قصة ولادتي بمستشفى سعود بعنيزه

السلام عليكم
كثير ابي استفسار ولاني محتاجه للردود قلت بنفع غيري بتجربتي بختصرها بوقت الولاده دخلت لهم س١الليل وحطوني بالملاحظه الى س٨ الصبح وخلال هالمده ثلاث او مرتين كشفو علي وسالفتهم هم والحلتيت ليش تحطين حلتيت تسكر الرحم وووو قلت والله عطوركم تسكر الرحم
المهم كشفت علي اولا هنديه
وبعدها سعوديه
والثالثه لابارك الله فيها سوريه
وقالت يالله لغرفة الولاده
ونروح قالت يالله ازحرري واحس البنت راسها فووق
قالت لازم زززحره طوووويله تعسرررت ع بال ماطلعت
وصارت بنتي مبرزه ع نفسها ودخل علي الدكتور وهاوووش هالقابله
اي قابله لان الدكتوره فوق راسي بس تشرف
وانا فار تجارب 😨😨
وتعسرت ولادتي لانه بدون توسيع>>من صار له كذا


وتروح الدكتوره شوي همن رجعت عاد تبي تطلع البشيمه وتبدا تضغط وتضغط وخلصت واخذت البشيمه بكيس وراحت
قالت انتي مزبوطه ماتحتاجين خياطه😳😳😵😵
وراحت والملم رجيلاتي واقوم الحمدلله اني وفقني ربي ببممرضه رحووم واجلس ع الكرسي واناظر بنتي يسوون لها غسيل معده وتحط لي اسواره البنت واستودعها الله واخذوها للعنايه
رحت للملاحظه من تسع ونص الصبح الين س١جت نفسها وتدخل يدها وتطلع كتل وانتم بكرامه شي طبيعي يطلع لانه ماكلفت نفسها تنظفني
وتجيب تحاميل مثل الملح الخشن قلت وشو ذا اول مره يمر علي قالت انتي مارستي الطب قبل قلت مايحتاج عندي خبره وتدس التحاميل الخشنه بالشرج😲😷😷
وقالت خليك ساعه
صارت ساعتين
جت س٣تبي تكشف قلت انتي بتكشفين😵
قالت ازا مابدك براحتك قلت ايه مابي وتفسخ القفاز
وتهاوسني الممرضه قالت مايصلح تقولين للدكتوره مابيك
قلت والله يهمن نفسي الحين بلا مشاعر بلا خرابيط
قالت الحين تجي دكتوره ثانيه وتكشف عليك
وانا ع نياتي انتظر وانتظر
واجي ادق الجرس قلت وين الدكتوره قالت انتي رفضتي ولافي دكتوره الا س٧ونص المغرب😵😲😮😧😳 قلت ياللعجب بالطوارئ ولافيه ولادكتوره اربع ساعات!!
قالت لا مافي
اجيب لك دكتور؟
تحسبني بستخي وبقول لا
قلت ايه نادي الدكتور يالله بسرعه
وتمشي تبي تطلع قلت تعالي عطيني رقم مدير
مامداي اكمل الكلمه الا الدكتوره فوق راسي قالت وش تبين قلت تعالي اكشفي علي بنزل ترقيد
وكشفت قالت اللي فيك شي طبيعي بعد الولاده قلت انا جايبه اربعه ماشالله واعرف لازم كثير ببداية الايام قالت خلاص ترقيد وابدا ادعيلها وهي انبسطت وتدعيلي
سالتني ذي قالت وش فيك قلت انها تكشف علي وتدخل يدها كلها وتحوف تقل تقطع لها بصل واني قلت مابي تكشفين علي
قالت انها تقول لكل اللي برا لااحد يدخل عليها لانها رافضه الكشف نهائي وحنا نبي نخليها هنا
عاد ذي نفسها الدكتوره السودانيه تقول سبحان الله لازم الواحد يسمع الشكوى من الطرفين
وجابت لي السوريه ورقه اني رفضت كشفها ووقعت عليها
نظافتهم بطانيتتهم انا وبنتي ملهن وسخات
انا بطانيتي فيها دم😑😷
وبنتي مادري استفراغ او مادري وش
هذا الجزء المهم بولادتي قبل اسبوع والا فيه قرق واجد ماقلته
اللي مر عليها مثل موضوعي وولاده بدون توسيع او خياط لاتبخل علي