قصة اخوي مع المرض النادر النهام العصبي "جنون الاكل"

كيفكم ي بنات ان شاء الله بخير
حابه احكي لكم عن مرض اخوي النادر النهام العصبي "البوليميا"
انا تكلمت عنه ب موضوع سابق هذا المرض منتشر ب امريكا والغرب واكثر مايصيبه البنات وعارضات الازياء اكثر من الرجال والمرض هذا نااادر قليل الانتشار بالعالم العربي لكن الي جاء اخوي كان نوبات حااادة جدا


طبيعة المرض نفسية عصبيه بس تتطور الى عضوية مسبباته مرتبطه بالحمية والرجيم واضطربات نفسية اخرى ..
وخاصه مع اخوي انه اجتمع معه وسواس قهري شديد واكتئاب
طبعا للاسف اننا ب مجتمعنا جاهلين مافيه توعية بالامراض النفسية والعصبيه والامراض النادرة مثل اضطربات الطعام وانا الواحد يخجل انه يروح للدكتور النفسي ويظن انه بس للمجانين !!!
بداية القصة انا حكيتها قبل كذا بس راح اعيدها ب اختصار شديد اخوي كان سمين سوا حمية ونظامه صحي مشي ورياضة واشتراك ف نادي ونزل وزنه نحف وتغير شكله و كان صحته ماشاء الله عال العال ماكان يعاني من مشاكل صحية او نفسية ملحوظه بعد الحمية
بعده فترة بدينا نلاحظ عليه اشياء غريبه
انحدار وتغيير غرييب بالشخصية والسلوك بالتدريج
صار عصبي بعزله عن العالم والمجتمع صار يتصرف تصرفات غريبه صار فيه وسواس وخوف مو طبيعي بالاكل ان الاكل يسمن ويجيب الامراض!!! وصار عنده هوووس مو طبيعي بالميزان تخيلوو باليوم يوزن مرتين واكثر وصار يسوي رياضه عنيفة جدا صار عنده هوووس بالنحافة اوفرررر
طبعا كنا ننصحه ب استمرار ونقوول اكل مثل الناس وخفف رياضة وتعوذ من الشيطان وترك عنك الوسوسه ماكنا عارفين وماعندنا معلومات عن الامراض النفسيه والعصبيه كنا نحسبه رد فعل طبيعية من النحف او عارض ومع الوقت العلاج يروح
بداية المرض
صار ماياكل معنا !!!
يلخبط في مواعيد الاكل ماياكل في النهار وياكل باليل خاصه اذا كنا نايمين
طبعا المرض هذا
المصاب فيه يكون تفكيره وشغله الشاغل طوول اليوم بالطعام والسعرات الحرارية والوزن يجويع نفسه بعدها يأكل بشراهه وجنون بعدها يتخلص من الاكل اما مسهلات او رياضة عنيفة او صوم
طبعا اخوي كان يأكل بشراهه جنونيه جدا وللاسف مالاحظنا عليه الا وقت متآخر كان يأكل من 3 مطاعم دفعه وحده وايس كريم وكيك وعصاير دفعه وحده للدرجة التخمه والالم
ياكل كل شي قدامه اي شي قدامه صنيه كامله صحن كامل اي شي بالثلاجه من طعام حتى لو هو شبعان للمدة ساعة او ساعتين عكس الشخص الطبيعي على طول يشبع
هذا المرض المصاب فيه يكون فيه خلل في الهرمون المسؤل عن شبع بالمخ على شان كذا المصاب مايسيطر على نفسه بالشبع ويكون مثل المجنون بالاكل
الله يبعد عندكم الشر
طبعا مرضى النهام العصبي يحرصون انهم ياكلون بالخفاء على شان مايلاحظوون عليهم اهلهم والناس وينفضحون انهم شرهيين طبعا يأكلون كمية طعام أكبر من الكمية التي يأكلها الناس ب مراحل ...
طبعا حنا كشفناه ولاحظنا عليه ورحنا فيه للعيادة نفسية النتيجه يعاني من اكتئاب وساوس مرتبطه مع نوبات النهام العصبي
لكن المصبيه مو هينا ان الولد جاه سكر وتقرحات بالجهاز الهضمي وترسبات بالكلى وامراض عضوية خطيرة
طبعا انصدمنا وبكينا وكانت صدمه قوووية لنا
اننا اكتشفنا بوقت متأخر وماعلجناه من بدري
خلاصة الموضوع سبحان الله مرض واضطراب بسيط
لكن عواقبه وخييمه
الحمد لله على كل حال
ادعي الله رب العرش العظيم ان يشفيه
دعواتكم له بالشفاء