وش الحل مع هذي الدنيا ؟
طفشتتت مررره
الحياة كل يوم تهدم حلم من احلامي
والمفروض ان احلامي تتحقق لانها خير كلها
لكن هذي الدنيا مي لاقيه الا انا وامثالي
>>> فضفضة


انا قربت ايأس وش اعمل علشان احقق امنياتي واحلامي ؟
الحياة والحظوظ والتوفيق ضدي وش اعمل ؟

اهلا وسهلا حبيبتي ..
عقلك سابق عمرك ببعض الامور ماشالله
مثل انك ماتتسرعين بالسب وان بالك طويل ، لكن انا بوضح لك عدة امور
لما الناس تشوفك ماشية لحالك وتروحين وتجين وتسوين كل شي لحالك بيفهمون انك
مرتاحة بهالوضع ، بالتالي محد بيقرب منك لانهم فاهمين انك مبعدة باختيارك .. بينما الحقيقة الي مايعرفونها
هي انك مبعدة بسبب انك ماتحسين لك قبول ..
خل نوقف هنا شوي : مالك قبول ليش؟ هل لانك حاولتي تتقربين لكل شخص بدربك وتكونين عفوية ومرحبة بالقرب
بس هالناس كلللهم مابادلوك ؟ ولا مالك قبول لانك ماحاولتي تكونين طبيعية ومرحبة بالقرب؟
هذا فرق مهم ، انا متاكدة انك بتصرفاتك العامة بالكلية معطية انطباع بالانطوائية وانك ماترتاحين مع الناس
فعشان كذا البنات مايتشجعون يقربون هم منك ، ما اقصد انك ماتبغينهم يقربون لا مو كذا قصدي
اقصد انطوائك على نفسك الواضح ما انك ما تبادرين تجلسين مع البنات او تكلمينهم او تتعاونين معهم بالي يخص
دراستكم ، هو الي مخلي البنات يفهمون غلط انك متقبلة وضعك .. فهمتي؟
الي راح بيمديك تعوضينه ابدا لا تخافين بالذات انك صغيرة والعمر قدامك باذن الله ..
اول شي بما ان اهلك مو مساعدينك ولاداعمينك معنويا فانتي اذن دوري الامور الي تكون مصدر ثقتك بنفسك
هالامور تلاقينها داخل نفسك ، وبرا ..
داخل نفسك معناها بتحاولين تنتبهين للبسك ونظافتك وطريقة كلامك وجلستك ونظراتك ..
برا نفسك معناهاتدرسين مستقبلك كويس وتلاقين الفرص الي تنجحين فيها دراسيا وعمليا وصدقيني
من هالناحية انا ااكد لك ان ثقتك بنفسك راح ترتفع لانك بتثبتين قدراتك وبتحتكين بناس تتاثر بنجاحك
وتكون مقبلة عليك اكثر ، ومن هالنقطة بتتحسن علاقاتك كثير وبالتالي ثقتك بنفسك ..
لكن المهم انك تفهمين نفسك كويس،نقاط قوتك وضعفك كلهم لازم تعرفينهم ..

اول شى يا بنتي بطلي تتكلمين عن الماضي نهائي


الكلام بالماضي نقصان عقلي الطفولة والمراهقة كلها هبال ما ينشره عليك


المهم وحدة وحدة سنعي نفسك بنفسك


اذا انتى ماعندك قدوة بالبيت او بمجتمعك تقلدينة دوري احد من المشهورين الي تتمنى تكوني مثلة وكوبي وبيست وهذي اسهل طريقة
لتضبيط اسلوبك واستايلك ومنطقك
طبعا انا اقول تقليد بالاشياء الكويسة بس
بعدين
اكتبي ايش هى احلامك الي انتى تبين
اذا كانت مادية فبسيطة اشتغلي اي شغلة وشوى شوى بتحصلينها كلها
واهم نقطة بطلي تتذمرين وتتكلمين بسلبية عن نفسك
الرسول اللهم صلي وسلم عليه يقول لا تمارضو فتمرضو وقيسي عليها كل شي ثاني لا تقيريدين عشان ماتنقردين جد ويطيح حظك عقد ما تفاولين على نفسك
اعملي طريقة المشيقح
واقري عن طريقة التوكيدات
وتمرين المرايا
وقانون الجذب
وقوة الكلمات المنطوقة
اذا تشعرين انك مو عارفة من وين تبدين
ابحثي عن الالهام في مخططات واهداف الاخرين
ابحثي في قوقل عن الاهداف السنوية للناس الي بعمرك
وانصحك من كل قلبي انك تقرين وتقرين وتقرين
وتبطلين دور الضحية واستجداء الشفقة لان الناس تهرب من هالنوعية لان طاقتهم سلبية وجلستهم تستنزف وقت الاخرين بيتعاطفو معك يوم ثم بيقاطعونك وبتنزلين موضوع ليش محد يبيني ولا يحبني!!!!

السلام عليكم
ترا انا موهدفي ان الناس تشفق علي ابدا
واساسا وش استفيد اذا الناس رحمتني ؟!!!!
اكسب مجد ولا اكسب سعادة ولا اكسب تفوق !!!!!! الحمدلله انا موكيذا ....
لكن انا مشكلتي غريبة سوء حظي جاي من السماء اسباب الدنيا كلها اعمل بها
وعندي خطة لمستقبلي وقاعدة انفذ جزء منها بالتدريج
الحمدلله انا مو همجية عندي خطط وتنظيم ....
لكن كل هذي الشكوى مدري وش اعمل قلت حيلتي لان سوء حظي من السماء ...
الحمدلله على كل حال ... شي غريب قاعد يحصل بحياتي ماله تفسير واضح
او ان الحياة تطلب مني الكثير اكثر من غيري علشان تصير حياتي جميلة


الخلاصة انا اشكي ابي احل فعلي مو شفقة او مشاعر ...

رف