قصة ولادتي في مستشفى قوى الأمن بالرياض

يسعد أيااامكم جميييع ،،
وأنا حامل كنت أدور ع أي موضوع يخص مستشفى قوى الأمن بالرياض وولادتهم بس للأسف مواضيع قليله جدا ففضلت أكتب لكم قصة ولادتي وأفيد من كانت مثلي .. للعلم أنا بكرية وكنت حريصه ع مواعيدي عندهم والأشعة ماعدا ف التاسع فاتني موعد الأشعة ولاعاد جددته مافيه إلا بعد شهر ونص ويصير قد ولدت ..
الحمد لله كملت التاسع بالتمام كان موعدي يوم 6 وجتني الطلوق بنفس اليوم وولدت صباح الجمعة 7 / 2 / 2014 ...
جيتهم بعد الظهر يوم الخميس وتو نزلت علي السداده وكان معي طلوق من الليل تروح وتجي كشفت كان مفتوح 1ونص قالت ارجعي البيت واذا انتظمت الطلوق أو نزل دم أو مويات تعالي ورجعت البيت وكانت الطلوق تجي بس متحمل ألمها لين بعد العشاء نزل كمان من السداده وبدأت الطلوق تزيد وتنتظم كل ربع ساعة وتحملت لين الساعة 1 ف الليل وعاد قالت أمي وزوجي خلاص نروح المستشفى ومشينا وبدأت الالام تزيد ويتقارب وقت الطلوق جيناهم ع 2إلا ربع تقريبا وكانت قابله أمريكية ودكتوره سورية تعامل روووعه وكشفت كان مفتوح 3 ونص وصلحت سونار سريع وقالوا خلاص يالله ع غرفة الولادة وطلعوا معي أمي وزوجي وهدوووء دخلنا قسم نفس التنويم وغرف واستقبال دخلت غرفتي ماشاء الله غرفة كاملة لي بدورة المياه بأجهزتها كاامله حتى الكمبيوتر فيها والتلفزيون ع بالي تنويم والقابله ماليزية ربي يسعدها طيبه مررره قالت القابله هذي غرفة الولادة انصدددمت ولبست لبسهم وركبت لي التخطيط وخلص زوجي أوراقي وأمي جلست ف الاستراحه وشوي جاني زوجي قالوا له 5 دقايق بس وجلس ماعاد قالت له شي وشافتني متعلقه فيه وأنا كانت أمنيتي زوجي يجلس معي والحمد لله ربي أعطاني اللي أبي نص ساعة ويطلع ويروح ويجي عندي عااادي مسموح له بس وقت الكشف يطلع ماتخليه يجلس وأعطتني الماسك حق الاكسجين وقالت فيه بنج يريحك وفعلا فيه بس خفييييف وماحسيت مفعوله إلا عند الخياطة بس وقت الطلوق أبدا ماحسيت فيه وعلمتني طريقة الدف وحطت لي الحقنة الشرجية طبعا لمن كان 5 سم فكت المويه وبعدها سألتني إذا كنت أبي إبرة الظهر بس أنا رفضت مو مقتنعه فيها ولا أبيها وعاد أعطتني إبره بيثادين رووووعه دوختني وهدت الالام بس نص ساعة وراح المفعول ورجع التعب ولمن كشفت لقته 9 قالت لزوجي خلاص ماعاد تجي ألحين ولاده وجلس برى والحمد ولدت الساعة 6 ونص الصباح استخدموا الشفط قالوا نبضاتها ضعفت وسعوا لي بس مادريت عنهم وكان معي دكتورة باكستانية وسورية بس السورية اللي ولدتني وخيطتني هذيك واقفه و3 من قسم الأطفال والقابله الماليزية طلعت بنتي وحطوها ع صدرية وضميتها فديت روووحها وبعد الخياطة نظفتني القابله وشوي جت أمي وزوجي وتحمدوا لي بالسلامة وباركوا لي ورجعوا للبيت ربي مايحرمني منهم بعدها سألتني القابله إذا أبي أتروش عييت أنا لأني تعبانه ومو قادره ع الحركة وبدلت لبسي وطلعوني للتنويم الساعة 8 وبنتي ف الحضانة وأعطوني فطوري وشوي جابوا بنتي جلست معي يمكن ساعة وخذوها واعطوني مسكن وقالوا نامي وارتاحي ..
الممرضات تعااملهم جدا راااااقي وروووعه والبيبي مايعطوك وقت الزيارة ممنوع إذا الأب يبي يشوفه يروح لهم الحضانه وبعد الزيارة يجيبوه لين 12 وبعدين يأخذوه أنا عطيتهم تقريبا 11 أبي أنام ،، المستشفى نظاااافه وهدوووء ف التنويم ،، طبعا مافيه مرافق حتى اللي ولادة قيصرية ممنوع .. ماشفت ولا رجال بس اللي جنبي كانت قيصري وجاء عندها دكتور أما أنا أبدا الحمد لله ماشفت أحد ..
عطوني مسكن وفيتامينات وكالسيوم نفس اللي كانوا يصرفوها لي ع الحمل وفيتامينات للنونو ..
سمعت الدكتوره ف الطواري تقول لوحده جايه ولاده ومحولينها ع مستشفى ثاني لأن ماعندهم سرير بأنهم إذا كانت الحامل 36 أسبوع فأقل يحولوا ع مستشفى يتبع وزارة الصحة لأن الجنين صغير وعليه خطر بس إذا كانت فوق 37 أسبوع يحولوا ع مستشفى رعاية الرياض خاص طبعا ..

أي سؤال أنا حاضره بس ممكن ماأدخل ع طول هالفتره أعذروني لو مارديت ع أحد بدري ..