قصة ولادتي ..................كما وعدت

صحيت صباح الخميس والمويات تنزل علي واجد قلت انتظر للعصر عشان عندي موعد ورحت
للطبيبه قالت مفتوح 2 سم لكن المويه قليله ولاني ماراح اولد عندها قالت استعجلي و
روحي للمستشفى حتى تكوني تحت المراقبه وعشان يعطونك محفزات ,,,,,,,,, انا من يوم
قالت محفزات قلبي يدق بسرعة خايفة قلت والله مااروح ,,,,,,,,,,,,,,,,,,,,,,,,انتظر الين
احس بالولادة ابرك لي ولاني ماراح اخذ ابرة الظهر وشوله اروح .....................
زوجي يسالني تروحين قلت لا ودني البيت واروح اسوي لي قرفه والمشروب الي ذكرته وحده
من الاخوات , فيه قرنفل وقرفة وحليب واكلت تمر كثير وامشي كثير ليما حسيت ان الطلق
صار متقارب واروح اناظر بنيتي يابعد عمري نايمة واقومها واعطيها جارتي وانا حزينه
معليش طولتها عليكم صارت فيلم هندي بس معليش استحملوني
عشان يصير فيها اكشن ,,,,,,,,,,,,,,,,واروح المستشفى وتستقبلني هذيك الدكتوره الي
تفتح النفس وتقولي ما تخفيش وانا اقول الا ذبحني الخوف وتضحك وتحطني على السرير
واستغليت الوقت بقراءة القران .....ايات لقيتها هنا في المنتدى كتبتها وحدة من الاخوات تقول
لتسهيل الولادة المهم الدكتوره تسالني تحسي بالم وانا اقول لا مادري اسلي على
نفسي , وكل ماحسيت بالم احط الاوكسجين واخذ نفس وترجع الدكتوره تسال وانا نفس
الجواب اثاريني خلاص وما دريت وانا حاطة في بالي اني راح اولد على الفجر

يصراحة يابنات ما حسيت بذاك الالم القوي الا لما طلع الراس والشق والخياطة ولا الطلق
هونه ربي بفضل الله اولا ثم بفضل دعائكم لي يا احلى بنات وتراني ما نسيتكم من الدعاء
وطلع مازن للوجود الله يحفظه
بيني وبينكم فرق شاسع بين ولادتي ببنتي وولدي الحمدلله على كل حال
الله يرزقكم يابنات بالذرية الصالحة

نصيحة لكل وحدة خايفة كل ولادة تختلف عن الثانية ............. يعني يالي قربتو تولدون
لاتخافون ربي الي يسهل ما هو المستشفى ولا الدكتورة