بسم الله الرحمن الرحيم
انامتزوجه من16سنه بعد ثلاث سنوات من زواجي صارت بيني وبين زوجي مشاكل بسبب المكالمات لاني كشفته يكلم بنات ووعدني انه خلاص ما يكررها ولاني عندي بنتين خفت عليهم من الضياع سكت عن الموضوع وعديتهاولا علمت حتى اهلي لكن الله وحده
العالم عن النار اللي في قلبي وبعدها تكررت المكالمات كنت اسمعه يتكلم بكلام فاحش ما في زوجه تتحمل تسمع الكلام اللي سمعته من زوجها لوحده غريبه وكل مره يجيب لي عذر جديد مره يقول هذي وحده تلاحقني ومرات كثيره كان يكذبني ويقول الشك والوسواس سيطر عليكي وصرتي ما تفكرين وطاح من عيني وصرت جافه معاه غصب عني
وبعدسنه تقرريبا لاحظت عليه كثرة خروجه من البيت وجواله دايما مغلق وفي مره لقيته مسكر عليه باب الغرفه ويكلم وحده وبعد نقاش حاد وبكى وصياح اعترف ان هذي وحده يبي يتزوجها مسيار لكن حلف انه بعد اللي صار خلاص صرف نظر عن الموضوع لانه مايبي بيته ينهار وكل مره اسأله يحلف ان الموضوع انتهى ومرت سبع سنوات كان دايم عندي احساس ان في شي قاعد يصير من ورايا لكن مو عارفه ايش هو بالضبط ودايما انا غير مرتاحه ومتخوفه منه ومن غدره وعندي احساس ان في يوم من الايام راح يصير شي كبييير بالذات ان زوجي حريص جدا
لكن طلعاته من البيت خفت كثير عن اول وصار ما يطلع الا للضروره وكان يقول انا اسوي كذا عشان ترتاحين وتبعدين عن الشك ومع هذاكان قلبي مو مرتاح وكنت الاحظ عليه انه يطلع مره في الشهر واحيانا في الشهرين ومرات اكثر ويقول انا معزوم على العشاء وكان يطلع من العصر ولا يجي الا متأخر في الليل والغريب انه اذا جا يقوللي سويلي عشاء ما تعشيت وكنت اسال كيف ما تعشيت وانت معزوم على العشاء يقول ما احب اكل في العزايم انا بدا الوسواس عندي يشتغل
وجا اليوم اللي كنت انتظره من زمان ذاك اليوم قال معزوم واتصل علي الساعه12:30وقال سويلي عشا ولاني شاكه فيه قلت انا تعبانه وبنام
المهم انا نمت وجا هو ونام وفي الصباح لقيت فلينته الداخليه وعليها روج وكريم اساس على الكتف من ورا وريحة عطر نسائي قوي فيها
انا انهرت وصرت ارجف وقام من النوم وقاللي راسي مصدع مرره قلت اكيد من سهرة البارح طالعني بسرعه وارتبك وراح الحمام
انا صليت الظهر وبعدها واجهته باللي شفته وحطيت الفنيله قدامه طبعا انكر كالعاده واتهمني بالجنون قلت الى هنا وخلاص انا بكلم ابوي ورحت اتصلت بابوي بس لما سمعت صوته ما قدرت اتكلم قال ايش فيكي صوتك متغير قلت مافي شي وسلمت عليه وسكرت وقعدت ابكي
وجا زوجي قال تعوذي من ابليس قلت اعوذبالله منك وانكر بكل قوه وانا مصممه يا يقوللي يايوديني لاهلي قال اوديكي ترتاحين يومين طبعا اهلي في منطقه ثانيه وقعدت ابكي وهو يحاول يقنعني انه ما في شي وان هذي حلاوه من اطفال كانو موجودين في الاستراحه لانه فصخ ثوبه بعد ما راحو الضيوف وقعد يلعب بلوت بس انا حرمه واعرف المكياج
قلت حرام عليك خاف الله فيني ترضاها لبنتك قال لا والله ما ارضى بنتي تطيح في ايدين ناس ما تخاف الله فيها ودمعت عيونه قلت هذا انا وابوي ما يدري عني سالته اغواك الشيطان قال لا قلت متزوج قال لا يعني تبيني ابتلي نفسي بشي عشان انتي ترتاحين قلت قول الصدق وبس
