قصة السجينة؛ قصة حقيقية واقعية.

السلام عليكم و رحمة الله و بركاته.
قبل لا أكتب القصة و قبل لا أسوي أي شيء؛ بنات القصة حقيقية فعلاً و حدثت فعلاً و كل أحداثها واقعية ١٠٠٪‏ و القصة نُقلت من لسان البنت نفسها.

عمري كله كنت أقرأ قصص لكن والله ما بحياتي قرأت قصة أو رواية بمعنى أصح و أثرت فيني بشكل كبير!
أولاً من ناحية إنها خلتني أحذر أكثر..
ثانياً خلتني أنصح ناس كثير و ممكن كنت السبب في تراجع ناس عن خطأ قاعدين يسوونه..
ثالثاً أثرت فيني عاطفياً و جسدياً والله بشكل ما تتخيلونه! من بعد القصة صرت أحلم كثير بالبنت!

١. قصة استمتعت فيها بكل حرف أقرأه.
٢. عرفت أشياء تصير بالسجن و بالقضايا ما كنت أعرفها أبداً!
٣. وعتني على كثير أشياء!
٤. قصة حزنتني و عورت قلبي بشكل كبير...

و عشان ما أطول عليكم أكثر بكتب لكم القصة هذي و يا رب يكون لي و لمن تبعني الأجر في تراجع أشخاص عن ذنوب ما يعرفون عاقبتها...

القصة وصلت للأخصائية النفسية/ الهنوف البراك.
و هي اللي سردتها كاملة؛ و أكتبها لكم مثل ما قالتها بالضبط:

#القصة #مكتوبة ..اقرأوها وتخيلوا صوتي قبل ما احطها ودي اذكر #معلومات #مهمة
١/ القصة ما اعرفها شخصياً وصلتني وحسيت فيها تنبيه وفائدة وحبيت أوصلها ..
٢/ الحكم عندنا ولله الحمد على الشرع والذكر والأنثى كلهم سواء ... لكن الحكم عندنا مره وحده وليس اجزاء ..
٣/ معاملة السجينات او اي موظفة يرجع لأخلاقها .. واتوقع اذا إدارة السجن وصلها خبر ، راح تتخذ الإجراءات اللازمة ..
__________________________
# الجزء_الاول :
_______________
انا بنت حياتها تحطمت تماما وما بقى لي شي خلاص..لكن فكرت انه ليش ما احكي قصتي للبنات واحذرهم من الاستهتار..مو يمكن قصتي ربي يهدي بيها حياة بنات وينقذها من الضياع
ماعندي شي اخسره لو حكيت ولو احتقرتوني انتم كمان بس على الاقل استفيدوا من تجربتي..
انا الان عمري 30 سنه لكن السجن اخذ مني نضارة وحيوية العشرينات..حسافه بس
واكيد ما ااحكي لاني ابغاكم تتعاطغون معي..انا غلطت وكل الي صار لي استحقيته وراضيه فيه والحمدلله
بس انا بحكي لكم عشان تعرفون ان الانسان ممكن يخسر كل شي بغلطه واحده وحياته تتغير بالكامل اذا ما انتبه لتصرفاته وخلى شيطانه يزين له الطريق
انا انسجنت 7 سنين بس انا بحكيلكم عن جريمتي ومحكوميتي باول سنه فقط
قبل 8 سنوات كان حالي مختلف فأناالبنت لدكتور جامعي عظيم وموجهة لغه انجليزيه ..اهلي مثقفين ومحترمين في المجتمع وسمعتهم انظف من الثوب الابيض ..
ماقصروا ابد معي وربوني احسن تربيه وعلمتني امي الانجليزيه والفرنسيه من صغري ولاني اخذت ذكائهم بالوراثه اجدت كل شيئ وكنت اذكى طالبه في المدرسه وتفوقت دائما وكانوا فخورين بي بالذات امي كانت تدللني وتتباهى فيني خاصه ان ربي عطاني جمال سبحان الله وجمعته مع الذكاءواللباقه وخفة الدم..كنت محبوبه ومرت الايام..
كبرت انا وبلغت وامي خلفت اختي وبعدها اخي..كنت بدأ جسمي يتغير ويحلا وشعري الين خصري و كل استاذاتي يمدحون ذكائي ويكرموني طالبه مثاليه كل سنه وامي يزيد حبها لي وفخرها بي ..حتى اختي الصغيره بدات تتعلق بي وتقلد حركاتي وابوي بعد كان مايرفض لي طلب ومايقصر معي بهدايا ..يالثانويه العامه جبت مجموع 94 وماتتخيلون قديش فرحة امي وابوي,,سوولي حفله كبيره عزمت كل صديقاتها وصديقاتي والجيران وابوي وزع حلى بالجامعه وكل الي جو الحفله جابولي هدايا.. وقتها بدأ الغرور يدخل في نفسي..للاسف انغريت بشكل خرافي ..اعتبرت اني احسن ماخلق ربي الكون وشفت نفسي ..ليش لا ؟ من قدي .. زاد اهتمامي بجمالي صرت اناظر المرايا كل وقت وكل شوي اصبغ شعري واعمل مكياج واحمر شفايف فاقع ومن كل لون وعدسات ووو ولبسي كله ضيق...


#يتبع.
في حال شفت تفاعل بنزل لكم الجزء الثاني بإذن ربي❤️.