كيفكم بنات
الحمد لله رب العالمين الذي اهداني احلى واغلى هدية يوم 23 مايو ولدي فراس الله يخليه لي ولابوه ولاخته ولاهله
ويجعله من الصالحين
قصة ولادتي
بدأت يوم السبت في الليل نزلت علي خيوط دم خفيييييييييييفة
والفجر بعد الصلاة فجر الاحد
نزلت وصعدت الدرج تقريبا 6 مرات ابي اووووولد
وصار جـ... و نمت وجاني الساعة 10 ونص تقريبا الصباح
مغص كانو وانتوا بكرامة مغص اسهال نفس الالم
وانا مومعبرته على بالي بطني بيجيني اسهال وارجع انام
وكل شوي واجلس من الالم وارجع انام اعانده ههههه :42:
لين شكيت قلت موكأن السالفة فيها شي ؟؟ منتظم الألم ؟؟
يابنت قومي حسبي الألم من كم لكم؟؟
واقوم وأشوف المغص زاد وصار الم طلق مثل التقلص ونزل علي دم
وكان يجي كل 5 دقايق بس موقوي لا محتمل
واروح اجهز شنطة بنتي .. انا مجهزة اغراضي من دخلت التاسع ووديتهم بيت اهلي
واقوم اقرأ لي ادعية وقرآن واستغفر واكل تمر ووو وانا امشي واحسب الدقايق بين كل طلقة والثانيه
وزوجي انتبه فيني وقال لي قومي الحين اوديك وانا اقول له لالا
مو الحين لين يقوى كثير رح نام انت ههههههه
يوم حسيت قوى عندي قلت خل اشوف كم فاتح عندي وجلست زوجي الظهر الساعة 1 تقريبا 1 ونص
وديت بنتي بيت اهل زوجي واكلت عسل وتمر لانو اسمع انو العسل يحمي الطلق
ورحت الاسعاف وسوت التخطيط وشافوا الطلق عندي
وقاست لي قالت 2 سم والطلق مو طلق ولادة موقوي
انا تحطمت قلت بتقول لي 5 او 6
والدكتورة اللي عاينتني احسها مفهييييييييه مخها رايح فيها ههههههه :42:
اكلمها بعد دقيقة ترد علي تظل تطالعني وفاتحة حلجها ههههه
قالت اذا نزل دم كثير او ماي او زاد الالم بقوة تعالي
المهم اخذت بنتي ورحت بيت اهلي ومشيت ومشيت
واستخدمت حقنه شرجيه قلت للدكتورة تكتبها لي قبل لاارجع البيت علشان انظف بطني واروح وانا واصلة حدي من الطلق
وبطني نظيف
المهم صليت المغرب وشربت يانسون
ومشييييييييت وبنتي تمشي وراي وتسألني وتهذر وانا اصارخ عليها وعلى اهلي اخذوووووووها
مومتحملتها من الالم ههههههههههههه
لين حسيت زااااااااااااد كثير امي خوفتني قالت متى بتروحين ؟؟ اذا طل ولدك براسه بتروحين ههههههههههههههههههه
دقيت على زوجي وجاني
ورحت المستشفى ويااااالله جات لي وحده قاست لي لانو كان عندهم عمليات وماكان حولي احد
قالت 5 سم آآآآآآآآه ياقلبي مت من الالم على 5
وقالت تنويم
وظليت امشي وامشي والالم يزييييييييد وماحد جنبي مايرضون لزوجي يدخل
وودوني بعد فتره غرفة الولادة وانا اتوسل وحدة تقيس لي وموراضين
يقولون لزوجي عندنا عمليات قيصريه مانبيها تولد الحين اذا قسنا لها بتسرع ولادتها وبتولد على طول وبنتوهق :icon33:
وظليت لين الساعة 9 يالله رضوا لزوجي يدخل وجلس معاي يواسيني وانا ابي كمامة.. مخدر شي ولا شي
يقولون اوكي بنجيب ولا نشوف وجه احد
وانا ميته من الالم مع اني مارست طريقة التنفس لكن يوم جد الجد ومابقى الا القليل
مافادت الطريقة قلت لزوجي الحين خل تجي وحدة تقيس لي
وياااااااالله بعد فترة جات وحدة
زوجي طلع مايبي يشوف و راح يشتري كيك لبيت اهله ولي للمستشفى
<<< فاااااااااااضي ههههههههههه
وقاست الدكتورة من ورى خشمها مايبوني اولد مبكرة حسبي الله عليهم وقالت 7 سم
وتركوني وظليت اقاسي الالم
والله يابنات حتى تخطيط ماحطوه لي يشوفون قلب البيبي اذا كويس او فيه شي لاقدر الله تركوني لحالي
انا هنا صرت لحالي كل الدكتاترة في غرف الولادة يسوون عمليات وانا احس اني بدفع البيبي بيطلع خلاص
و الجهاز اللي للنداء بعيد عني
قلت يابنت بتولدين لحالك لالالالالالالالا:icon33::icon33::icon33::icon33:
قمت زلزلت القسم بصراخي هههههههههههه يالله يالله سمعوني:09:
وجات الدكتورة تقول ايه ايه في ايه يا..
قلت لها بدففففففع بمووووووووووت بيطلع البيبي ..وماجبتو لي كمام ولا ابرة ولاشي
تطالعني وهي ساكته احسها هبله والله حسبي الله عليها قلبي يغلي وهي مبررررردة ثلللللللجة
قلت لها قيسي لي تطالعني وهي منقهرة ماودها
وقاست واقول لها كم ؟؟
والله العظيم كان احد ميت عليها ..سكتت كم ثانيه وقالت9 وشوي
وظلت جالسة وتفكر وتطالعني وانا بموووووت الم وجات معاها دكتورة ثانيه وتقول لي ايه يا.. نسيتي الولادة ؟؟
<<<قصدها ليش تصارخين وانت مجربه الولادة من قبل
قلت لها اييييييييي 3 سنين من ولدت اكيد نسيتها :(
تقول لي ماحد قال لك تظلين هالفترة ماتحملين ...
