مرحبا بكم عضواتي الكرماءات
<<ساقطه بالنحو<< لاتسمعنا امومه
ايه اقصد الكريمات
وشلونكم وش اخباركم
ابشركم اليوم تنشطت
وقلت ابي اكتب موضوع
بس ياويل اللي تدخل وترد بـ يسلموا
ولا ههههه شكرا
ابيكم تفصفصون الموضوع
ولا تراي منيب كاتبه نوبتن اخرى
المهم اليوم بقولكم سالفت(ن) صغيره
<< ايه هين صغيرة
صارت لنا يوم كنا مسافرين بالصيف
<<< توها تفتح وتسولف عن سفرتهم
خخخخخخخ
ايه كنا بأستراليا و بالضبط بـ سيدني
المهم في يوم من الايام
وبعد ان غابت الشمس
واخذت معها القمر :40: وقالت له وش رايك نغيب اليوم عن المدرسه
<< وين يابنت الحلال من جد مضيعه
ايه المهم كانت الساعه تشير الى 9ونص بالليل بتوقيتهم
كان ابوي طالع
يجيب اغراض
المهم كنا ننام بدري
لان محلاتهم واسواقهم تقفل الساعه 5 المغرب
كانت امي بغرفتها
وانا كنت متوجه لماي روم ابي انام
وقاعده اقول لخواتي يلا ناموا
المهم والله اسمع صوت كنه صوت المنبه حق الساعه
يقو ل طوط طوط طوط
وانا احسبها الساعه ورحت لغرفتي ابي سكرها
وشوي واسمع وييييييي وييييييييي
ويبدا المكرفونات تتكلم
وانا ما اسوعبت الا كلمه فاير
وصار جرس الانذار حق الحريق
عاد انا طرت لامي قلت لها انه فيه حريق
ورحت وفتحت باب الشقه وطلعت برى الشقه
ويطلع بوجهي واحد اجنبي
واجي اسأله ابي اتأكد انه من جد فيه حريق
واقوله بالعربي وش السالفه
هو طارت عيونه يقول وش تبي ذي
انا من الروعه ابي اسأله بالانجلش بس عجزت
المهم عرفت ان ماعندي ماعند جدتي
ومافيه امل اتكلم انجليزي وانا مرتاعه رجعت للشقه
وطلّعت اختي الصغيرة ودحومي بالترنجات حقت البيت
اختي كانت لابسه شبشب اعزكم الله بس دحومي طلع بدون شبشب
وكان برد مره
لانهم عندهم شتاء وكانت درجه الحرارة يمكن 9وقلت لهم
انزلوا من درج الطوارئ ورحوا مع الناس
المهم
رحت لاختي الثانيه وكانت متجهزة وقلت لها الحقي اخواني وانزلي تحت
وامي كانت تضف الجوازات والجوالات
مسكينه خافت تحترق الجوازات ولاعاد نرجع من هناك
المهم نزلنا
انا نزلت بدون نعال
وامي كانت لابسه شبشب
واختي اللي بالمتوسط من الرواقه لابسه جزمه سبورت
ماشاء الله ماهمها احد
المهم نزلنا وبالدرج كلمت ابوي وقلت له عن السالفه
ويوم نزلنا تحت كان مخرج الطوارئ على الشارع
وطلعت للشارع وانا مالبست شبشب وكان مررره برد ورجليني تجمدت
المهم قلت لاختي شيلي دحومي حرام برد عليه
ويوم طلعنا لقينا المطافي
واصلينماشاء الله على طول وصلوا ما اخذوا الا وقت نزلتنا من الدرج
ويوم نزلنا لقيت ابوي واخذ دحومي
المهم الناس عندهم ماتجمهروا
مع ان الفندق كان جنب اشارة يعني الواحد يلهى
يناظر السالفه لما تفتح الاشارة
مو زي عندنا لو يشوفون حادث وش صغره ولا واحد متعطل
سووا زحمه وسكروا الشوارع من اللقافه
المهم دخلونا للوبي وقالوا ان مافيه شي ادخلوا
ولما دخلنا تعالوا شوفوا الناس وفضايحهم اشكالهم تحفه
واحد طالع بثوب البيت (( دشداشه))
وبنوته اماراتيه مسكينه عمرها يمكن 7 سنوات
كانت تتروش ولما امها سمعت صافرة الانذار طلعتها على طول
ومسكينه امها كان معها اثنين صغار غيرها
وكانت جالسه عند الباب وكل مادخل احد
انفتح الباب ودخل هواء بارد
قامت امي وقالت لامها عطيني اياها وقعدتها عندي
واخذت امي مناديل ونشفت شعرها
وفكيت البكله حقتي وربطت شعرها فيه
لانه كان طويل وينقط مويه على ملابسها
وواحد كان يسبح بالمسبح
وهناك مسابحهم يحطون فيها دفايات علشان تدفي المويه
وكان توه طالع من المسبح وكان معه فوطه
قالت امي اسحبي هالفوطه منه
وعطيها البنت الاماراتيه
هههههه ايه كان استرالي يستاهل بس هذي اماراتيه حرام
ووحده كويتيه كانت طالعه ببيجامه هههههه
وبس بعدين طلعونا لغرفنا وقالوا انه مافيه شي
وعاد وحنا راجعين للسعوديه قابلنا فطومه بالمطار
<<فطومه هي البنت الاماراتيه
بس هم نزلوا بانكوك فيه احد يروح بانكوك بعد استراليا ؟؟
بانكوك حر موووت من يوم فتحوا باب الطيارة بغينا نموت
المهم يوم رحنا دبي ابوي يقول شوفوا مخارج الطوارئ وينها
خخخخ تعقدنا
والحمد لله رجعنا للسعوديه والحمد لله وبس
مايستفاد من القصه:
1) تذكرت الموقف وقلت خلوني اسولف لكم عنه
2) اذا سافرتوا انتبهو لمخارج الطوارئ
3) سلامتكم وبس