قصتي ......أنا والصرصور

السلام عليكم ياأخواتي ...رجعت لكم بقصة صارت و ياي في الصيف وسببت لي رعب وعقدة من الطيارة
الحين بتقولون شو جاب الطيارة للصرصور؟:huh: كنت جاية من الاجازة وراكبة في الطيارة وعيالي جنبي وزوجي كان جالس في الكراسي الي في النص لأن احنا كنا عند الدريشة وكان الوقت متأخر يعني تقريبآ الساعةوحدة بالليل
طبعآ الكل كان ينوخر من التعب وفاتحين حلوقهم ومناظرهم تلوع الكبد وأنا ما كان فيني نوم لأني شاربة دلة قهوة تقريبآ:f226:المهم اني أحس شي يمشي على رجولي :icon810:زغت وما عرفت كيف أشوف الي يمشي علي ،
بعدين قلت لا هاي مجرد اوهام من الفراغ الي قاعدة فيه وقلت احنا في الجو كيف بيكون في حشرات هني؟:29:،بعد شوي وقف الدم في عروقي واتسمرت مفاصلي وبردت أطرافي حتى لساني يبس لأني ....شفت الصرصور يمشي على عباتي:23:داخل الطيارة؟؟؟؟؟؟؟؟وقفت على الكرسي وأصرخ آآآآآآآآآآآآآآآآآآآهوأنقز مكاني وانفض العباية عشان يطيح مسود الوجه ،ويقوم :arb:زايغ ويقول شو في شو صار بسم الله ، قلتله:في صرصور علي ، قالي انت تحلمين ارقدي بتخوز عنك هالخرابيط ،وشوي ولا الحمد الله يشوف بعينه ها المنظر لين ما صدق،:icon28:عيالي تموا يصيحون من الزيغة ويقولون نبغي ننزل هني(يا حليلهم يتحسبون هاي تكسي تنزلهم وين ما يبغون) والناس تموا يقولون الحمدلله الي مو عدالنا ،انزين وين طاقم الطيارة؟ جابوا كلينكس وسدوا الفتحة الي كان منخش فيها الصرصور ، بس أنا وعيالي وزوجي ما قدرنا نرقد أنا عيوني مثل الرادار مسوية وعيالي استغلوا الموقف وتموا يصرطون حلاوة ،وزوجي هالمسكين ماسك نعاله بايده ويتريا ه يطلع عشان يضرب الضربة القاضية..وسلامتكم
ملاحظة:أرجوكم لا تألوني شو كان اسم شركة الطيران الي الطيارة تابعة لها بس خذوا حذركم وكل شي جايز في الطيارة والله ان هذا الي صار معاي ،على فكرة أنا متعمدة أكتب قصصي الي تضحك في ها القسم يمكن بعض الأخوات تنسى همها شوية ان شاء الله:22: