قصة ولادتي كما وعدتكم...

سلام بنات

انا وعدتكم انزل قصة ولادتي وها انا افي بوعدي


اولا كان موعدي9_6هجري ولا ولدت الا 17_6

يعني تاخرت 98 ايام عن موعدي

وكنت ابغى اولد خلاص لاني مليت

علما اني من يوم دخلت التاسع شربت قرفه وزعفران

وكف مريم لكن من دون اي فائدة

ونصحتني الدكتوره بالقرفة

من دون نتيجة

والجماع اصلا ماوقفنا ليلاً ولافي فايدة

ولان مدينتي مافيها مستشفيات خاصه والمسوتوصفات رفضت

تستقبلني لان فيني فقر دم ووبكرية

كان لازم اولد في مستشفى حكومي

الحين ببدا بيوم الولادة كنا اناوزوجي مسوين حفلة بسيطة

باليل وجلسنا لين الفجر صلينا وطلع زوجي لشغله

انا رحت نمت المهم يوجت الساعه 6 حسيت ان زوجي رجع

طلعت قلت بجلس معاه وفعلا حصلته

جالس بالصالة جلسنا نسولف ونضحك

وانا مافيني شيء لين جاء دوام الدوائر الحكومية وطلع زوجي

وانا جلست اتصفح النت

لين صارت الساعة 8.50 دقيقفة
بعدها حسيت زي الطعنة بظهري وكان كل ربع ساعة

واجلس على هالحال لين الساعة 10 رجع زوجي

وابغى ابين له ان مافيني شيء

لكن للاسف كشفني

قلت قم نام وانا مثل كل مررررررررررره راح يؤروح الوجع

وصبرت لين صارت الساعة3 وصحيته

بعدها بدت معاناتنا مع المستشفيات الحكومية

رحنا على طول لمستشفى الولادة

قالت فاتح 3 سم

لكن مانستقبل اليوم عندنا صيانه

واطلع منهم واروح لمستوصف خاص كنت اراجع فيه

قالت دكتورتي احتمال يصير عندك نزيف ما اقدر استقبلك

واطلع واروح لمستشفى حكومي اخر واخيرا استقبلني وانا كل هالوقت طلق متعب

دخلت تقريبا الساعة اربع العصر ولا جبت غير الساعة 3 الفجر

وجطولي طلق صناعي واول مادخلت كنت بين طلقة وطلقة ادوخ


ولما ولدت ولدي تاخر مابكي

ودخلوه العناية وقالوا مستنشق مويته

وسوا له غسيل معده وجلس اسبوع وطلع ولله الحمد