الله اقوى عليج يامجرمة مااقدر اقول غير كذا
المهم
حاست فيني بيدها وفكت الكيس
وجابو اللي للرجول للولادة رفعوا رجولي وتوها تحط الجهاز اللي للقلب التخطيط
وتجي ممرضة والله طعنتني مو دقتني ابره طعنتي في فخذي بقوة وصرخت من الالم عورتني كثير وعطتني اوكسجين
وانا اصارخ من الالم واحس البيبي بيطلع وانا ماابي ادفع
لانها قالت 9 وشوي خفت انو يصير فيني او في البيبي شي اذا مافتح 10 ودفعت
فظليت ماسكته بيطلع وانا امسكه والله ذقت المووووووووووووت
قلت لها ادفع ولا لا ؟؟ بنت اللذين تضحك علي وتقول اي ادفعي اكيد ليش ماتدفعي
اقول لها قلت لي 9 وشوي شلون ادفع تقول خلاص صار 10سم
شكلها كملته بيدها ..ولاعطتني خبر هال....
المهم دفعت واصاااااارخ
ومسكت صراخي علشان لايضيع تعبي ودفعت بكللللللللللللللللللللللللللللللللللللل قوتي لين طلع حياتي النونو
وانهرت صيااااااااح ههههههههه
والله اكبر عليهم ثاني مولود ولا سوو لي توسعة والله حسيت تمزقات داخليه للحين ويعورني المكان كللللللللله
وانتوا بكرامة محل البول حسيته انشششششق من فوق وتحت
لانهم ماوسعوا لي والله رحمني البيبي نتفه وراسه نتفه ولا كان صرت في خبر كان ..
وشفت البيبي وهم ينظفونه من بعيد وعيونه منتفخة كثييييييييير مسكين من الطلق يبي يطلع وماخليته عمريييييه
وخلتني اكح بقوة علشان تطلع المشيمة تسحبها من الحبل السري واكح في نفس الوقت
وطلعت ونظفتني ونزفت كثييييير لانو تركت نتفه من المشيمة ورجعت لي ونظفت
هللللكت من تضغطهم على بطني وحوستهم داخلي
وجابو لي فراس القمر وعطوني اياه ارضعه ياااقلبي
وجا زوجي وشافني وشاف البيبي وباسني وراح العمل هههههههههههههههه
<<< متأخر على العمل كم ساعة
وخذو ولدي بعد ثلث ساعة وودوه الحضانه وظليت ساعتين تحت المراقبة وودوني غرفتي
ومارقدت من الفرحة مومصدقة اني ولدت استغفر الله
هذا قصه ولادتي
وانصحكم نصييييييييحة لوجه الله
لالالالالالالالاتولدون في مستشفى المانع اللي بالأحساء لانهم اهماااااااااااااااااال :(
يعني من 10 ونص الصباح لين 11 وشوي الليل ولدت
كان بيدهم انهم يخلوني اولد ابكر اذا فتحوا الكيس او يقيسون لي اكثر من مررررة
لكن مايبون فخلوني اتعذب قريب 12 ساعة
يعني نفس ولادتي البكر توقعت الولادة الثانيه اقل واسرع لكن ربي اراد هالشي
ولا تخطيط لقلب البيبي قممممة الاهمال
ولا كمام ولا ابره زي الناس مع طلعةالراس جابوهم لي... لانو ببنتي عطوني اياهم يوم فتح 7 سم او 8
هالمرة عندهم اني مو اول مرة اولد فخلوني اتعذب عادي
والابرة مكانها غلط والله لين الحين يجيني شد عضل في فخذي كله اللي ضربوني فيه بالابره لين رجلي
ولا وحدة تراقبك او حتى على الاقل تروح وتجي تشوفك بين فترة وثانيه كان ولدت لحالي لولا صراخي انقذني
واقول لهم جوعانه يوم رحت الغرفة ولا جابو لي اكل
وفطور ماجابوا الا 3 الظهر جابوا لي بريد بالجبن وعصير
ويوم زوجي كلمهم جابوا لي غدا 5 العصر هههههههههههههه
يعني اهماااااااااااااااااااال
هذا غير مواعيدهم اللي مثل وجيييييييهم
والدكتورة اللي اراجع عندها الحمل اسالها انت بتولديني تقول اي ولا اشوف وجهها بحملتي الاولى وهذا الثانية
ليش تكذب ماادري ليش
وهذا غير المواعيد الزفت ويكنسلونها من دون خبر و الزحمة وووووووووووووووو
لكن الحمد لله على كل حال ..اهم شي انا والبيبي بخير
سوري طولت عليكم ....:)
أم فطووووم @am_ftoooom_1
عضوة فعالة
يلزم عليك تسجيل الدخول أولًا لكتابة تعليق.
قمة الاهمال عكس مانع الدمام مجربتنه ثلاث ولادات وعملية تنظيف مره
وتوها مرة اخو زوجي والد في مانع الدمام وتمدح فيه مره
والحمدالله على سلامتك وسلامة البيبي
وتوها مرة اخو زوجي والد في مانع الدمام وتمدح فيه مره
والحمدالله على سلامتك وسلامة البيبي
الصفحة الأخيرة
وسلامت فررررررررررررروسى