كوبونات الراقية تسجيل الدخول

رائحة الفراوله

قصة رائحة الفراوله

الأسرة والمجتمع •

    • بسم الله الرحمان الرحيم
    • انا عضوه جديده زيي زي اي بنت وحبيت احكي لكم قصتي كان ياما كان في قديم الزمان ......... امزح المهم ابتدت قصتي من يوم كنت في المتوسط وفي اجازة نهاية العام سافرنا لديرتنا وليت ما سافرنا في يوم من ايام مراهقتي كنت جالسه اتمشى في الحوش ..طبعا الي ما تعرفونه ان البيت عايشين احنا واعمامي فيه كل واحد له شقه .المهم نكمل الموضوع وبعد ما تمشيت جيت طالعه الشقه قلت بامر على بنت عمي على اساس ان اخوانها كلهم طالعين مو في البيت ومريت وليتني ما مريت وانا داخله جري للشقه وجالسه انادي باعلى صوت فجاه ..... صدمت في شي رفعت راسي اطالع في ايش صدمت وندمت اني طالعت😳ايش اقولكم يا بنات واحد رزه كاشخ وريحة العطر 😍😍بغى يغمى علي حسيت قلبي بيوقف وبعدها حطيت رجلي وهربت المهم الي صدمت فيه ولد عمي ليتني ما انحطيت في هاذاك الموقف ومن بعدها يابنات ما صرت افكر الافيه اعجبت فيه وحبيته من قلبي والله من قلبي بس ما كان داري ولا احد يدري وكل يوم صرت اراقبه من الشباك وادعي ربي يقربني له وادعي انا نكون لبعض المهم مره تعلقت فيه وخلصت الاجازه وانا مسافره مت من الحزن علشان ما بشوفه سافرت وانا حزينه سرت في مدينه وقلبي ضايع في مدينه ثانيه المهم وتمر الايام وانا كل يوم اتعلق فيه اكثر من اليوم الاول وفي يوم من الايامكنا معزومين عند واحد من اعمامي ورجعنا وطبعا لزوم الدلع ما تعشيت زين عند عمي ورجعت جري على المطبخ واسوي لنفسي اندومي وتربع على الطاوله واكل وشوي تجي امي وتجلس تسولف معي وتقول قوني قفلي باب المطبخ باقولك شي هنا انا وقف قلبي من الرعب قاعده اتذكر وش سويت ويجي شريط حياتي كله قدام عيني وتجيك الافكار الغبيه صار وجهي كذا😯قمت صكرت الباب ورجعت على مهلي من الرعب وفتحت الموضوع بعد مقدمات قالت في واحد خطبك هنا وقف قلبي وجلس يقول يارب انه هو يارب قلت ايش قالت الي سمعتيه قلت مين قالت واحد من اولاد عمك قلت طيب مين قالت ولد عمك ....هنا انا غصيت وخنقتني العبره ما عرفت وش اقول ودمعتي وقفت على رموشي قالت وش رايك وانا بالقوه قدرت اقول مدري بالقوه والله طلعت مني قلت بروح الحمام وقمت جري الحمام وانا مصدومه ليش حظي كذا مو هو ليش لا واطلع الغرفه واحط راسي المخده وبكيت وبكيت وبكيت الى ما تعبت وجفت دموعي وراسي تعب ونمت واليوم الثاني ما قمت من السرير بس ابكي الى الليل وفي الليل قمت صليت ركعتين ودعيت الله اذا الموضوع خير لي ييسره واذا شر يبعده عني وينسيني وقررت اني اترك القرار للوقت وبعد وقت صار الموضوع جد انتشر خبر خطبتي وحسيت اني احسن من اول قالت امي ابوك سالني وش اقول له قلت مدري قالت لي امي قومي استخيري وردي لي خبر قمت صليت ودعيت ربي وبكيت وسبحان الله حسيت براحه عجيبه لولد عمي الي خطبني قلت لامي اذا ابوي يشوف فيه خير ورجال طيب انا موافقه ..المهم امي قالت لابوي جلست جلسه وحداني وجلسة نقاش مع السقف وقررت اني انساه واني احب خطيب واشغل نفسي فيه وعاهدت نفسي اني ما استسلم مهما صار وقدرت بديت اتعلق في خطيبي واحبه واحاول اتقرب منه وانسى حبي الاول وبالفعل حبيت خطيبي اكثر من حبي له وكلها فتره وملكنا 💑وبدات تجهيزاتي للزواج جهزت كل شي بحماس بدات الاختبارات النهائيه اختبرت وسافرنا لديرتنا لان الزواج كان فيها وكن بعد اربع ايام من سفرنا بس وصلنا راح اخوي يجيب لنا اغراض من السوبر ماركت هو وولد عمي وفجاه جانا خبر ان اخوي صار له حادث هو وولد عمي انصدمنا اخوي دخل العنايه توفي دماغيا وولد عمي سبحان الله ما جاه شي جاء يوم الزواج واخوي في العنايه واحنا تعبانين نفسيا تاجل الزواج كلها يومين ويتوفى اخوي الله يرحمه 💔💔💔😢😢😢😢دخل قلوبنا الحزن ...فرحتنا وزاجنا انقلب حزن وعزاء قدر الله وما شاء فعل المهم بعد شهر من العزاء قالو اعمامي ما له داعي الزواج يتاجل زياده ابوي كا وقتها تعبان وما قال شي قال بكيفكم حاولت اقول لهم لا بس ما سمعوني قالو بعد اسبوع الزواج زوجي كان حتى هو معارض بس ما احد سمعنا حاولنا ناجل الزواج ما حد رد علينا استسلاما للواقع قالو بس زاج عائلي في البيت انا خلاص ما صار لي نفس اناقشهم المهم ينتهي الموضوع لان وضعنا ما كان يسمح كنا تعبانين نفسيا حددو موعد الزواج وجاء اليوم المحدد ما كنت اقدر ابكي علشان امي وابوي بس والله كان في داخلي حزن الدنيا مشيتهذاك اليوم على خير تجهزت ولبست فستاني وبدون صوت ولا دق ولا شي رحت لزوجي وانتها اهم يوم في حياتي واليوم الي كنت اتمناه بحزن فرحة عمري ضاعت بس ربي عوضني بزوجي جلست انا وياه واعترف لي انه كان معجب فيني من يوم كنت في الابتدائي وانه كان يجينا علشان يشوفني وهو صدق كان كل يوم يجينا واحيان كان ينام عندنا .... ياغبائي وين كان عقلي ما اكتشفت ...ولا انتبهة صدق اني مفهيه ورحت احب هاذاك حبه برص خساره وقتي الضايع المهم نرجع للقصه قالي انه كان يخاف اطير منه حسيت اني عصفور 😂المهم علشان كذا خطبني من يوم كنت في المتوسط والحين الحمد لله ما احد في قلبي غير ونسيت حب مراهقتي الغبي وعوضني عن كل شي فقدته والحين عندي ولد الحمد لله وعايشه حياتي وجالسه اشرب قهوه على السرير واكتب لكم وتوته توته حلصة الحدوته حلوه والا لا المهم لا تنسوني من دعواتكم وادعو لاخوي الله يرحمه وامي وابوي صح اني طولت عليكم بس هاذي قصة حياتي اعطوني رايكم 😄😄😄

