قصة عجوز ابكت عيني كلم سليم ✅

السلام عليكم يا اخوات
بشاركم قصه نقلتها من احد الداعيات
تقول الداعيه لقيت المحاضرة في احد الدور التحفيظ بالرياض وخلصت قعدت انتظر السواق
وجلست معي عجوز كبيره وجنبنا بنت بالعشرين كانت البنت تكلم بالجوال وتشتم والمتضح لنا والله اعلم انه ابوها تقول الداعيه انا سويت نفسي ما شفت شىء شوي الا والبنت تقول بصوت عالي تقول بهالجمله ( الله يا خذك يا شايب عرعر)
وكملت تشرب شاهي اللي بيدها
تقول الداعيه طلعت اشوف السواق جاء او لا ورجعت الا وكل الناس ملتمه على ذا البنت اترق انصرعت أخذوها المعلمات داخل الغرف المهم مالكم بالطويلة نقول الداعيه لفت علي العجوز وهي تقول الله يمهل ولا يهمل تقول اسمعي يا بنتي
انا كنت انا وخواتي وخوي عايشين عند زوجة ابوي امي مات من يوم حنا صغار وانا اكبر وحده بخواتي حنا ثلاث بنات و ولد واحد الولد فكري ومعاق ومن الصم والبكم وفي ذاك الوقت انا ربيتهم تقول زوجة ابوي خبيثه مع اخوي تضربه وتدعي عليه تقول كنت ابكي اذا شفته يبكي
او تعبان أحسه روحي
قطع مني تقول يوم من الأيام كسر كوب وبحكم انه ما يقدر يمسك شىء لانه معاق ف طبيعي ينكسر منه الكوب قامت عليه زوجة ابوي ضرب ليه !؟تكسر ذي أغلى منك ومن اللي جابك وضرب والله ثم والله وعلى كلامي شاهد انه تضربه بحق الأسطوانة الموصل الاسود قمت اخذت اخوي ونحشت بالشارع ابكي وابكي جاء ابوي أخذنا وتكلم علي طبعا لأني هربت وكلام واجد تقول جلست عند اخوي بالغرفه ادهن ظهره وبطنه كله احمر وبعض دم ينزل من الضرب تقول يبكي ونام بحضني قلت حسبي الله ونعم الوكيل فيها ولا حول ولا قوة الا بالله تقول نمت وانا اقول لا حول ولا قوه الا بالله وحسبي الله ونعم الوكيل فيها
تقول مرة فتره آلا زوجة ابوي رايحه تشوف موعدها فيها سكر وهي راجع من الموعد صار لها حادث طبعا عايشه هي ما ماتت لكن الحادث تسبب لها بجروح ومع الوقت الجروح تلوثة والمعروف ان مريض السكر الجروح عنده اذا مشت بجسمه يبترونها له ف المستشفى بترو رجلها وحدها ويدها وحده سبحان الله !!! سبحان الله والله اكبر
الله يمهل ولا يهمل لو بعد حين يمكن الظالم ينسى والمظلوم ينسى لكن الله ما ينسى يوم لجا العبد وبكاء المظلوم الله ما ينسى حق كل انسان تقول هالعجوز تبكي قالت تدرين يا استاذه وش بكاني تقول قلت لها وش !؟قالت ان يوم بترو رجلها ويدها مين متهم لها ! تقول قلت مين !،قالت اللي كانت تضربه اخوي هو اللي يصحنا من النوم يضربنا او يطش شىء يعني روحوا لها تبي مويه روحوا لها تبي حمام سبحان الله
وبس حبيت اذكر لك أنسان ظلم