قصة شقحه وخواتها بالسوق

بسم الله الرحمن الرحيم
شلونكم بنات شخباركم شلونكم مع الدراسه ان شالله كويسين
المهم ما أطول عليكم
الصراحه صارت معاي سالفه بالسوق اي سالفه الا( فلم هندي) اسمعوا السالفه من طقطق لي السلام عليكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟





اول شي امس الله يسلمكم كنت رايحه السوق انا وخواتي نوره وخزنه وشمه وامي ومرت ابوي
وحرمة اخوي ( جيش مو حريم ) رايحين نشتري ملابس واغراض البزرين الي بطريق وبدال
العيد علشان رمضان قرب اول مادخلنا السوق لفت انتباهي محل بالزاويه عنده اعلان عن علاج الشعر والبشره بالأعشلاب الصراحه ما ادري شلون نقشته.
قعدت احن على امي إلا اروح عنده كان تقول روحي ادوختي بس اخذي اختك شمه معك
على طول خذيت شمه وطيران على المحل يوم دخلت كان اقول : السلام . رد علي الهندي :
وعليكم السلام . قلت لو سمحت (شوفوا الادب ) عطني كريم حق البشره اللي محطوط باره
كان يقول : حاظر ماما كان اقول : تراني ماني امك اخلص بس .
كان يطلع لي كريم حطيته على ايدي باين عليه حلو كان اقول بكم قال : 150 ريال .
عاد انا شهقت قلت شوف لو تبيعني وتشتريني ما اجيب حتى ريالين.
قلت لا عاد سولي خصم انا زبون عندك كان يقول يالله 100 ريال انا ماكو يخصم بعد
قلت يالله عطني اياه كان يطلع لي كرتون مغبر قلت له بطل الكرتون كان يعيي قال بعدين
راعي المحل يسوي خصم معاش قلت يالله عطنياه.
وانا كان قلبي ناغزني منه ما ادري ليش ماارتحت له شكله راعي مخدرات (استغفر الله)
ورحت عند امي بمحل بيت الطفل كان تقول شريتي قلت كريم قالت وريني كان اطلعه
ولا انصدم :29:طلع الكريم حليب مو كريم الظاهر صاب عليه ماي علشان يصير واجد
قلت والله ما اخليه ابي ارجع له امي قالت ابك خليه اعطيكي افلوسه قلت انا ماهمني الفلوس
بس ليش يكذب علي بعدين حرام يكذب علي غير ال...........؟
كان ارجع له قطيت الكريم بوجهه قلت شوف شنو هذا قال هذا كريم قلت صج عاد علبالي
سياره ادري انه كريم قلت شوف هذا كريم ولا حليب قال انا يعطي انتي كريم انتي ليش يحط
فوقه ماي ( طالعوا فوق شينه قوات عينه) قلت ليش مدمغه احط ماي اخذ كريمك وعطني
قروشي قال ماكو فلوس قلت عطني ولا اسكر محلك قال انتي ماكو يقدر يسوي شي
قلت انا اوريك يال.......؟
شمه قالت خلاص يا شقحه قلت وربي الي فوقي ما أخليه رحت حق محل قباله حق جواتي
قلت وين حمايت المستهلك قال بره عند مطعم الفايز رحت لحمايت المستهلك ولا اشوف
ثنين شرطه قاعدين بالمكتب قال واحد امري اختي قلت ابي حمايت المستهلك قال تفظلي
انا اخدمك قلت حمايت المستهلك قال لا شرطه قلت انا ابي حمايت المستهلك قال اي مشكله
بالسوق انا احلها قلت واحد هندي معطيني كريم كله ماي قلت مابي الكريم عطني فلوسي
قال ماكو فلوس كان يقول وين قلت محل بالزاويه قال امشي معاي ( بالصراحه انا خفت لروح معاه يعني ولد شاب عمره اعطيه 23 سنه اروح معاه الصراحه خفت حيل بس شمه قالت
امشي هذا شرطي والشرطه بخدمت الشعب والمحل مو بعيد والسوق كله ناس ) كان نمشي
وصلنا المحل ولا الهندي موجود يسوي نفسه مايعرفني كان يقول الشرطي هذا هو قلت اي نعم
قال عطها فلوسها قال انا مايعرف كيف يعطي فلوس قال عطها ولا ورب الكعبه لاسكر محلك
قال ما كو يعطي ولا على غفله صفق الهندي كف انا تخرعت وجتني البكيه:( قلت خلاص
ماابي الفلوس حرام عليك عورت الرجال كلها 100 ريال قال : ال.......؟ قص عليك يقص
على غيرك ال......؟ كان يعطيني فلوسي الرجال ما الومه لو انا مكانه كان عطيته فلوس الدرج
كلها من الخرعه كان يقول خلاص اختي توكلي على الله وحسابي معا هذا عسير........
وانا مشيت ورجعت عند اهلي وظاهره علي علملت الانتصار:42: كان اقول لمي كل السالفه
يالي ما تستحين علي وجهك شلون تروحين مع رجال غريب قلت يمه هذا شرطي
قالت حتى لو ان عدتيها والله لعلم ابوك قلت لا خلاص توبه مو اي شي اشوفه اشتريه
حرمت بعد اليوم كان تقول اختي نوره والله انك جريأه لو انا كان خليته يولي
قلت والله ما اخلي حقي يضيع هيهيهيه انا شقحه والاجر على الله واللي يشوفني يقول ماشاء
الله


ونصيحه :
مو اي شي تشفون اعلانه حلو تشترينه تراه خرابيط بس تمشيه للبضاعه
وارجوا من الله انكم استفتوا من تجربتي
والى اللقاء في المواضيع القادمه ان شاء الله.............................؟
والسلااااااااااام خير ختام