شجرة الأرآك @shgr_alarak

عضوة فعالة

قصتنا في الاستراحه

سلااااااااااااااااااااام على كل من دخل **** ونوره لآخر المنتدى وصل :24:

اليوم يا شطار عندي لكم سالفه بس سالفه اكييييييد بتعجبكم :18:

السالفه هذي الله يسلمكم ويطول في عماركم ( عماركم يعني اعماركم يعني عمركم مهوب بيتكم ) المهم نرجع للسالفه همانا كنا مستاجرين استراحه انا واهلي واخواتي واخواني كنا مستاجرينها يومين ( في نفسنا من زمان اننا ننام في استراحه اخيرا تحققت امنيتنا :25: )
والله انبسطنا فيها وملينا من بعض ومن القهوه والشاهي تقل قطوعه هل القهوه والشاهي ياقهوه رايحه ويا شاهي جاي ومغير قحن وحكي ماله داعي وعلى هالموال الى ان اقترحت مرت اخوي وقالت خل نغير ونلعب لعبة انسان حيوان جماد :13: ورحبنا بالفكره وانا عاد تعرفوني مع الخيل ياشقرا قالوا بنلعب قلت انا معكم وانا مااعرف اللعبه زين وثقافتي مشاء الله في البلدان والنبات مرررررررره رايحه وطي المهم بدينا اللعبه واختاروا حروف ومشاء الله مايمديني امسك القلم والا وهم طابين فيني خلااااااااااااص خلطنا قلت طيب مابعد كتبت قالوا ماعلينا هي اللعبه كذا تعتمد على السرعه وانا عارفتهم يهكون علي شافوني غشيمه في اللعبه و تصدقون ان اختي في حرف الالف حطت النبات أرز ومشيت على انها صح وفي حرف الراء حطت النبات رزومشيت بعد على انها صح ويوم جا حرف الباء حطيت انا النبات برز وقالوا خطأ :06: شوفتوا وشلون انا مظلومه :mad: ولا عاد الفشيله الكبرى يوم قالوا خل نجمع النقاط واروح انا ووجهي بجمع على بالي بفوز جمعت وصار المجموع عندي 290 نقطه وانا فرحانه اول وحده خلصت من الجمع وقلت لهم انا مجموعي 290 وقعدوا يناظروني وقالوا معقوووووله :eek: عاد انا فرحت قلت اكيد عشاني اكثرهم استغربوا وقلت لهم وبكل فخر ايه 290 قالوا اننا نقاطنا كلنا فوق 400 وانتِ اقلنا وقعدوا يهزأون فيني ويقولن اثرس مهناش بس عاد تعرفوني روحي رياضيه قلت لهم اصلا انا قاصده اهزم روحي عشان ارفع من معنوياتكم ;)
وبعد ماخلصنا اللعبه تعشينا ونمنا في الاستراحه بصراحه اول مره انام في استراحه انا وعيالي واخواتي وعيالهم وامي طبعا واخواني وكل شوي نسكت في هالبزران مايمدي واحد يسكت الا والثاني ماخذ الدور الي بعده الظاهر انهم مرتبين انفسهم :32:
وعلى هذي الحال الى ان جت الساعه 7 الصبح ونمنا يمكن ماتجي ولا ساعتين الا واخوي جاي يالله قومي خل نفطر والبزران مشاء الله عليهم مدري وش هالنشاط فيهم قايمين وعلى روسنا وقلنا لهم خلونا ننام مانمنا في الليل قالوا من بغى الدح ماقال اح وهذي الاستراحه الي صجتونا عليها تبون تنامون فيها :cool:

هذا الموضوع مغلق.

