**^^ قصة مضحكه محزنه^^##

أهلين عضوااات عالم حواء
أحببت اسرد عليكم هذه القصه لتكون بمثابة التحذير من شرور بعض الخادمات وتوخي الحذر والحيطه من افعالهن
فهي بالرغم من انها فيها بعض الفكاهه الاانها قصه واقعيه وحبيت اضعها بالواحه الترفيهيه لاانها مضحكه قليلا وقيل(0 شر البلية مايضحك)
حدثت لااحدى قريباتي وهي بمثابة الاخت عندي
اترككم مع القصه


هند مابقي الا يومين من زواجها وهي في ذلك الوقت متوتره وعصبيه جدا
فقبل الزواج بيو م واحد جهزت اغراضها وذهبت امها واختيها ومعهم الخادمه ليرتبوها في بيت زوجها
الخادمه كانت غاضبه جدا من (هند) والخادمه بطبعها حسودة شريره
قالت لها ام هند روحي رتبي اغراض التسريحه
اخذت تصفف الاغراض وامسكت بالامشاط( مسكينه هند شاريتهم كلهم من قزاز كاشخه فيهم) واخذت الخادمه تمشط شعرها في كل الامشاط وهي تحترق غيضا وكمدا على هند وكان في رأسها اعزكم الله( داء يسمى القمل ومن هي مصابة بذلك عند تمشيط شعرها يعلق بالمشط بيوض القمل )وقصدت من وراء ذلك كله ان تنتقم من هند بتلك الفعله الشنيعه
نأتي لهند المسكينه من ثاني يوم مشطت شعرها بأحد الامشاط وهي ماتدري المسكينه وسافرت لشهر العسل كانت تحس بشعرها يحكها وبقوه اخذت تلقي الملامه على كوفيره يوم زواجها وتقول اكيد حطت لي سبراي مخلصه مدته وخربان لكن الحكه بدت تزداد يوم رجعت للفندق مشطت شعرها بالحمام طاحت حشره في المغسله هند انجنت ولصقت راسها بالمرايه الا وتشوف الف حشره فيه !111! جلست تبكي وتفكر منين جاني هذا عاد مالقى غير هاالوقت
ورجعوا من السفر الا وام زوجها تقول ترا العزيمه بكرا وتراي حجزت لك عند الكوفيرا0000 (هذي الكوفيرا في مشغل مشهور جدا في الرياض ) هند حست بسكين ترقد بصدرها وتغير وجهها ، ام زوجها المسكينه اللي رايحه تحجز لها وتتعب عند المشاغل اخرتها لما تقول لهند يتغير وجهها ام الزوج المسكينه جايبه جهدتها لكنها بلعت الصدمه وقالت : كيفك هند اذا في بالك مشغ ثاني رويحي له لكن زوج هند قال : اختياك يايمه مافوقه اختيار وبالتأكيد الكوفيرا راح تعجب هند مادام انتي اللي اخترتيها 0 هند سكتت وماتدري ايش تقول يوم صار العصر راحت لااهلها الا وبيتهم مليانه كنه خلية نحل جايين لااهلها الناس علشان يشوفونها ماقوت تقول لااخواتها لاانها كل ماقعدت مع وحده تدخل حرمه ولاكذا
المهم يوم صار من بكرا الظهر يعني عزيمتها بالليل دقت علي وهي شوي وتبكي 00صراحه اوجعني قلبي قلت اكيد البنت متوفقت قالت لي السالفه انه كيف بتروح لمشغل مليان ناس وشعري اللي فيه وحتى تستحي من الكوفيرا تصلح لها شعرها
قلت لها مالك الاتشرين بخاخ قد سمعت عنه دعايه قالت انتي مجنونه اقول لزوجي اشتر لي بخاخ القمل!!1
فكرنا شوي وقلت عندي فكره انا اروح اشتريه وتعالي لبيتنا كنك تبين غرض مني ولاكذا
رحت للصيدليه وشريت لها وجت واخذته
والمغرب راحت للكوفيرا واخذتها وهي متقطعه من الحياء وقالت لها اني مشطت شعري بمشط بالاوتيل يوم كنت مسافره وانتقلت لي العدوى وقالت لها ارجوك صلحي شعري بغرفه لوحدنا الكوفيرا كانت سمحه واضحكت شويه وقالت معليش
المهم راحت اشهر وهند تفكر هي واخواتها من وين جاها هذاك البلا الا ومره بالصدفه راحت ام هند لغرفة الشغاله ولقتها تبخخ من بخاخ المضاد للقمل الشغاله ارتبكت وتلعثمت ودرت ام هند ان الشغاله وصت السواق يجيبلها مثل البخاخ اللي كانت تشوفه مع هند يوم هي توه متزوجه وكانت تبخه ببيت اهلها
المهم ام هند علمت كل اخوات هند وهند ايضا الام علمتها علطول هند شكت بالخدامه وطارت لمها وامسكتها مع ثوبها وقالت علمين انتي اللي اعديتيني 00الخدامه مع ثورة هند ---اعترفت00 بكل شيء0