حبيت ولدك سبحان الله
بالله لاتطولي

" الجزء الرابع "

رحت اليوم التالي لولدي ...


جلست جنبه وجلست أقرأ في سورة البقرة ..خلصت جزء وشوي ..قلت الباقي بكرا إن شاء الله

جلست أقرأ عليه الرقية الشرعية

وأدعي وأحصنه ...

وخرجت ..

نفسيتي تحسنت شوية ...

واليوم اللي بعده نفس الشي ...

وهم موقفين له الحليب ...يدوه مغذي ومضاد حيوي خفيف لمدة اسبوعين تقريبا ..

مرت الأيام ...

وانا أنتظر خروج صغيري ...بالسلامة والعافية والصحة ...

وما في شي بعيد عن الله ...



جا يوم ...قرر زوجي يسافر ...يروح جدة عند اهله كم يوم ..يريح ..

بعدما تأكد من المستشفى إنو لسه الولد ...مو طالع قريب ...

وأنا جلست عند أهلي ...

سافر مع واحد من اصحابه ...

وصل بالسلامة ...

تاني يوم ...دقت المستشفى عليه ...

تعال خذ الولد ..صحته سارت طيبة وأموره تمام ...وفي كم طفل جديد جا ..واحد مريض ...

ما نبغى ولدك يآخذ العدوى منه مرة تانية ..

لأنو تحسن !!!!!!!

صدمة ...

دق زوجي علي ...كنت نايمة ...

شوي يا حرام يقرر يرجع عشان يآخذ الولد ...

قمت من النوم شفت كم اتصال منه ..

- تتوقعي ليش داق ؟؟

- دقوا عليك المستشفى قالوا تعال خذ الولد ..

- صح ..

- طيب ايش حتسوي ...؟؟؟

- حأجي ...

- حرام توك واصل ...

- ما أقدر أخليه هناك ...

رجع زوجي مرة تانية ...

ريح ونام ...تاني يوم قمنا الظهر وانا متحمسة مررررررررررررررة

أخذت له ملابس ..وأغراض ...وكتيبات دعوية للممرضات حقون قسم الحضانة ....ورحنا

- للأسف ما سمحت المستشفى بإدخال الكتيبات وإعطائها لهم -

قالوا خلاص وضعه طيب جدا ...أديناه الحليب حقك اللي باقي ..

أعطونا حليب خاص بالخدج ..في علب صغيره ..

وأدوية وفيتامينات له ...

جلست الممرضة تلبسه وأنا مو مصدقة ...

أخذناه ..

جيت أبغى أدي الممرضة 50 ريال ..هدية ...قالت لا شكرا ما أبغى

خرجت من المستشفى سعيدة جدا ...

أحمد الله ع نعمه وألائه ..

وأخيرا ولدي في يدي ...



سبحان من يسخر للعبد وييسر له أموره من حيث لا يحتسب ...

طلع إنو المستشفى الجامعي فيها أفضل دكاترة للأطفال الخدج ..." والاسم العلمي لولدي هو المبستر يعني اللي أقل من الخديج "

هم أسباب بعد الله جل وعلا ...




طبعا لازلت محتظفة بالكثير من الصور لولدي وهو في الحضانة ....

لمن يشوفها ولدي ...يقول ماما شوفي العو ؟؟؟!!!!!!!!!!!- العو عنده أي شي شكله يخوف ..وغريب -

أقوله : العو دا هو انت !!!!

بكرا يكبر إن شاء الله احكيه قصته ...عشان يحمد لله قولا وعملا إنو نجاه في أصعب فترة ممكن الوحدة تولد فيها ويخرج الطفل سليم معافى


ياما أطفال خدج ماتوا ...

ياما حريم ولدوا وما اتهنوا ...

انا ما سويت شي ...

إنما الله جل وعلا وتبارك وتقدس هو اللي سوا وسخر وهيأ لنا كل شي ....


يا رب عقبال ولادتي دي تكون سهلة ميسرة ...ويرزقني فيها بأحلى بنوتة ...

زوجي يقول يا ويلك تولدي دحين في السابع ....

أقوله ايش به بيدي لمن ولدته بدري....محد كان يعرف ...الله كان كاتب ومقدر ...


دعواتكم لي ولولدي الحبيب بالصلاح ودعواتكم الموصولة لكم ..


شاكرة لكم حسن القراءة والمتابعة

الحمدلله اللي نجاه وحفظه لك

شاكرة لكم جميعا حسن المتابعة والقراءة

موفقين جميعا

والله ييسر لنا ولكم ولادات سهلة ميسرة غير متعسرة من عنده جل وعلا

الله يجزاك خير على تعبك وصبرك وكملي اله يعطيك العافيه