السلام عليكم ...
هذه قصة واقعية حدثت قبل فترة من الزمن
كان فيه سعودي و كويتي زملاء يدرسون في بريطانيا
وبعد انتهاء فترة الدراسة قرروا يرجعون لأهلهم
فقال الكويتي للسعودي :
قبل ما تروح للسعودية تعال معي للكويت و بعدها رح للسعودية ،
فوافق السعودي ، وهم في الطيارة رايحين للكويت دق اخو الكويتي من الكويت وقال
لاخوه إن جدتي توفت
فقال الكويتي لاخوه انا معي زميلي من السعودية وعازمه فلا تقولون له شي حتى
ما يضيق صدره ولا احرجه ، نصلي على الجنازة وكأنها لأحد من جماعتنا
لما وصلوا
صلوا على الجنازة وقعد السعودي له مدة في الكويت اعجب ببنت جيران الكويتي
و قال لزميله اني ودي اتزوجها
فرح الكويتي وقال انا مستعد اخطبها لك و فعلا خطبها له وخبر السعودي اهله وسووا
الزواج ورجع السعودي لديرته
وبعد مدة طويله كبرت تجارة السعودي وطلع تاجر وغني
والكويتي خسر كل أمواله وتجارته فقال مالي إلا أروح لصديقي السعودي اكيد
بيساعدني
وفعلاً راح للسعودية وهو منتظر شوفه زميله بفارغ الصبر لما سأل عنه ووصل
لبيته صار مو ببيت صار ساكن في قصر وتاجر وكان الوقت متأخر فقال للبواب :
قل لراعي البيت إنا زميلك من الكويت فلان بن فلان عند الباب وانه محتاجك مرة
مرة وان حالته كذا وكذا
و بعد مارجع البواب أعطى الكويتي شيء من عشى السعودي
تخيلوا
فضاق صدر الكويتي
وقال هذا جزاء الصداقة المهم
وهو راجع رجليه في الطريق
لقى اثنين من رجال الاعمال يتراهنون على مليون اللي بيقابلونه في الطريق أول
واحد بيعطونه المليون وكان من حظ الكويتي
انه هو اللي جاهم الاول وأخذ المليون و تاجر بها في السعودية وقبل ما يرجع للكويت
لقى عجوز معاها بنت وقالت له
العجوز أبي اخلي البنت عندك وأروح أحج إذا مارجعت تزوجها وخلها عندك
لما طولت العجوز عقب الحج أتزوجها وسوا حفله الزواج بالكويت وفي اثناء الزواج
وكان من ضمن المدعوين زميله السعودي
لما شافه الكويتي غضب وقال للحضور اطردوه هذا خاين العشرة والصداقة
تخيلوا انه لما جا معي للكويت
وكانت جدتي ميته ما علمته علشان مايضيق صدره على وخطبتله بنت الجيران اللي
كانت في الأساس خطيبتي وفضلته على نفسي ولما جيته محتاج عطاني فضله
عشاااااه
تدرون وش قال السعودي....؟؟؟؟
قال اسمعوا واحكموا علي ......
انا يوم جاني الكويتي وهو محتاج ما حبيت أشوفه على حالته هذي عقب ماكان تاجر وكبير أشوفه صغير ومحتاج وأتفضل عليه بشي من عندي عشان كذا عطيته فضله عشاي
وبالنسبه للتاجرين اللي متراهنين على مليون هذولي أخواني أنا مروحهم له علشان
يفكون ضيقته
أما بالنسبه للعجوز اللي معاها البنت فهاذي أمي والبنت هذي طبعاً أختي
وش رايك ما أحضر زواج اختي؟
ˆ~*¤لحظة سكون¤*~ˆ @lhth_skon_1
محررة برونزية
هذا الموضوع مغلق.
الصفحة الأخيرة
هذي إهيه الصداقة
مشكوووووووووووووووووووووووووووووووووووووووووووورة على هذا الموضوع[/