سعود شخص فاشل بجميع المقاييس الحظ الردي واقف له بكل مكان وبكل زمان إنسان تعيس ببساطه وعلى كل ذا دلخ بكل ما تحملها هذه الكلمة من معاني يتكون من كتلة تناحه تعيش على الأرض ولكنه للأمانه كان وسيما جدا جدا المهم نشأفي بيت ابوه وامه وترعرع في ذاك وكبر وتم خمس سنوات من الدلاخه المفهيه وبعد أن يأس منه امه وابوه كرهوا اليوم اللي جابوه فيه وحس بالوحدة في هذه الدنيا في سن صغيرة أخذ يتحلطم كل ليله ويناشق آخر الليل حيث مرة من المراير لحس مخه ابليس في ليلتن ظلماء استجمع قواه وقرر ان يفرك من البيت ولكن ليس بعيدا فرك إلى بيت ولد جيرانهم (ريان) حيث يجد هناك كل سبل الرفاهيه......
من بلاي ستيشن وحوش وسيع حق لعب كورة وغيرها من ملذات الدنيا فهم عائلة متحررة ومتفتحه ويوم قلط عندهم استقبلوه بكل حفاوة قالوا وش جابك ياسعود عندنا (الله من زين الحفاوة) قال أمي قالت روح نم عندهم قلت والله مهيب شينه وجيت...فرحبوا به ونام مع خويه ريان في نفس السرير وفي الصباح الباكر جا ابو سعود يدق الباب على بيت جيرانهم قالوا له موجود عندنا والله ويدخل ابو سعود بيت الجيران ويدور غرفة ريان ويلقى سعود فاق خشته لابس سروال أخوهم الكبير واصل المغاط حق الخصر لين خشمه ...يمسك ابو سعود شوشة سعود ويطيح سروال السنه حقه ويبقى على السروال الداخلي ويسطحه بيتهم وهناك امه ترجفه لين أغمى عليه ما فاق إلا بعد (5) ساعات ولم يستسلم فعلها مرة ومرتين وأخرى (نشب بذا الجيران) إلييييييييييين قالوا ما نبيك...وأخذ يبكي ويبكي ليل ونهار صار يدور بالحوش بسيكله بالساعات من الفضاوة الين كمل سنته السادسه بعد شتى وسائل اقناع وطق وتبقيس. دخل المدرسه سنه أولى مغلوب على امره هو وولد خالته حمود وصار يلزق بحمود وين ماراح يروح معه لا أصدقاء ولا شي وحمود كان الوحيد اللي يرأف بحاله في مواقف عصيبه مثل حرمان ابوه المصروف طبعا بذلك العمر كان المصروف اكبر مشكله يواجهها الطفل المهم حمود ما قصر مع ولد خالته وصار يعلمه أمور الحياة وكبروا ثنينهم وكل عمره ينجح بالدف سعود وحمود كان متوفوق اكثر من سعود مما اشعل غيرة سعود ولكن حمود بذكائه كان يمتص غيرة سعود بطيبة قلبه ولين اطباعه...... وصلوا لسن المراهقه (16) سنه والحال كم هو طلع حمود جوال بحكم ظروفه العائليه وسعود قعد يحن على امه وهي داخله وهي طالعه الين اشترت له جوال عائلي طار من الفرحه سعود حط اول رقم بيتهم والثاني رقم جوال حمود يرسل له رساله وسعود يردها له ما عنده رسايل (كسر خاطري شكلي بوقف القصه )
************************************************
شوفوا ابغى رايكم بالقصه إذا عجبتكم راح اكملها أما إذا ما عجبتكم فما راح اكملها انتظر ردودكم.................باي.
طالبة رضا الرحمان @talb_rda_alrhman
عضوة جديدة
يلزم عليك تسجيل الدخول أولًا لكتابة تعليق.
ريفانوو
•
بانتظارك كملي يا قمر
الصفحة الأخيرة