قصة ولادتي بكورونا ولادة ( )٣

يامرررحبا ، تبون القصة هههههه ، تراهم خمسة ولادات الله يشفعني بهم واغايركم يوم القيامة فيهم ههههه.. ونقول بسم الله ونبدا بولادة اليوم، كنت اراجع بعيادات ذريه قبل الحمل وبديت كورس علاج من فيتامينات قبل الحمل وفوليك اسيد ، واهم شي شارية عسل وش كثره لي ولزوجي شوي ونصير نحلات من كثر ماشربنا بذالعسل ، وشكل عيالي ماش ثقال دم ما اعجبهم العسل وماتوا 😹 وياطويلات العمر بديت كورس تنشيط وخلصت الى ماجا يوم الترجيع ورجعت ، وابدا سالفة تحاليل الحمل ، واعرف اني حامل ، ولولولييش ، والمهم وتجي كورونا واحبس نفسي بالبيت كم شهر ، ووحام ونوم واستفراغ ، المهم ويخلص الحجر وانطلق للحياة وابدا مقاضي ومبسوطة ، ويجي بيوم وانا واقفة حسيت بشي غريب ، ضيق بقلبي بدون سبب ، مدري ليش حسيت بوقتها ان جنيني موب بخير ، واركض للمستشفى ويقولون هنا ممنوع الدخول الا لحالات كورونا ، قلت طيب بحط فيني كورونا بس دخلوني هههه ، واطلع لمستشفى ثاني وثالث ، الى مابالأخير رحت لمستشفى ودخلوني ياحليلهم وعرفت البزر مات طبعا ، ويقولون يلله تنويم ، وانهبل كالعادة عشان ما استعديت ههههه قلت لالا قالوا وش قلت بروح استشور شعري ثم اجيكم ، احس ودهم يطردوني بس راحميني ، المهم واطلع صدق واروح استشور وبوديكير وحركات ، واقول لهم حواجبي زينه تقول ايه قلت خلاص لاتزينينها ، وش عندك مناسبة ، قلت ولله ياخيتي اني مدري رايحة اولد هل بطلع للعناية والا ليوم القيامة بكل الاحوال ابي اصير زينه هههههه ، وتستشور لي واروح للمستشفى ويجلسوني كم يوم ماسووا شي يقولون مسحة كورونا اول 😩 طيب والاستشوار حرام بيخرب 😩واقعد حاجريني كم يوم الى ماجا يوم الفرج واولد بنت الله يشفع بها واعصب منهم اقول بسرعه الحقوني معي نزيف ، قالت ذا مو نزيف ذا دم ، قلت الا انا ابخص منك واجلس ساعه انزف ولا حولي احد واكلم اختي اقول الحقوني بديت افقد الوعي ، وتجي اختي بسرعه تبكي وتصيح ، وتدق عليهم وتحاول تدخل ممنوع بسبب كورونا ، هاللحظة انا دخلت بحالة اغماء ثم جوني ، ومدري عنهم ولاشي دخلوني عمليات وقتها واهلي وزوجي انهبلوا مايدرون وش فيني ، وطلعت وقالوا لهم اني بالعناية احتاج دم ، وينتشر الخبر عند الكل اني بالعناية ، ويوم فقت الحمد لله ثاني يوم دخت كني بمسلسل وربي ، ويجيبون لي مادة كيميائية مثل الاسيتون يحطونها بوجهي عشان أشمها واقوم ، يوم فتحت يابنات وجهي اصفر ، وجلست يوم وثم طلعت للبيت الحمد لله ، وثم عقبها حملت ثانية وحملت ومات بس مادخلت للعناية يارب لك الحمد ، انتظروا اللي بعده