ام نوران و ليان
•
جزاها الله خير
الله يجزاها كل خير اختك ،، برضه صارت لنا قصة في العيد ، كنا راكبين السيارة و جاءت وحدة افريقية جنب الشباك مسكينة معاقة ، طلعت من شنطتي فلوس و اعطيتها زوجي عشان يعطيها لانها كانت في الجهة الثانية و بعدين طلعنا لعزيز مول و اتعشينا و احنا طالعين في شلة بنات الله يهديهم بالمرة شكلهم غلط و حاطين صبغة و كاشفات و تجي وحدة تغازل زوجي و تمسكه من وراء قلة حياء منها و شوية تتطيح زوجي و تطيح فوقه الله يهديها بس و زوجي بالمرة خجلان اصلا يستحي من ظله و قام و نفض نفسه و قلي المحفظة انسرقت تخيلو سرقت المحفظة بالهوية و كروت الصراف و الفيزا و الاستمارة و الرخصة و كل بلاويها ، انا تنحت من الفجعة ،، زوجي راح يبلغ عنها ما حصلها ، المهم انتظرنا شوية قالو مالهم اثر و اعطينا رقمنا للادارة السوق و خرجنا و لما وصلنا البيت و احنا فاقدين الامل ، اتصلت علينا ادارة السوق انهم مسكو البنت معاها المحفظة و لازم نرجع ،، و رجعنا استلمنا المحفظة و زوجي اتنازل عن القضية ، قلي حرام هي بنت و الله يهديها و سبحان الله اتذكرت الصدقة ولا دحين كنا في اجراءات استخراج بدل الفاقد و الحوسة اللي مالها اول و لا اخر ،،
الصفحة الأخيرة