مرض يقوم يضرب اختي ويتحول شخص ثاني يشرب الماء الحار ويضرب اولاده لدرجة اذا جاته الحاله مايدري اش يسوي بنفسه اوقات يجرح نفسه واختي اذا جاته الحاله تتخبى بغرفه وكان بيكسر الباب عليها يبيها تخرج ويذبحها فتجلس من وحده بالليل لحد الفجر وهي متخبيه لحد ماتروح حالته كان الجني يتكلم على لسانه اهلي شكوا بامره ودوه لشيخ طلع مسحور من اشخاص شربوه السحر واخذو حلاله ودمروا مستقبله فصعب علاجه اصلا اذا دري الجني انا بوديه عند شيخ يروح منه وبعدين يرجعله سولوه عمل قووووي بدوله ثانيه وصعب فكه المهم اختي تعبت نفسيا عايشه برعب الليل والنهار باي لحظه بيذبحها فاضطرت تجي عند اهلي تعيش عندهم فاصر انه يعيش معها لانه مايدري عن نفسه يحسب نفسه بخير لان الحاله تجيه بالليل ومايحس بنفسه من السحر حتى يستغرب من اختي انها تبي تعيش عند اهلي فقالت له الديره مو حلوه ومافيها مواصلات وخدمات رقعت السالفه لانها لو علمته ترجع حالته عاشوا عند اهلي ثلاث سنين مكرمين معززين اهلي يصرفون عليهم جا يوم زوجها اصر عليها تحمل بحكم ان الزمن يمشي وماعندهم الا اثنين وصارو كبار اختي رفضت لانهم مو قد المصاريف بس سبحان الله عسى ان تكرهوا شيئا وهو خير لكم فحملت غصب وجلست تسعه شهور ماتقدر تمشي بس ع الفراش العمل اللي سووه لزوجها اثر على رجلها كانت نوم الليل ماتعرفه من الالم ماخلت شيخ مارحت له بس مافي امل والله كانت تقوم تصلي قيام الليل وتدعي وتبكي المهم ولدت وجابت ولد وتشافت من رجلها سبحان الله وجا رزق المولود معه جا تعيينها وزوجها ولله الحمد ماعد تجيه حالته ولله الحمد والحين الحمدلله ربي فرجها عليهم بعد سنين من العذاب والفقر والخوف والالم فنصيحتي لكم الصبر ثم الصبر ثم الصبر ع المصايب والوحده لاتتخلى عن زوجها على اتفه الاسباب لابد تفرج وربك ماينسى عبيده والوحده تكمل دراستها ماينفها بعد الله الا دراستها مو الزوج ولاتنسى تكسب رضى اهلها لاتزعلهم عشان زوجها مانفع اختي الا اهلها ولا اخوان زوجها وامها تبروا منهم واللي تقول الميزانيه ماتسمح تجيب عيال بالعكس الخير راح يجي مع هالمولود يجي رزقه معه واخيرا لابد ان نشكر الله على النعم اللي احنا فيها التي لاتعد ولاتحصى واولها العافيه والستر والله الذي لااله الا هو هاذي قصة اختي ماكذبت عليكم في شي ودعواتكم واسفه ع الاطاله