احساس طييعي في هالمرحله تفكري بهالاشيااء لان بعد هالمرحله تبين تثبتين وجودك
والغلط انك تستمري بتأنيب الضمير لان كلنا انجرحنا مو بس انتي والجروح قوتنا ..
وشوفي عندك العباقره اغلبهم مضطهدين ماجات الحياه على كيفهم ..
فلازم تتقربي من الله اكثر عشان تكوني مستقرة نفسيا
وتقدري تشوفي بعدها اش الجانب الحلو فيك عشان تبرزيه ..
ونصيحه حبي نفسك يعني اي شي يأذيك ابعديه وأي شي حابه تسويه سويه وماعايك من كلام الناس او استصغارهم ..
والله يوفقك يارب
وفيه سوالك لفتني عن اذا احب الله العبد احبوه الناس
صحيح لان تتكون عنده هاله نقيه وصافيه ومريحة فالناس ينجذبو لهالتك..
اقري عن الهالات وفيه ناس هالاتخم سودا تنفري منهم لانها مليانه ذنو

مااحب اكتب كثير
لكن تأثرت بقصتك ..
كنت زيك ..
تحسنت كثير ..
ماني قادرة اكتب كثير لانها كانت فترة صعبة
لكن تذكري انك مثل الجوهرة الغالية لطيبة قلبك
وفي ناس يقدروا الناس اللي مثلك
انتي انسانة جميلة و ذكية لكن تنقصك بعض الدروس عن الحياة .. تحتاجي لصديقة وفية تكون معك و ترشدك
حبيتك كثير و اتمنى اكون صديقتك وان شاء الله يكون بيننا تواصل

ياقلبي غيري شخصيتك بالمره يعني مولازم تصيري شريره بس غيري الشخصيه نفسها أولها التفكير اللي تفكرينه كله يأس واحباط ليش كذا حبيبتي والله تندمي على شبابك يروح وانتي ماعشتيه ياما بنات تلاقيها اقل اقل من العاديه ومكونه ماشالله علاقات اجتماعيه لها اول مالها اخر الحل انك تطوري من ذاتك سولفي سوالف حلوه تعلمي ردود اللي يمزح معاك ردي المزح له يعني خليك فعاله مع الناس تلاقي فجأه صار لك صحبات كثير وانتي راح تحسي بهالشي ويتطور لازم لازم انتي تغيرين من نفسك خليك واثقه من حالك البسي لَبْس حلو مو لازم غالي انتي اشتري وكوني شوفي الموديلات حبه حبه راح تحسي نفسك صار عندك ذووق اهتمي بشعرك استشوري قُصي إصبغي اقري قصص حلوه واسردي للي عندك بأسلوب حلو اللي يزعلك خذي موقف منه لاتصيري ساذجه مو تقطعي بس اهم شي يكون لك شخصيه ادخلي حسابات بالانستغرام تطوير الذات

مشكلتك فقط نقص الثقة بالنفس.. تحتاجين تدريبن نفسك وتتدرجين لحد ما تقضين على هاذي المشكلة.
أنصحك تثقفين من هالناحية وتقرين كتب تثقيفية ، فيها تمارين ممكن تطبقينها..
والتحقي بمجموعة جديدة بالكامل يعني يكونون توهم يعرفوك .. مثلاً شوفي لك وظيفة بسيطة في أي مكان حتى لو تطوع بدون مقابل.. أو حلقة تحفيظ، وطبقي هاذي التمارين معاهم..
مع التدرج بإذن الله راح ترتفع ثقتك بنفسك.

عندك دورات تطوير الذات بتلقينها في الجامعة وفيه شي منها اون لاين و فيه مجانية في مركز مطمئنة بتفيد اللي في حالتك كثير ان شاء الله