قصتي ...اجهضت .. فحملت .. فولدت ... نصيحه ما تتطوف

السلام عليكم ورحمة الله وبركاته

شلونكم خواتي عساكم بخير اشتقت لكم حيل
عدت لكم بعد قصة ولادة عجيبة احب ان اقولها لكم على وعسى ان تكون عبرة وفايدة للكل ...

حملت بتوام وتوفاهم الله بسبب توقف بالقلب .. وعوضني الله خير بحمل جديد ولله الحمد .. فكان شوقي للولادة ماله حد وابي ضنى بكل الاحوال ...

دخلت الشهر التاسع وكل يوم اقول بولد واجهز نفسي معنويا واقرى مواضيعكم بعالم حواء وقول بسوي جذي وبسوي جذي وبعد الولادة بسوي جذي مثل فلانة ومثل وحدة بعالم حواء ولكن .... بدى الامل يقل بدخولي الشهر العاشر ولا في بوادر حمل ..
لا فتح معاي الرحم ولا نزل علي شي رغم اني كل يوم امشي تقريبا وعلى رمل البحر .. وكثرة الجماع والدارسين والخروع وكل ما قلتوه طبقته ... ولا في فايدة...

فقررت دكتورتي دخولي المستشفى للولادة بطلق صناعي .. بدت بتحميلة كل ست ساعات وبعدها بطلق صناعي بعدين توسيع رحم وزيادة الطلقات .. المدة من 4 الفجر لي 9 بالليل وبوجود طلق قوي يبين بالتخطيط ولكن الرحم مو راضي يفتح الا واحد سانتي .. تصدقون او لا ؟؟؟ بس واحد سانتي ..
بدى الطفل يتعب والحبل السري ينلف عليه فقرروا عملية قيصرية سريعة وبموافقة مني تمت ... ( ما كنت بتحمل ان افقد طفل ثالث ) .. ولله الحمد ولدت ورزقت بولد يهبل تبارك الرحمن ..

القصة مو هني القصة اني كل يوم اقرى بعالم حواء عن الولادة الطبيعية ولما امر على القيصرية اقول اوووووووووه انا شكو :( :( ما دريت ان بتكون اول ولادة لي قيصرية لا ويمكن كل الولادات لان حوضي صغير .

فنصييييييييييييييييييييييحة تعلموا كل شي وتوقعوا كل شي ولا تضيعون موضوع بعالم حواء الا وتقرونه لان فعلا بعد الولادة تعذبت ما عرفت شي عن القيصرية ولا تعبها ولا المها ولا شلون لقعد او اتحمل الالم .. كنت جاهلة بكل شي فيها والسبب اني ما قريت شي عنها ...


الله يسهل ولادت الجميع ويهون على كل حامل ويرزق كل محرمة ولا يخيب تعب احد منكم


تحياتي للكل
ام نصووووووووووووووووووووووور :27: :27: