قصة ولادتي

ياربي لك الحمد والشكر
تمت العمليه على خير يارب من فضلك :)

اول شي انا يابنات دعيت لكم اول ماحطيت ظهري على سرير الولاده وطلبت الله يرزق كل محرومه ويهون على كل حامل ودعيت خصيصا لاختي العامريه بكل الخير :39:


هذا يابنات الله يسلمكم صار معي طلق استمر ايام وايام بس على الخفيف
وذات عصريه حسيت بالم يقوى ويخف وهكذا قلت اكيد انه طلق كاذب مثل اللي قبله
خصوصا وان موعد الولاده باقي عليه 12 يوم تقريبا
وفعلا راح .. وبعدين بالليل ضرب ضربته وجاء فجأه قلت مابدهاش ..:06:
ورحت المستشفى وانا اقول بنفسي بمشي بمواقف السيارات بالقبو لين يقوى الطلق
بس يوم وصلت المستشفى الالم صااار لالالايحتمل
دخلت على طول من قسم الطوارئ وطاروا بس فوق بالكرسي المتحرك وانا من الخوف احس اني بولد بالطريق قبل اوصل الغرفه:eek:امحقققققق بس
وبعدين قاسوا الرحم لقوه مفتوح 3 سم ونصف
وجلست تخيلوا يابنات 6 ساعات عدا ونقدا ولا انفتح الا نصف سم زيادة :30:

وبدت بوادر الطق الصناعي تلوووح بالافق وانا خايفه وادعي واقرا الزلزله وكل ماطرى ببالي
قالت لي الدكتوره :
نبي نفتح كيس المويه ولا طلق صناعي ولا شكلك منتي والده
قلت يااالله استرافتحوا هالكيس
وبدى الالم يتقوى وانا اتلوى
حطوا لي مسكن ابرتين وارتحت شوووي :09:
بس بعد ساعه راح مفعوله وترجيتهم يحطون لي ثاني عيوا وقالن بيبي فيه نوووم بعدين
:30:
وهذا انا ماعاد قمت افكر الا بالمووت من شدة الالم
وبعدها بـ 4 ساعات ونصف سهل الله علي وولدت عقب ماشابت عيوني وعيون زوجي وهو ينتظر مسكين البشاره
يعني من بدى الطلق يحتمي جلست اكثر من 11 ساعه انازع بسبة الرحم اللي مانفتح
لكن الحمد لله والشكر جت العواقب سليمه وسهلها الله وهذا اهم شي وان شاء الله اجر وعافيه لي ولكل والده
والله اني جلست ادعي للي بالغرفه اللي جنبي رحمتها مسكينه يوم اسمعها تقول بمووت آآه بموت :icon33:

على فكره يابنات اللي يبون شي يسرع الطلق : الطلق متى مااراد الله يجي مهو من اكل الاعشاب الخرابيط حتى لو صدفت

وترى اللي ماتمشي بالتاسع ماينفتح الرحم عندها حتى لو ولدت قبل الموعد مثل حالاتي

وترى اللي تدحى بطنها اكل على قولة تبي البيبي تجي صحته زينه ترى خرطي بكره يطلع كيلوين وكلها شحوم بالجسم
زي حالتي الشحوم توزعت بالبطن والجوانب والصدر - ولا فخر - والمولود كبر يدي ادعوا لي بس انتصر بالحرب اللي بخوضها مع هالكتل الكريهه بمحاوله يائسه لاستعادة القوام السابق :16:

وعلى فكره يابنات وجهي مره متغير وطالع لي هالات سوداء لاني اتبعت هالانظمه اللي تحرمنا من الفواكه والخضروات والعصائر الطازجه
وبعد ماكان وجهي مورد وفيه لمعه ونضاره صار باهت ومطفي وهالات تحت عيوني
مشوهتني
والله بلشه

يالله عقبال باقي الحوااامل يبشرونا ومشكورين يابنات ياللي دعيتوا لي بالتساهيل والله يوفقكم

باقي اقولكم اني جبت ولد قمر الله لايحرمني منه ومن صياحه تالي هالليل ازعج جيراني :)
اللهم لك الحمد عدد خلقك ورضا نفسك وزنة عرشك الكريم