قصة صبر ٩ سنوات ..!!

السلام عليكم
كيفكم ؟ يمكن كثير منكم ماتعرفوني لاني من القدامى شوي بس ملفي يشهد بالكثير اللي كنت انشره على انه لغيري


هي قصة زواجي من عمر ١٨ سنه و دخلت صغيره و مو مستوعبه و لا فاهمه اي شيء
تزوجت ولد خالي اللي اقل ما اقول عنه عاااااشقني لدرجة خياليه
والله كان وده يعطيني الدنيا بيديني حبني حب عظيم عظيم صعب اوصفه لكم و لازال نفس الحـب الحمدلله
بس للاسف مريض ما اعرف هو نفسي او غيره
من اول ماخطبني و ايام مكالماتنا كان يشك في انه يسمع صوت معنا في المكالمه و من شهر العسل و هو يتحيل اصوات و خيالات يشوفها و يتوهم اشياء عجيبه غريبه
و مع الوقت زاااد الوضع مره مره لدرجة لاتطاق
مع الوقت كان يكسر الاثاث و الاجهزه و نغير كل شوي لانه يشك ان فيها سحر او عمل لنا
و للاسف يشك في اهله انهم هم و صارت العلاقات متوتره جداً
كان بيتي مستحيل حد يدخله لانه مكسر و حالته حاله و نقلنا منه لبيت ثاني و للاسف نفس الوضع و اسوأ
طبعاً في خلال هالسنوات لقيت معه كبتاجون و انكر انها له و لقيتها اكثر من مره و كنت عارفه انه ياخذها
سبحان الله كل مافكرت اتركه فيه شيء يمنعني .. ماقدر اروح مادري ليش
و اهله والله ماقصروا عالجوه و دخل مستشفى و طلع تارك الحبوب من فتره و ماخلينا راقي و لا طب نفسي و لا شعبي الا رحنا له مافي اي فايده
الفتره الاخيره انا انهرت لدرجة عظيمه ماوصلتلها من قبل
كرهت كل شيء لدرجة اني صرت اقرف منه و ارفض يلمسني حتى غصب عني والله 💔
طبعاً علاقتنا الخاصه خلال هذي الفتره قليله جداً بسبب هالمرض اللي فيه
طبعاً راح لاهله و قال زوجتي ماراح اظلمها معي والله انا مافيني حل و بوديها لأهلها
و فعلاً لميت كل عفشي و اخذت المهم منه و رحت لأهلي و قلتله اخر فرصه لحياتنا يانعيش صح ياخلاص
و رفضت رفض قاطع ارجع لشقتي الاولى و قلتله تصرف فيها
الحمدلله ما اذكر اني ارتحت مثل هالفتره من ناحية القرار هذا
مانويت ارجع له الا لو شفت التغير بعيوني الثنتين
ما ابغى ابداً ارجع للعيشه اللي كنت فيها
اكتئاب و حزن طول الوقت ليش ؟ ماتسوى عليّ والله
طبعاً ماعندي اطفال و انا كثير تعالجت و الحمدلله ان ماعندي لانهم بيكونوا عائق كبير في قراري هذا
الحمدلله مرتاحه حتى لو صار انفصال بس ماعاد ابغى ارجع للعيشه اللي كنت فيها
ماوصف لكم ترا ولا ربع معاناتي معه مع اني كنت احبه و اعشششقه و لازلت بس خلااااص الراحه اولاً


بس اتمنى تدعولي بالعوض الجميل معاه او مع غيره