قصة ولادتي .....

السلام عليكم
يوم الاثنين 26-11
كان موعد عمليتي رحت للمستشفى الساعه 9ونص بعد ماودعت بناتي وراحو مع اخوي الله يحفظهم
رحت للمستشفى ودخلوني غرفتي وقالو ريحي ريلاكس

المهم صليت الظهر وانا اعصابي شوي وتنهار بس ادعي ربي انه يحفظ بناتي ويردني لهم سالمه

الساعه وحده حطو على جهاز التخطيط وكان معي زوجي اشوف وحهه يتلون ويقولي هدي عااااااااادي كلها ساعه وتطلعين

جتني دكتوره وتسالني عن الاسنان التركيب ربو اسئله عامه
الساعه 2الا ربع دخلوووووووووووووووووووووو على الممرضات وجايبين السرير معهم والله احس رجولي تنتفض
الوقت هذا كنت مجهزه رساله ارسلتها لامي واخواتي لانهم مايدرون عن عمليتي
وهم ينقلوني لسرير الثاني وتدق امي وطبعا نغمتها غير
يقولي زوجي ردي عليها وانا رافضه مابي اكلمها وانا اصييييييييييح
وانا اسمع النغمه انفجررررررررررررررررررت طلعت الصياح كله وزوجي والممرضات يهدون فيني ومافيه فايده

غطيت وجهي بلمفرش وودوني لغرفة العمليات

حطوني في غرفه قبل جااااااااااااني دكتور التخدير ويسالني كامل او نصفي وانا بس اكرر دعاء الاستخاره

واخر شي قلتله نصفي توكلت ع الحي القيوم


المهم ركب غذايتين ويهدي فيني شكلك متوتره

انا والله الى ان دخلت الغرفه الي فبل العمليات وانا افكر وشلون اتكلم مع رجل وجهالوجه من دون غطاء

حتى زوجي يقولي ربي ارحم بعباده وانتي مضطره مو اختياري والدين يسر

والله الشي هذا متعبني نفسيا
وفعلا ربي ارحم بعباده ارتحت لدكتور راحه غريبه

دخلت غرفه العمليات وقالي اجلسي ع السرير وحطي رجولك ع الكرسي ولمي الوساده ويتكلم معي ابطهر ظهرك

وقالي وقفي نفس وعطاني الابره الحمدالله شوي وحسيت بحراره في رجولي وثقلت

نوموني ع السرير واقول لدكتورتي انتبهي تولديني تراهم ماحطو القصطره

جلسو يضحكووووووووووووووون علي يقولون نركبها بكره ؟؟؟؟؟؟:angry2:


ركبناها وخلصنا ودكتور البنج فوق راسي يكلمني اقوله ابي الكمامه يقو لالالا موزينه لطفل لانها تخدره وانا ابيه يطلع صاحي مو مبنج اذا طلع نعطيك الكمامه
شوي قالت الدكتوره ساعدنا
ضغط ع بطني من عند الصدر والا اسمه

وااااااااااااااااا وااااااااااااااااااااااااااااااااااا وووووواااااااااااااا


ياحبيلها وجلست اصيح فعلا شعوووووووور غريب
جابتها الممرضه وقالت شوفيها وانا بس صيااااااااااااااااااح فرحانه الحمدالله
وتسالني وش تسمينها اقولها...... غلا

كانت تقول يالله مع غلا الاسعار :22:

بصمو يدي وبصمو رجل بنتي قدامي ولبسونا اساور


قالي الدكتور تبين كمامه قلت لالالالالالالالالالالالا
ابي اسمع سواليفكم :06:

الدكتور الي ابي اتغطى عنه جلس عند راسي وفتح جواله يوريني صور بناته وصور لبنان:32:

الله يجزاه الجنه كان يبي يطلعني من جو العمليه

المهم عمليتي طوووووووووووووووووووولت بدو 2ونص
البنت طلعت 2و41دقيقه
انا طلعت الساعه4

الممرضه ميسون رائعه كانت تدخل وتقول زوجها قلقان والدكتوره تهدي فيها طمنيه الامور ممتازه

كانت برا مع زوجي تهديه الله يرضى عليها

الشي الحلو في غرفة العمليات كانت الدكتوره والمساعده معها ودكتور البنج يتكلمون عربي ويسولفون معي ويسالوني


طلعت الساعه اربعه الحمدالله

جلست نص ساعه في غرفة الملاحظه الين يخف البنج من رجولي

ميسون نادت زوجي ودخلته عشان يطمن على والحمدالله ع كل حال




انا ولدت في المملكه وكلمة رائع قليله عليه
لاطبيب التخدير والا الممرضات ولاالقابلات ممتازين

حتى وانا في الغرفه الممرضات جدا رائعين مع ان المستشفى زحمه
النظافه مرتين ومتى مابغيتهم يجون
الحضانه غثيتهم جيبو البنت ...........تعالو خذوها لاني ابيها ترضع من صدري
حتى اذا قامت اتصلو على جوعانه نجيبها او بتنامين

والحمدالله الي قومني بسلامه

وعقبال الحوامل الله يهون عليهم
والله يرزق المتاخرات في الحمل ان شاءالله



بنات انا شايله هم العمليه بشكل موطبيعي بس كنت ادعي ربي بستمرار انه يسهل عمليتي
ومن رمضان والدعاء مافارق لساني الى وقت دخولي العمليه

والله يجزاها خير وحده من العضوات والله نسيت اسمها
ذكرتني بصدقه وطلعتا قبل مااادخل العمليه بنص ساعه لعائله فقيره الله يقبلها

الدعاء والاتكال ع الله سبحانه والصدقه هي اسباب تيسر ولادتي
ماشاءالله