حمد الله على سلامتك
صعبه مره الولاده فجاء

بالانتظار

يالله شوقتني بس أهم شي انك انتي وولدك بصحة وعافية
في الانتظار

" الجزء الثالث "

كانوا الحريم يزورني عند اهلي ...يسألوا ..فين ولدك ؟؟

- في الحضانة ..

- ليش ؟؟؟

- ولدت في السابع

- الله يخرجه بالسلامة إن شاء الله

صح الكل كان كدا يسأل وكدا يدعي ...لكن محد كان حاس في ...

محد منهم ولد بدري مثلي ..ولا أحد منهم سار له زي اللي سار لي ...

كيف أبغاهم يحسوا في ..الكل جاي يأدي الواجب وبس ..

...............

كنت أشفط لولدي الحليب يوميا ...كان ما شاء الله عندي حليب ...

كانوا يقولوا لي هو دا اللي راح يفيده ...

كان زوجي يآخذ الحليب كل يومين ثلاثة يوديه لهم ..طبعا مكتوب عليه اسمي يعني ما في لعب ...

ويجيب لي من عندهم علب ...

تعرفوا كيف كانوا يرضعوه ؟؟؟؟؟

حاطين له إبرة كبيرة يحطوا الحليب فيها ..يدخل الحليب مع سلك لداخل الفم !!!!!!

جد لمن رحت له بعد يمكن 10 أيام من الولادة أو أكتر

شفته جد جد يقطع القلب ..

التنفس الصناعي جلس عليه يومين

والحمد لله سار يقدر يتنفس لوحده ....

باقي الصفار ...

الوزن القليل جدا ...

كنت أجلس اتفرج عليه وأحصنه وأدعي له ...

وأخرج حزينة ...

مرة رحنا لقيت حاطين جنبه مصاصة عشان يبدو يعلموه ع الرضاعة من القارورة ..

قالوا لي حاولي ترضيعه ..

مسكته ..وحاولت ..مرررررة صغير وما يعرف ..

- عشان كدا للأسف ما رضع مني غير حليب أول شهرين عن طريق الرضاعة -




رحت انا وزوجي جبنا له أغراضه ...وكملنا كل شي يحتاجه ..وأجلس كل يوم أطالع فيها ..أقول متى يخرج يا رب

حطيت سريره جنبي ...

جهزت ملابسه ..

رتبت هدايا الناس له في أمكانها ..

عدى شهر ...



قالوا لنا وضعه تحسن ...

راح نسوي له الختان ..وافق زوجي ووقع ...فرحت ...

قالوا بكرا راح يخرج ...طرت من الفررررررررررح ...

نظفت البيت ..وحطيت بخاخ معقم ديتول في الصالة اللي يبخ لوحده بين فترة والتانية ..

أقول المسكين ..ما يتحمل الفيروسات ...

زرناه أنا وزوجي في الليل ...قبل موعد خرجوه لنا ...

قالت لنا الدكتورة المناوبة إنو الهميو جلوبين عنده منخفض ...بس وضعه طيب ....

وما رح يقدر يخرج دحين ..قلنا مو مشكلة



خرجنا من عنده


اليوم التالي .........جا زوجي من العمل ...تغذا ..كان متضايق ...

قال يلا قومي بسرعة خلينا نروح المستشفى ...
- ايش في ؟؟؟

- مو مرتاح ....الولد فيه شي !!!!!

- يا شيخ لا توسوس ..وضعه طيب إن شاء الله ...

لبست العباية وطيرااااااااااااااااان ع المستشفى

أقول في نفسي ليش زوجي كدا يقول ؟؟؟!!!!!



وصلنا قسم الحضانة ...لبسنا اللبس الأصفر ..عقمنا يدنا ...

وهنا كانت المفاجأة !!!!!!!!!!!!!!!!!!!!!!!!!!!


وقف زوجي عند الباب ....

والغرفة مليااااااااااااااااااااااانة دكاترة وطلاب تدريب ...

والدكتور ماسك طفل طفل يشرح لهم حالته ...

دخلت أدور ع ولدي ...ما لقيته ..أقول لزوجي ...ولدي ما هو فيه ..

طبعا هو كان في سرير مقفل بعدين لمن تحسن سار في سرير مفتوح

وجا الدكتور عند طفل في سرير مغلق ..وطوووووووووووووووول في الكلام


عرفت بقلب الأم إنو دا ولدي ..............

ايش فيه ايش سار ؟؟؟؟؟؟؟؟؟؟؟؟؟؟؟؟

خرجوا الطلاب ...

دخلنا ..قال الدكتور ..ولدكم جا له فيروس ..ما ندري من ايش ..في الصفائح الدموية

سوينا له اللازم ..وقفنا الحليب حاليا ..أدينا مضاد حيوي ...

وسوينا له تحاليل ...

ادعوا له ...

هنا كل شي توقف ...

هنا التعبير انتهى ...

حسيت إنو ممكن ما يعيش ...

خرجنا وإحنا ساكتين

- طبعا الدموع دحين أربع أربع ...ذكرى صعبة جدا علي -

دق زوجي ع أمه وأبوه ...كلموني يبغوا يخففوا عني وانا ما أبغى أكلم ...أنا أبكييييييييييييييييييييييي و بس

- هم : يا بنت انتي مؤمنة ...واللي الله كاتب راح يسير ....

أنا بكااااااااااااااااااااااااااء فقط ...

قفلت ..أرسلت لأهلي رسالة وبس

أطالع في سريره أبكي وأبكي وأبكي ....متخلية إنو ممكن يروح لربه وما يطلع ..


يا ترا ايش راح يسير وبكرا ايش متخبي لنا ..............

دعيت ودعيت ..وبكيت وبكيت ...ونمت .................

:(:(

متابعه بصمت................