قصة ولادتي لعيووووون بنات عالم حواء ..

هلا و غلا بالغالياااات .. الحمدلله رب العالمين على هالنعمة و هالبنوته القمر اللي رزقني ابها بتاريخ 6-2 الساعه 9 في الليل ..
بدأت السالفه يوم الاثنين الساعه 4 و نص العصر رحت موعدي عند الدكتورة الخاصة عشان اسوي تخطيط و اطمن عالبيبي .. المهم دخلت عند الدكتورة و كان التخطيط ممتاز و سوتلي فحص داخلي و قالت ان الرحم مستعد للولادة و بس محتاج تحريض خصوصا انني كنت مطوفة الموعد اب 5 ايام !! فقالتلي شو رايك افتحلج ماي الراس و تروحي عالمستشفى و توقعتلي اولد الساعه 10 لاني مو بكرية .. بعد تفكير انا و زوجي قررنا نتوكل على الله و طبعا استأذنت من الدكتورة اني اروح البيت اجهز اغراضي و اسلم على عيالي فديتهم .. و رجعتلها و فعلا فتحتلي ماي الراس بعد محاولات و انا طول الوقت ادعي ان ربي يسهل علي .. و رحت على طووول عالمستشفى و انا غرررررقااااااااااانة و دخلوني عالدكتورة على طول و قالت ان الرحم مفتوح 3 سم و مستعد للولادة و لكن!!!!!! هيه هيه فيه و لكن!!! غرف الولادة و غرف التجهير كلها زحممممة و مافي مكان ابدا و اضطرو ان يحطوني في قسم غير قسم الولادة !!!! المهم دخلوني الغرفة و انا الطلق بادي يزيد علي لين ما صارت الساعه 7 المغرب و الطلق شديد و الرحم فتح 4 سم بس :( المهم لقولي غرفة ولادة فاضية وحولوني فيها لاني كنت وايد تعبانة .. و عطوني منوم و اكسجين .. و سبحان الله عالساعه 8 صار الرحم 7 سم .. الساعه 8:30 حسييييت بالضغط الشديد و هنا بدأت رحلة المعاناة :( :( كان اتيني الطلقة و اطلق و يطلع الراس لين العيون و يرجع يدخل مرة ثانية و انا روووووووووووحي تطلع !!!!!! تميت جذيه 3 طلقات و البنت تطلع و تدخل لين ما ازرقيت و بديت اغيب .. بس الممرضة في المرة الاخيرة مسكت الراس و حاولت ما تخليها تدخل و قالتلي ادفعي حتى لو مافيه طلق !! و انا ادفع بكل قوة و اصرخ و ازرق لييين ما طلعت البنوتة و سمعت صراخها !!!!!!!! طبعا بعد كل هذا العنا انا ظليت اصيح مثل الاطفال و زوجي حاضني و يصيح مسكين لان كانو متوقعين يا اروح فيها انا و لا البيبي من شدة الالم !! و امي مسكينة ما قدرت تتحمل و اغمى عليها !!! لان زوجي و امي كانو معاي في غرفة الولادة ... و انتهت رحلة ولادتي الحمدلله رب العالمين عالنعمة !!!! كانت تعب بس الحمدلله التعب يهون بشوفة هالعيال الله يخليهم لنا يا رب!!
انا ربيت في مستشفى الوصل .. و خدمتها زينة و تراهم خبرة و متعودة عليهم :)

نسيت اقولكم اني في الطلق كنت ادعي ان الله يسهل عليكم ولاداتكم جميييييييييييعا خصوصا خواتي رأس المعزّة و om mansoor لانهم كانو متابعيني يزاهم الله خير!!!! :27: