السلام عليكم ورحمة الله وبركاته
كيفكم حبيباتي ما اقول الا الله يجزاكم خير
الصراحه اني استفدت منكم في اشياء واجد لدرجة اني بصير دكتوره
بقولكم يابنات قصة حملي يالله لك الحمد الواحد الاحد الكريم المعطي الصراحه قصتي انا اتعجب منها صحيح اني بطول معكم بس ان شاء الله تستفيدوا منها من عدة نواحي
والان بكتب الامور اللي استفدت منها
استفدت من موضوع الاخت الكادي -83
(((((فاستجبنا له ))))
وهذا الرابط
http://forum.hawaaworld.com/showthread.php?t=1192812
واستفدت ايضا من موضوع الاخت المقداميه
لكل من لازمت الاستغفار وحملت طبيعي او انابيب تدخل تحكيلنا
وهذا الرابط
http://forum.hawaaworld.com/showthread.php?t=1867633
وايضا الاصدار الصوتي الانجاب بين التفاؤل والامل لحسن الجوني
وهذا الرابط
http://www.ser8.com/vb/showthread.php?t=12710
وايضا رقية الشيخ السدحان للانجاب
وهذا الرابط
http://www.4shared.com/file/82551763/ff0d11f6/al_sd7an.html?cau2=403tNull
والقسط الهندي
وطبعا امور الاهتمام بالدوره
وجلست اتا مل في قصة مريم وزكريا وابراهيم عليه السلام وزكريا يدعو ربه والمشكله في زوجته عقيم واهو كبير مره وتفسير ((وقد بلغت من الكبر عتيا)) يعني من الكبر عتى من النساء والجماع ومع هذا ربي ارضاه
وهذي رساله للي تقول انا سليمه او المشكله من زوجي اقول اجتهدي وربي بيرضيك
ونجي للقصه:
انا عندي بنت 9 وولد 7 المهم جبت بنتي وانا صغيره 17 وبعدها الولد وبعده استخدمت حبوب منع حمل سنتين وبعدين تركتها وسببت ضعف والدوره كل شهرين وواحد من المبايض فيه تكيسات من الضعف وبطانة الرحم رقيقه وبعدين سبب لي ميل في الرحم ومعاناه
وانا وزوجي عندنا اهمال وانا ما احب الابر وكل يوم اقول بكره ويمكن تنفرج بدون ابر منشطه
المهم مرت السنين وانا كل يوم بكره وخصوصا ان الدوره ما تنزل الا كل شهرين يعني يروح الوقت المهم المبيض الايمن كان 5 والمبيض الايسر 7 يعني ضعف شديد وبعدين استخدمت الكلوميد ولافيه فايده وبعده النولفاديكس وصار تحسن بسيط استمر معي واهو واحد 7 واحد 9 وبعد مده طويله احتجمت وياجعله في موازين حسناتكم وطلع دم متجلط كثير وبخار وبعده سويت سونار لقيت مبيض صار 11 الحمد لله فرحت وبيني وبينكم كانت علاقتي مع ربي يعني وما كنت احافظ ع الاذكار ولا رقيه ولا استغفار وقلت بكررها المهم كررتها مرتين يا بنات وبدون اي نتيجه تذكر ولا حتى انتظام دوره وكنت استخدم اعشاب وعسل ومشروبات ساخنه وقت الدوره وبدون نتيجه وبالعكس كانت الدوره توقف وانا اقول بيوقفها وبعدين بينشطها مثل ماقالوا البنات وبعدين قرات عن القسط الهندي وفوائده واستخدمته وسبب اسهال وضعف بالجسم بس استمريت لان هذي علامه وجود عارض وبعدين تركته لانه خلص اللي عندي وبعد مده شريته واستخدمته وتغيرت الاعراض اسهال والم في الراس بعد تناوله مباشره وريحة عرق ماتطاق فضيعه لو استحم كم مره اواستخدم ملطف ما يفيد مع اني الحمد لله اكثر الوقت مااستخدم شئ وبحثت في النت ولقيت نفس الكلام العارض بدء يتاثر ولازم استمر واروح للمستشفى واسوي سونار نفس النتيجه ولا ازيدكم من الشعر بيت البويضه صغرت صارت عشره وانا يابنات مجتهده ادويه وعنايه في الدوره بس بدون فايده بس الصر احه كنت متفائله الحمد لله واذا صار شي مو مرضي اتحمد الله واقول في نفسي الحمد لله بنت وولد من لقاها يكفوني وكان عندي الحمد لله حسن الضن بالله سبحانه لان الله سبحانه وتعالى يقول في الحديث القدسي( انا عند حسن ضن عبدي بي فليظن عبدي بي ما يشاء )وانا ضني حسن لاني موقنه بان الخيره فيما اختاره الله للعبد واذا شفت عيالي حمدت الله عليهم وكنت صابره مع اني اتعب لا تاخرت الدوره بس اصبر لان القضاء ماشي علينا لا محاله بس يمشي ولنا الاجر احسن من انه يمشي ولنا السخط وتوكلت على الله فمن