9
1K

يلزم عليك تسجيل الدخول أولًا لكتابة تعليق.

تسجيل دخول

رائحة الفراوله
رائحة الفراوله •
المهم يابنات صح باقول لكم شي قبل كم يوم كان زواج بنت عمي المهم في وقت زفتها خنقتني العربره تمني احس نفس شعورها ما حسيت الا بدمعتي على خدي 😢تمنيت اكون زي البنت لكن امر الله
ثريا في السما
ثريا في السما •
الله يرحم اخوك ويسكنه الفردوس الاعلى ..
يااخت فراوله مو مهم العرس كثر مو مهم منو اللي ترتبطين فيه .. فيه ناس تكلف على اعراسهم بس اخر شي يتطلقون من بعض
الحمدالله الله عوضك بزوج يحبك والله يحفظك من العين ويتمم عليك ..
صلوحآ المملوحآ ..
صلوحآ المملوحآ .. •
م شاءالله اهمشب تهنيت مع زوجك وعايشع احلى حياه..
احمدي ربك حببتي غيرك يسوو لها عرس ماصار ولا استوى وبالنهايه تعيشش حزينه مع زوجها او اتطلق او م ترتاح له ..


احمدي ربك مليون مره ، الله يزيدك سعاده ويسخره لك زوجك على طول 💕.
صلوحآ المملوحآ ..
صلوحآ المملوحآ .. •
صلوحآ المملوحآ .. صلوحآ المملوحآ .. :
م شاءالله اهمشب تهنيت مع زوجك وعايشع احلى حياه.. احمدي ربك حببتي غيرك يسوو لها عرس ماصار ولا استوى وبالنهايه تعيشش حزينه مع زوجها او اتطلق او م ترتاح له .. احمدي ربك مليون مره ، الله يزيدك سعاده ويسخره لك زوجك على طول 💕.
م شاءالله اهمشب تهنيت مع زوجك وعايشع احلى حياه.. احمدي ربك حببتي غيرك يسوو لها عرس ماصار ولا...
تعديل 🙈
أهمشي*
عآيشه*
رائحة الفراوله
رائحة الفراوله •
شكرا الله يجزاكم خير على ردودكم الحلو الي زيكم يا جميلات 💓