السلام عليكم ورحمة الله وبركاته
كتبت لكم قبل فتره اني ولدت وراح اكتب لكم قصة ولادتي اذا فضيت
واليوم فضيت قلت اروي قصة ولادتي
اليوم لي 22 يوم وتوني بالنفاس :06:
ولدت بفضل الله يوم 14محرم كان يوم الجمعه في يوم الاربعاء رحت لاهلي وكنت مخلصه التاسع لي يومين
وعظتني امي فديتها قهوة اعشاب بحسن نيه انها زينه مو عشان تولدني لان امي ماتهتم تقول متى ماربي كتب بتولدين
المهم شربت فنجال مليان ولاحسيت بشي
رجعت البيت بعد ماسهرت عندهم وكنت تعبانه مره ووجهي يحزن مهما تزينت مبين بوجهي التعب
نمت نوم ملل وتعب صحيت الخميس عندي طلوق قلت بخاطري نفس الالم كل مره مابه جديد
رحت لموعدي وكشفت الدكتوره علي قالت مافيك ولاده ولسه راس البيبي فوق وقالت روحي اعملي تخطيط للبيبي نشوف نبضه ونشيك على الطلق الي تحسين فيه قلت اوكي
طلعت فوق وزوجي انتظر برى لانو لازم اجلس نص ساعه
المهم طلع عندي طلق ونبض البيبي ضعيف وحركته ضعيفه قالت الدكتوره يمكن البيبي جوعان روحي افطري ورجعي سوي التخطيط المهم سويته ونفس الشي بس حركه خفيفه خافت الدكتوره وقالت روحي للبيت وبعد ى8 ساعات ارجعي سوي التخطيط رجعت البيت ولااهتميت بالموضوع وفوضت امري لله
وكانت الالام تزيد ولااهتميت جلست استغفر وامشي واكل تمر في الليل مانمت من الالم مره يزيد ومره يخف ومره يروح يعني احترت مو منتظم اقول ولاده ولايروح اقول كذاب اول ما اذن االجمعه الاذان الاول حسيت الالم اقوى وشي ينغزني من تحت زي السكين رحت المستشفى قالت مفتوح الرحم 3 والطلق بارد قلت يعني راح اولد مامداني اكمل كلامي الااحس بالمويه انفجرت وتصب بكثره ناديتها وجت تشوف وتغير وجها وقالت اوووووووووووو قلت ايش قالت بيبي متبرز في بطنك وتنادي الدكاتره وكانت مناوبه دكتوره هنديه شاطره قالت مدام لازم طلق صناعي الحين قلت ياربي انت وكيلي توكلت على الله وركضو فيني على غرفة الولاده وكانت الساعه 11 وانا مثل المجنونه قلبي يرقع من الخوف على البيبي وركبو علي المغذي والطلق الصناعي الموت وصرت كني طايره من حر الالم مايفك ابد يارب لاتحرمني الاجر واجلس اطلق الين اذن المغرب وجبت ولدي فهودي حبيبي بعد ماطلت روحي :32:يارب لك الحمد وخذوه على العنايه وعطوه مضاد وخلوه تحت الملاحضه والحمدلله تحسن وضعه
بالنسبه لنفاسي الي اطنز واقول يهبل اول ماظلعت من المستشفى ولاقي بنتي وولدي الصغار جايتهم نزله معويه تطريش واسهال الله يكرمكم و5 ايام معهم مرتحت ابد ويوم تحسنو واطيح انا 4 ايام حتى البيبي مارضعته ويوم تحسنت وتطيح بنتي وزوجي همن شغالتي :06: همن فهودي ياقلبي عليه لاحولا ولاقوة الابالله الناس اول اسبوعين راحه وانا والله اشتغل وقوم غير قلة النوم والضيوف الي كل شوي ناس كثر الله خيرهم
يارب لك الحمد على كل حال طولت عليكم وهذي قصتي
تقبلو تحياتي ودعولي ربي يخليلي عيالي وصحتي
رمانة البيت @rman_albyt
محررة
يلزم عليك تسجيل الدخول أولًا لكتابة تعليق.
* S A R A *
•
مبرووووك حبيبتي ,,والله يخليلك عيالك ويحفظهم ويعطيك الصحه والعافيه ,,
الحمدلله على سلامتك واهم شي سلامتك الراحه بتجي ان شاء الله وعلى اجر باذن الله
الله يخليهم لك ويشفيهم
الله يخليهم لك ويشفيهم
jnony
•
ماشاء الله تبارك الله والحمد لله على سلامتك وسلامة ولدك وعقبال كل الحواملماشاء الله تبارك الله والحمد لله على سلامتك وسلامة ولدك وعقبال كل الحوامل
مبروووك البيبي والحمد لله على السلامه
الصفحة الأخيرة