شجرة الأرآك • 22 سنة

وقمنا وقلنا الشكوى على الله وطبعا ماكنا كلنا نايمين فيها بعضنا راحوا لبيوتهم ينامون تعرفون النعومه الي مقطعتهم مايعرفون ينامون الا على سرايرهم :39:
وجو الناعمين يبون يفطرون معنا وافطرنا وعينا خير وسولفنا شوي الى ان أذن الظهر نمنا شوي (ماامدانا يمكن ماتجي ولا نص ساعه نومتنا )
ويوم جا العصر رجعنا لعادتنا في قحن الشاهي والقهوه الى ان اذن المغرب رحنا صلينا وجلسنا نفكر في العشا وفيه ناس اقترحوا نطلب من النافوره هذولا الناس الناعمين بس قلنا لهم بس بلا نافوره بلا خرابيط خل نجيب لنا ذبيحه احسن لنا وفعلا اتفقنا على الذبيحه وواعدنا المطبخ .... وبعد ما قررنا العشاء رجعنا نتقهوى وتني ماامداني اتقهوى الا والبزران مجتمعين عندي تعالي شوفي بنتس طاحت من المرجيحه وشكلها ماتت واقوم وانهبل عليها ( اول مره احس ان عندي احساس امومه ) واروح والقاها طايحه والمرجيحه فوقها بصراحه مااقدر اوصف لكم شكلها وشلون بس يعني مره مسيكينه ويالله نطلعها انا واخواتي واتصل على ابوها ونوديها للمستشفىوانا في الطريق ماغير تصيح بموت بموت وابوها بعد منهبل عسى ماتموت (الي يسمعه يقول ماعندنا غير هالبنت ) وانا هدي فيهم واقول لهم عادي اذا متي المقبره بتاخذس ووصلنا للمستشفى وعلى طول سوو لها اشاعات والحمدلله ماصار فيها كسر بس خيطوا جرح في وجهها ( ولو اني داريه انها بس خياطه كان خليت شغاله اهلي تخيطها وارتاح من الروحه للمستشفى) وبعد مارجعنا للاستراحه صااااااااااار شي
تدرون وش صار ؟؟؟؟؟؟؟؟؟؟
شبت الاستراحه الي جنبنا اول شي شمينا ريحه وقلنا يمكن صورايخ وبعدين شفنا نااااااااار وانهبلنا وناخذ عباياتنا ونجلس عند الباب وبعدين دخلوا علينا الحريم الي كانوا في الاستراحه المحترقه وياحياتي حالتهم حاله دخلو علينا ماعليهم عبايات ولا شي هم وشغالاتهم وبزرانهم والله حالتهم مره بس الحمدلله الله ستر وماصار فيه اي اصابات بس عزيمتهم انحاست بسبب الحريق :mad: والله رحمناهم مره واتصلوا على اهلهم وجابوا لهم عبايات وراحوا لبيتهم
ورجعنا إنا نستأنف القهوه والشاهي واحنا متكدرين وقالوا رجاجيلنا ترى العشا جا تبونه ولا تنكتوا وهونتو من العشا :08: قلنا لا جيبوه خل نتعشى بنتغصبه :39:
والحمدلله تعشينا ورجعنا لبيتنا ونمنا وقمنا وانتهت سالفتنا :03:

**** لي تعليق بسيط على الموقف الي صار لنا ****
تعليقي بصراحه على الحريق الي صار في الاستراحه الثانيه يعني هذي نار الدنيا وشلون افزعتنا كلنا صغار وكبار رجال ونساء وشلون نار الاخره الله ينجينا منها ؟؟؟
وايضا احب اضيف لبس النساء تلقينهم في المناسبات يتهاونو بالبس اما بالقصير او العاري او البنطلون بحجة انهم امام حريم وعادي الوضع ولو افترضنا انه امام الحريم عادي بس انتِ تضمنين نفسك انك ماراح تطلعين الا بعبايه يعني مثل الحريم الي طلعوا من استراحتهم وجو عندنا جو بدون عبايات كانوا في الشارع الكل يتفرج عليهم ( انا اتكلم بصفه عامه وما اقصد لبسهم هم بالذات لانهم كانوا محتشمات بس اقصد غيرهم ) يعني لو كانوا لابسين عاري بحجة انهم قدام حريم وجا هالحريق وش بيكون موقفهم ؟؟؟؟

والله يهدي الجميع

<body onUnload="window.alert('مع السلامة')">

زادالخير • 22 سنة

هههههههههههااااااااااااااااااااي
الله على سواليفك يا وسيعة صدر...
زمااااااااااااان عنك والله...

الحمدلله على سلامة بنتك...
وتعليقك مزبوط...يعني الواحد ما يامن ايش بيصير بعد شوي..
الله يسترنا دنيا واخرة...

مشكووووووورة غلاي على هالحدوتة..

كنافه • 22 سنة

هههههههههههههههههههههههه
هههههههههههههههههههههههه
ههههههههههههههههههههههههههه
هلا وغلا وسوعه >>>>>اسم الدلع
كيفك حبيبتي
مشكوره على الحتوته الي زيك ياعسل
وتعليقك مزبوط الله يستر علينا دنيا واخره

تسلمي ياقمر :27: :27:

تحياتي
كنافه

ضىء القمر • 22 سنة

هلا وغلا وسيعه

زمااااااااااااان عن قصصك الحلوووووه :27:

اما طريقتك مع بنتك رهيبه صراحه انا احب اللى كذا واللى قلوبهم قويه

مهوب ناعمين

اما جيرانكم فى الاستراحه الله يعينهم :08:

وتعليقك 100% :27:

يسلموووووووووووووو حبيبتى

سلااااااااااااااام

*زهرة البيلسان* • 22 سنة

ههههههههههههههههههههههههههههههههه .:21: :21: :21: :21:

والله سالفه توسع الصدر.:22: :22:

يسلمو وسيعه على التعليق..:17: :17: