قصة ولادتي الثانية الحمدلله

السلام عليكم ورحمة الله وبركاتة حبيت اشارككم بقصة ولادتي ببنوتتي الحلوة عبورة طبعا انا من الثامن والدكتورة كانت تقول لي مفتوح واحد سانتي وكنت امشي نص ساعه باليوم واشم حلتيت واشرب كل شي محرض للولادة من كف مريم للمرامية والحلبه والحبه السودا وكل يوم دش دافي ولا راضي يفتح الرحم مع اني كان معي طلق حامي وكنت اتعب منه كثير اخر مرة رحت نهاية الثامن قالت لي الدكتورة عنق الرحم سميك ماحولك ولادة طلعت ابكي طبعا بتسألوني ليه مستعجله لان عندي بنت توها صغيرة سنه وثلاث شهور وكانت تتعبني وهي اصلا جبتها في الثامن والحمدلله كانت سليمة وكامله وكانوا متوقعين اولد بالثامن فما كنت خايفه المهم طلعت ابكي وقررت بعدها مااسوي اي شي لتحريض الولادة بعد ماخلصت الاسبوع 37 نفس اليوم رحت السوق مع امي ومشيت ساعة ونص تقريبا يوم رجعنا كان زوجي بالدوام وامي نامت جلست اشرب زنجبيل بعدها حسيت اني احتاج اتبول رحت الحمام مو راضي يطلع شي الا شي بسيط لما وقفت نزلت مويه خفيفه طبعا انا عرفت انو مويه الجنين لانها دافيه رحت صحيت امي وقلت لها قالت لي معك طلق قلت لا قالت خلاص ارتاحي واذا جاك طلق وديناك المستشفى طبعا انا مارتحت رحت امشي ساعه كاملة ونومت بنتي جلست اقرا سورة مريم وتوني مخلصه الا الموية كلها نزلت علي مرة وحدة انا من الروعه ماعرفت اوقف ادق على امي بالغرفه الثانيه ماترد نايمة وادق على زوجي قلت له اطلع الحين بسرعه الموية نزلت لما حسيت المويه وقفت قمت ورحت لغرفه امي ولما وقفت نزلت زيادة قومتها وقلت لها قامت تدعي لي وجاء زوجي وطلعت رحت المستشفى الشميسي لما كشفت علي الدكتورة قالت بنحولك على مستشفى ثاني زحمة عندنا انا جلست افكر بأي مستشفى اولد مادريت الا دخلت بعدي فلبينيه لبسوها لبس التنويم وطلعوها فوق ياسلاااام انا استنزلت عليهم الحين اجنبيه تدخلونها وانا لاااا خيرررر سلامات قالت الدكتورة هي الرحم مفتوح ومعها طلق ولادة انتي لسى الرحم 3 سانتي قلت طيب بس الموية نزلت احتمال يختنق الجنين مشكلتها اذا مافيه الا سرير واحد هي تتحول على مستشفى ثاني وانا ادخل طبعا هم سكتوا دقيت على زوجي وقال ان زوج الفلبينيه يعرف المدير وبما ان امي موظفه بالشميسي قلت انا بس يبون واسطة اوكي واتصلت على امي وقلت لها السالفه قالت الحين بجي بس هم لما شافوني معصبه دخلوني ودقيت على امي قلت لها لاتجين خلاص سوو لي تخطيط وكان نبض الجنين كويس الساعه 7 الصبح بدا معي الطلق كان حااامي بشكل مو طبيعي كنت بس اقول يارب يارب واللي جنبي اسمعها تدعي لي وكل ماجوا يكشفون قالوالسى ثلاثه سانتي لحد الساعه 1 ونص قررت ماعاد اقولهم شي واسكت كنت قاعدة امووووت من حرر الطلق بس ساكته لحد ماجاء وقت الزيارة دق زوجي وقال بيجي كانت الساعه 4 بس تاخر لما جت 5 كنت خلاص حاسه ان البيبي بيطلع ناديت الدكتورة كشفت وصرخت سبعه سانتي ياللا ولاااادة وجوا يركضوووون وشالوني نزلوني الولادة كان جوالي يدق عرفت انه زوجي بس مارديت واقول للممرضه ابي مسكن قالت لازم الدكتورة هي اللي تقول عطوها والله لاشعوريا جالسه انتفضضض واقطع شعررري اااااه من الولادة صحيح من قال ان الولادة الثانيه اصعب ولادة جت الدكتورة وعطتني مسكن طبعا انا هديت وتخدرت شوي الا حسيت بدفع قلت للممرضه سستر بيطلع البيبي وانا اصررررخ وهي تقول ماما لا لايسوي كذا جلست ادفع وانا اصرخ والله ماعاد سمعت شي واصررررخ باعلى صوت قسم بالله حسيت انهم يسحبونها من قلبي سبحان الله من جد طلعه روح حسيت براسها وهو يطلع ويدينها وسمعت صراخها بس صديت مابغيت اشوفها من كثر ماتعبت طبعا قالت الممرضه بنت جلست احمد الله انه نجاني ونجاها وان هالمحنه مرت سمعت الممرضه تقول وزنها كيلوين وميتين التفت لقيتها صغيرة مرة قلت للممرضه هاتيها اول ماحطتها على صدري سكتت ياااخ يالامومة انا جلست اطالع فيها ياالله اول مرة اشوفها واحبها كل هالحب كل هالتعب والمعاناه راحت اول ماحطوها على صدري شالتها الممرضه وقالت لازم حضانه لانها صغيرة اخذوها وكان لسى وقت زيارة كان زوجي ينتظرني فوق قلت له ولدت وانبسسسط مرررة ياقلبي عليه طبعا خلوني بالملاحظه لين 12 بالليل وانا كنت والدة 6 ونص المغرب بعدها طلعوني الغرفه كنت كل ساعتين اروح لبنتي ارضعها اليوم الثاني الساعه وحدة الظهر جابوها واليوم اللي بعدة طلعت معي البيت الحمدلله اللي رزقني شوفتها سليمه معافاه كنت ناوية اسميها ريم بس ابو زوجي قال سموها على عمتها عبير وسميناها عبير ....