قصة البنت الي قتلت أبوها بسبب واحد رقمها !!!!!!

بسم الله الرحمن الرحيم ..
كيفكم يازهرات المنتدى إن شاء الله بخير ..

بعد السؤال عن الحال إليكم هذه القصة التي يقشعر لها البدن :08:
القصة تقول إن فيه بنت تدرس في الثانويةواسمها عبير مره راحت السوق مع امها
وقابلت واحد رقمها (( واخزياه)) المهم اخذت الرقم واتصلت عليه تتعرف عليه وهو
اسمه خالد المهم تعرفو على بعض وزادت العلاقة وقوت بينهم .. المهم كلن منهم
يبي يقابل الثاني ولا لقو طريقة وفجأة جت فكرة لخالد ...
قال اقول عبير ورى مانتقابل عند المدرسة
قالت عبير :: كيف وضح ؟؟؟؟
قال : اسمعي انتي ابوك ينزلك الصباح ويروح الدوام صح؟؟؟
قالت صح عليك
قال خلاص أنا أمرك وتركبين معي
قالت بس المديرة بتكلم على البيت
قال افصلي التلفون وارتاحي
قالت بس خايفة اتوهق
قال جربي ونشوف
المهم راح ابو عبير ووصل بنته للمدرسة ومشى ..وثواني إلا وخالد واقف وركبت
عبير بسرعة ... وبعدين راحوا فطروا في ذا الكوفي شوب الفخم وجلسو يسولفوا لين
تمت الساعة 12:15 راح خالد ونزل عبير ورجعت البيت وهي خايفة بس محد درى
وكلمت خالد على طول وقالت ان اهلها مادرو
وطمنته وسولفوا شوي وقال خالد وش رايك اقابلك بكرة
قالت لالالا مو كل مرة تسلم الجرة
قال المره ذي جايب لك هدية
قالت مر واشوف الوضع
ومر خالد في الوقت نفسه وركبت السياره
المهم مالكم في طولت الهرج اخذوا على هالحال اسبوع كامل من السبت الى الأربعاء
وجاء يوم السبت اليوم اللي نست فيه عبير تفصل التلفون .. وطلعت مع خالد
وإلا التلفون يرن .. قامت ام عبير (يالله صباح خير)
ام عبير: الو
المديرة: الو السلام عليكم
ام عبير:عليكم السلام من تتكلم
المديرة:انا الأستاذة هدى مديرة المدرسة اللي تدرس فيها بنتك
ام عبير:هلا عسى ماشر
المديرة: لامافيه الا الخير بس عبير لها اسبوع ماداومت عسى ماهي مريضة
ام عبير: كيف ..((وصرفت الموضوع)) ايه الله يسلمك البنت مرضت شوي بس
المديرة: زين الف حمد الله على سلامتها مع السلامة
ام عبير دارت بها الدنيا وماتدري وش تسوي هل تعلم ابو عبير
وإلا تمسك البنت وتسألها ؟؟؟؟؟؟؟؟؟؟
المهم قالت لأبو عبير عن كل شي وقال اسمعي لاتقولين لها
اول شئ أنا بشوف وين تروح ..
ويوم الأحد وصل ابو عبير بنته ومشى شوي وصفط يمين إلا هاك
اللكزس تمر وتركب عبير بنته المهم اللكزس كانت مضلله
ومشى وراها ابو عبير الين هاك الشقق ونزلت عبير وخالد
وصط ابو عبير ونزل ومسك راعي الشقق وقاله رقم الشقه وعلمه إنها شقة رقم 14
المهم طلع ابو عبير وهو يرقى الدرج كان خالد نازل
وما انتبه ابو عبير له المهم طق الباب وفتحت عبير وانصدمت
يو شافت ابوها وضربها وهي هجت للمطبخ واخذت السكينه
تبي تروع ابوها وغلطت وطعنته في صدره وطاح الأبو مغمى عليه
وجا خالد وشاف الموقف وقال لعبير بسرعه شيليه معي للحمام
وحطوه في البانيو وملوه مويه وحطوعليه صابون الغسيل(تايد )عشان الرغوه وطلعوا ..................
ورجعت البنت للمدرسة وهي تفكر في اللي صار حقيقة ولا خيال ..
المهم طلعت من المدرسة ورجعت مع الباص وطقت الباب إلا المفاجأة الغريبة ابوها فتح لها..
وصااااااااااااحت وقالت : ابوي مو معقول
رد وقال : مع تـــــــــــــــــــــــــــــايـــــــــــــــــــــــــــد للغسيل مافيش مستحيل ...
هههههههههههههههههههههههههههههههههههههههههههههههههههههههههههه

عارفة اللحين ودكم تغتالوني .. بس معليش احب العب بأعصابكم ..

ولكم مني أرق وأجمل تحية ..
محبتكم.. :27: