قال تعالى: {قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعًا إنه هو الغفور الرحيم} انا تزوجت وعمري 16 سنه وكنت وقتها لاهيه بدراستي وبعد مرور ثلاث سنوات مافيه حمل وقتها كنت مخلصه الثانوي وجالسه بالبيت .بدا التفكير بالحمل يزيد عندي والوسواس لأن كل اللي تزوجو معاي بنفس الفتره صار عندهم ماشاء الله عيال اللي عندها طفل واللي اثنين .المهم صرت كل يوم وانا ماعندي سالفه الا يالله نروح نحلل في المستشفى وهوه رااافض انه يروح المستشفى .المهم قلت خليني اشوف نفسي اول يمكن انا السبب بعدم الحمل .ورحت عند كذا دكتوره وسويت كل التحاليل واشعة الصبغه ورحت عن حرمه تمرخني يعني مابقى شي ماسويته .وكل شي عندي سليم الحمدلله .وطبعا بعد معانااااه وبعد اصرار
وزعل ومشاكل وافق يروح يحلل (وبعد ماطلعت نتيجة التحليل جا من عند الدكتور وهوه زعلان ويوم سألته عن السبب وعن النتيجه نزلت دمعته وقال الدكتور يقول مافيك ابد حيوانات منويه ومستحيل تخلف ولا ينفع معاك علاج )ووقتها خيرني اني اصبر واعيش معاه او اروح بيت اهلي ويطلقني واعيش حياتي .ماراح احكيلكم عن حالتي وقتها من الصدمه لأني خلاص انهديت
ماادري اش اقول اش اسوي زوجي طيب ويحبني لكن صار يدور براسي مليون فكره ولو هو بدالي اش كان بيسوي وكيف بصبر وانا احب الاطفال موووت .ماحسيت الا وانا بحظنه وابكي .
بعد فتره بديت من جديد اقوله يروح لدكتور ثاني ويجرب وخبركم الرجال كيف فيهم عناد مو طبيعي وبصعوبه قدرت اقنعه
ووصيته يسأل عن طبيب كويس اولا وثقه .وراح لدكتور الله يذكره بالخير وشاف تحاليله القديمه واستغرب من كلام الدكتور الاول وقال لزوجي (انت عندك حيوان منوي واحد لكن ميت ومعناها ان الخصيه تنتج عندك لكن فيه مشكله ولازم نعرف السبب ونعالجها )
سوى زوجي تحليل جديد(وطلع عنده صديد وهرمون مرتفع ) وبدا العلاج من حبوب وابر وفيتامين لمدة 4 سنوات وفيه تحسن لكن بسيط وبطيء وقال وقتها ممكن تعملو انابيب وبإذن الله تنفع بحالتكم (وكان الدكتور يقول لاتيأسو وحكى لنا فيه مريض كان يتعالج عنده مافيه الا حيوان منوي واحد وحملت زوجته 3 مرات سبحان الله) المهم.سويت الانابيب ثلاث مرات تقريبا في سنه ونص وماكتب ربي النجاح .
وتعرفون التعب والابر والنفسيه والهم والامل وبعده الفشل يعني تعبت نفسيتي مررره .وزوجي وقتها طفش من العلاجات وبطلها يقول بيرتاح .
لكن ابدا مايأست وقلت لزوجي يالله نجرب الرابعه والله كريم .
وكنت انتظر الدوره .......................والمفاجأه ...الحمد لله الحمد لله حامل بعد 9 سنين ...................
وكانت فرحه لي ولزوجي ولأهلي وكل الناس اللي تحبني .ولله الحمد تم حملي وجبت ولد الله يخليه ويبارك فيه يارب
لما صار عمر ولدي سنتين صرت افكر من جديد ابغى ربي يرزقني بأخ له .وبديت من جديد اتكلم مع زوجي لين اقتنع كان يقول مثل ماجا الاول ربي بيرزقنا بالثاني .وصبرت سنه زياده يعني صار عمر ولدي 3 سنوات
ورجع زوجي للدكتور اللي يتعالج عنده قال له الدكتور يبغى لك علاج من جديد لأن الحيوانات المنويه تراجع العدد كثير وبدا من جديد العلاج تقريبا لمدة سنه وكم شهر ونفس الكلام قال ماينفع بحالتكم الا الانابيب .
رحنا مستشفى سعد عند دكتور عارف الخالدي الله يذكره بالخير .ومن اول زياره بصراحه تفائلت لأني لقيت عنده حرمتين وحده جايه من الاحساء والثانيه من الكويت وومشكلتهم نفس حالت زوجي وكانو حوامل ماشاء الله بعد ماسوو الانابيب عند دكتور عارف ونجحت بإذن الله .
طبعا دخلنا للدكتوروطلب مني ومن زوجي كل التحاليل (دم .الكبد,الايدز,الغده.... ) والحمد لله كلها كانت سليمه الا الغده كان عندي كسل خفيف
وقال لازم تاخذي علاج لمدة شهر ومع علاج الغده عطاني حمض الفوليك يقول لانه يجهز الرحم للحمل بإذن الله .وقال تعالي بعد شهر ويكون ثاني يوم بالدوره نبدأ عشان العمليه .وقال لزوجي تستمر على علاجك ومن ضمن كلامه قال لزوجي (في حالتك طبيا مستحيل يصير حمل لكن ربك قادر على كل شي)
وبعد شهر انتظرت الدوره عشان اروح للدكتور ...........وتأخرالدوره..............وحللت ...............طلعت حامل
يارب لك الحمد والشكر .
وطبعا ربي كاتب لنا نصيبنا بكل شي قبل مانخلق .لكن فيه اشياء ممكن تكون سبب بعد مشيئة الله ومنها الاستغفار والدعاء
ورضى والدينا ودعائهم لنا والصدقه .
اسفه سامحوني طولت عليكم لكن والله اختصرتها قد مااقدرباللي فيها من تعب ومعاناه وكلام الناس وحوسة المستشفيات .
الله يرزقكم الذريه الصالحه السليمه المعافاه .يارب ياكريم
ادعولي ربي يخلي لي ولدي ويتمم حملي على خير .ويرزقني طفل سليم معافا .
نبضااات @nbdaaat
عضوة نشيطة
يلزم عليك تسجيل الدخول أولًا لكتابة تعليق.
الله يتمم حملك يارب ويرزقك برهم والله اني فرحت عشانك
والله يرزقنا الذرية الصالحة ويسخر لي زوجي وبنتي يارب
والله يرزقنا الذرية الصالحة ويسخر لي زوجي وبنتي يارب
ماشاء الله تبارك الرحمان الله يقومك بالسلامه ويخليلك وليدك يارب بصراحه مفروض تكوني قدوه لنا من صبرك وفرج الله عليك الله يتمم لك فرحتك يارب
BSMAH90
•
ماشاء الله تبارك الله الله يقر عيونك بشوفك طفلك سليم معافى ويخلي لك اخوه ياربماشاء الله تبارك الله الله يقر عيونك بشوفك طفلك سليم معافى ويخلي لك اخوه يارب
ماشاء الله تبارك الله
الله يقر عيونك بشوفك طفلك سليم معافى ويخلي لك اخوه يارب
مشكورة على ذكر تجربتك
الله يقر عيونك بشوفك طفلك سليم معافى ويخلي لك اخوه يارب
مشكورة على ذكر تجربتك
الصفحة الأخيرة
الله يقر عيونك بشوفك طفلك سليم معافى ويخلي لك اخوه يارب