قصة ولادتي بالتفصيل

بسم الله الرحمن الرحيم
أنا ولدت يوم الجمعه الموافق 30/7/2010 الساعه 5وربع العصر وكانت ولادتي بعد 13 يوم من دخولي التاسع الرحم كان فاتح من بداية التاسع 2.5 سانتي والطلق يشد ويبرد المهم ماأطول عليكم يوم الاربعاء كان زوجي مستلم ومايسلم إلا الخميس الساعه 8 الصباح الساعه خمسه فجر الخميس قام اخوي وكان جوعان قلتله مافي إلا بطاطس أقليه لك المهم سويتله بطاطس مقلي وانا اصب الزيت في القلايه انكب منه على الارض بدون ماأنتبه المهم أكل أخوي وبعدين نام دق علي زوجي وقال أنا جاي قلت خليني اسويله فطور دخلت المطبخ وماأنتبهت للارض وفجأه وبدون سابق انذار طراااااااااااااااااااااااااااااااااخ:06: إلا وانا طايحه بس الحمدلله لما زلقت زلقت جالسه يعني مو على بطني طبعا الاوجاع ماخلتني انام الاربعاء وجات الطيحه وكملت الناقص المهم بدا الالم يزيد بس صرت أقول هذي الالام عشان طحت المغرب يوم الخميس رحت كملت اغراض ولدي وراح بع\ها زوجي للاستراحه اخته كانت مسويه عشاء وجاء الساعه 12 وقال بيروح زواج جايين فيه شعار المهم راح وانا كنت فاتحه منتدانا وكانت الساعه 2 بالليل وكان فيه موضوع تذكير بسورة الكهف اضفت رد ودعيت ربي يرزقني الولاده المهم جاء أبو الشباب وصارت الشغله اللي خبركم عالساعه 4 إلا يوم جاني الويل ورحت حضرتي اتروشت بمويا حاره وبدا الجد هنا صلى زوجي ونام انا كل شوي اقول ذحين يخف بعد شوي يبرد ولاحباة لمن تنادي المهم الساعه سبعه صحيت زوجي وكانت عيوني:32: مورمه من البكي انفجع زوجي وطيران على المستشفى قالتلي الدكتوره فيه ولاده بس الرحم مو فاتح الا 2.5 عاد انا اتشائمت من هذا الرقم وخرجت من عندها وانا مااقدر امشي ولا اجلس المهم رحت البيت والساعه 8 ادق على اختي واحكيلها قالتلي روحي لامي المهم الساعه 10 زاااااااااااااااااااااااااااااد الالم واروح بيت اهلي كانت امي نايمه واروح الحمام الله يكرمكم والاقي دم واجري لامي وانا اصيح واقولها دم فيه دم ومن الفجعه ماعاد حسيت بوجع رحت المستشفى وقالت الدكتوره الرحم فاتح 5 سانتي وقمت اصيح ابغى امي دخلولي امي المهم الساعه 2 برد الطلق وقالت الدكتوره نفتح كيس البيبي عشان يحمى الطلق وفتحته وصارت تاخذ نبض الطفل من داخل الرحم ولما جات الولاده صرت اقولها ابغى عمليه بس كان البيبي قريب ينزل وأطلب مويا ابغى اشرب بس مارضيت الدكتوره تقول خطر المهم لما خرج الولد كان بمساعدة السستر لاني مااعرف ادف فكانت تكتن فمي وتقول طلعي الهواء من تحت وتدف البيبي بيدها الثانيه وهذي قصتي كامله واسفه على الاطاله
اتمنى من كل وحده تقراها تدعيلي لولدي والله يوفق الجميع