توكل على الله فهو حسبه كما قال الرسول عليه الصلاة والسلام وبديت اقرا على نفسي واستغفر واكثر من الذكر والحوقله والمسباح في يدي واقرا البقره باستطاعتي واللي لاحضته يابنات ان شغل بيتي صار سهل مره وانا قعد فاضيه بس استغفر وانا اشتغل وانظف وابغى انام وانا امشي وفي السياره و استغفر بدون عدد المهم ان الدوره ما عاد نزلت تقعد زياده عن الشهرين وحتى بالحبوب ماتنزل الابعد اسبوعين يعني ازدادت المساله تعقيد والشيطان يبغى اني اياس بس انا الحمد لله الطريق اللي انا ماشيه فيه صح وتاكدت ان بعد الشده فرج وما بعد الليل الا الصبح وكنت ادعي الله انه يشفيني وابكي واستدل بقدرته سبحانه اللي رزق مريم من غير زوج ورزق ابراهيم عليه السلام على الكبر وزكريا عليه واسمع سوورة مريم بصوت القاريء ابراهيم الجبرين كانت وحده من البنات منزلته يا بنات قراءه خااااااشعه
المهم ان الدوره جات واول ما جات نزلت مني قطعه زي الجلد فيها اسود ومرشوشه بابيض وفيها عروق المهم انها مو تسقيط ابد وقلت لامي وما عرفتها بس قالت شر وخرج لا تهتمي وبعدها يابنات افتكيت في الم كان معي من سنين تحت القفص الصدري لا جيت نايمه سبحان الله وانا مستمره بالرقيه حتى مع الدوره وزاد اصراري اختي قالت استغفري النسوان افلحن اللي توظفت واللي حامل وانتي كسوله
المهم قريت في زيت وصرت ادهن البطن وقت الدوره واحتجمت مره رابعه والاخيره بس زودت على الاماكن اللي كنت احتجم فيها مكان الاخدعين والكاهل وظهور القدم والكاهل طلع دم مره قوي حتى الحجامه قالت اكيد معك الم شديد ودائم في الراس قلت لا الحمد لله وبكتب البرنامج اللي سويته بعدين كاااامل المهم اني تعبانه والنفسيه مثل ماقلت وتاخرت الدوره كالعاده ورحت للدكتوره وسوت تحليل حمل والنتيجه سالب واعطتني الدكتوره حبوب تنزلها وما فيه فايده تاخرت 12 يوم ورحت لها لان صدري متحجر ابغى اسوي تحليل هرمون حليب الله يستر وقالت يالله سونار انتي حتى الدوره كسلانه زيك هههههه:hahaha:
وتحط السونار وتدور
وتلقى
وتلقى
وتلقى<<<<<<باااااايخه اخلصي علينا
(((كيس الحمل))) وفرحت وبشرتني وانا ماني مصدقه ابد وقالت يالله تحليل دم قلت خلاص علشان اتاكد قالت انا متاكده المهم انتضرت ربع ساعه وانا استغفر واتحمد الله اذا انا حامل فهو القادر واذا مافيه شي الحمد لله نفسيتي بعد بتحمل اكثر المهم الدكتوره نادتني وبشرتني وقالت عمر الجنين شهر وعشره ايام وانا منبهره ماصدقت وبسرعه تفتح ملف حمل وبسرعه تكتب لي حبوب فوليك اسيد وتحسب متى موعد ولادتي وانا ماني مستوعبه ما استوعبت الحمل كيف عاد الولاده ولاده مره وحده لا عاد:09:
واتصل بزوجي ولا قدرت اتكلم واعطيه الدكتوره وتبشره :icon28:
يا سبحان الله يا بنات قعدت سنين وخلال شهرين ونص بس حمل بس بالتوكل على الله
المهم يابنات التوكل على الله مع الاخذ بالاسباب
الله يرزقكم يارب ماكتبت الموضوع هذا الا لتجتهدن خلو منكم انا فيني كذا ولازوجي الله القادرعلى كل شي اللي خلقنا من العدم
والسلام عليكمورحمة الله وبركاته
بدويه في النت @bdoyh_fy_alnt
عضوة فعالة
يلزم عليك تسجيل الدخول أولًا لكتابة تعليق.
شهودة القمر
•
الله يرزقنا أخيتي مثل ما ربي انعم عليك والله يتمملك على خير دعواتك لنا
RAKEEL
•
الله يرزقنا أخيتي مثل ما ربي انعم عليك والله يتمملك على خير دعواتك لناالله يرزقنا أخيتي مثل ما ربي انعم عليك والله يتمملك على خير دعواتك لنا
RAKEEL :
لان القضاء ماشي علينا لا محاله بس يمشي ولنا الاجر احسن من انه يمشي ولنا السخط
اعجبتني عبارتك هذي وفعلا هذا ما يفترض ان يكون عليه المؤمن ربي اجعلنا من الحامدين الشاكرين المعافين من كل بلاء
اعجبتني عبارتك هذي وفعلا هذا ما يفترض ان يكون عليه المؤمن ربي اجعلنا من الحامدين الشاكرين المعافين من كل بلاء
الصفحة الأخيرة