السلام عليكم ورحمة الله وبركاته
قصتي :
قصتي باختصار مع ابنتي لكي تستفيد الامهات
بلغ عمر ابنتي 7 شهور ولم الاحظ عليها بانها لا تسمع
لفت انتباهي ان احد أطفال عائلتي عمره تسع شهور يتكلم بكلمات الاطفال الاولى (بابا .. ماما..دادادا..)
سألت أمه : ولدج من زمان يتكلم بهالكلمات ؟
قالت : اي من زمان.
قلت: كم عمره أول ما نطق؟
قلت لي : يعني تقريبا يوم كان عمره خمس شهور هو يحاول يتكلم.
قلت : لكن بنتي عمرها الحين 7 شهور وللحين ما تقول شي !!
أول ما رجعت البيت حاولت أكلمها أقول لها: بابا ..بابا ..بابا ...... كانت ردت فعل بنتي انها تطالعني بس من دون ما تقول شي!! ... في هذا الوقت ما جى على بالي انها ما تسمع .. بس يوم صار وقت النوم انا انتبهت .. وقلت في نفسي لا يكون بنتي ما تسمع !! ؟
وبدأت اسوي لها اختبارات سمع مثل اني اشغل لها رنة الموبايل من وراهاا وما تنتبه ؟!!
أصفق بيدي من وراها : ما تعطيني أي انتباااه !!!!!!!!!!!!
أدركت بانه علي أن أعرض أبنتي على أخصائي السمع !!!!!!........
طبعا أول فحص لها قال بأن البنت ماتسمع يمكن عندها صمم مؤقت بسبب التهاب الاذن الوسطى ......( وهني أنا دارت فيني الدنيا من الصدمة.. لأن أول حالة في العائلة عندنا )
بعد إعطائها الأدوية والمضاد الازم لها ... وراح التهاب الاذن الوسطى .... ولكن لازالت ابنتي صماء .....!! وبعد فحوصات عديدة منها فحص (ABR) أثبتوا لي بأن ابنتي مصابة بالصمم الدائم ....وتحتاج الى زراعة قوقعة(وانصدمت صدمة عمرررري....آآآآه من هالصدمة..)
واتمنى من الجميع الاستفادة
والدعاء لأبنتي بالشفاءالعاااجل
ومع تحياني
وبالتأكيد لي رجعة لتكملة الموضوع
وتطور النطق عندها جدا ممتاز ..
والحمد لله رب العالمين