وقلت أسألك بالله أسألك بالله أسألك بالله تعلمني مين اللي كانت معاك البارح وحسيت انه بدأ ينهار ركضت على الدولاب واخذت المصحف وحطيته قدامه وقلت بحق هذا الكتاب واللي انزله انك تتكلم انا مستعده اسمع اي شي بس ارتاح يالله قولها قال خلاص اللي قلتيها قلت متزوج؟سكت وعدتها عليه مره ثانيه وثالثه وهو ساكت أخرشي هز راسه وقال اي وآآآه على اللي صارلي دارت فيني الدنيا وكان احساس موجع ولحظه وقف فيها الزمن شي ما اقدر اوصفه شي ما انساه طول عمري
وقلت من متى؟قال اللي انتي خابرتها قلت كيف قدرت تخدعني كل هالمده كيف تاكل وتشرب وتنام معاي وانت تطعني في ظهري قال ما خنتك بالحرام
وعرفت ان اللي يخون مره يخون الف مره
ودار بيننا كلام كثير وقال سامحيني هذي نزوه وندمان عليها وانا من زمان ابي اتخلص منها واللي تبينه بيصير ووالله وعلى هالمصحف اني ما اخطي لها خطوه بعد اليوم واعتبري الموضوع انتهى وخلينا نبدأ صفحه جديده وانا احبك وما اتخيل حياتي بدونك وانا اصلا ما اروح لها الا قليل جدا قلت ابي اثبات على الطلاق يعني ورقة طلاقها قال مافي عقد زواج عشان يكون في ورقة طلاق لان زواج المسيار يكون شفهي اللي عندها فكره عن الموضوع تقوللي هل زواج المسيار شفهي بدون عقد مكتوب ؟
المهم وقام وباس راسي وقال سامحيني انا اشتري جرتك من الارض
قعدت يومين وانا ماني في الدنيا افكر ايش اسوي اقول لاهلي على سواد الوجه طيب ايش باستفيد بتكبر السالفه وكلام الناس ما يرحم وبنصير علكه بحلوق الناس والاهم من هذا كله ما أبي الموضوع يوصل لبناتي او يسمعون كلمه من احد تغثهم وبناتي الحين مو صغار الكبيره عمرها 15والثانيه13واثنين اولاد باقي صغار الحياه قدامهم وبتكون وصمة عار في حياتهم فقررت اني اخلي الموضوع بيننا واعيش لعيالي واضحي عشانهم واسكت وزي ما يقول المثل خليها في القلب تجرح ولا تطلع لبره وتفضخ
ابوي كلمني اليوم الثاني وقال انتي كنتي بتقولين شي امس ايش بغيتي يا بنتي قلت يسلم راسك يابوي كنت بسلم عليك ودمعت عيوني وبكيت من قلب بعد ما سكرت هذي قصتي كتبتها لكم بكل امانه بدون زياده طبعا اختصرت اشياء كثييييره
دعواتكم لي ان يطرح الله في قلبي الصبر ويبدل النار بالثلج لاني بدأت سأله وهو يقول لاتسألين عن شي وصرت اتخيله معاها وانجن وأحاول اعرف منه اي شي عنها وهو رافض يتكلم
واتذكر قول الله سبحانه وتعالى (ياأيها اللذين آمنو لاتسألو عن اشياء ان تبدو لكم تسؤكم)وارجع اتعوذ من الشيطان
اسألكم بالله هذا زواج هذي دعاره لابسه قناع الزواج كيف يكون زواج مافيه سكن مافي عشره مافي حياة مافي اطفال والله سبحانه وتعالى يقول (وجعلنا لكم من انفسكم ازواجا لتسكنو اليها وجعلنا بينكم مودة ورحمه )يتنافى هذا مع هذا
حسبي الله على من حلله صدق من قال انه زواج الجبناء وما بني على باطل فهو باطل وما يصح الا الصحيح
اختم بهذي الكلمات:
لاجيت أنا باسامحك..
تبكي الجراح ما ودها..
مشتاق ودي اصافحك..
عيت يدي لآمدها..
آه..يالجراح..راح اللي راح..
وراحتي..من ياترى بيردها!!
&&كنافه&& @ampampknafhampamp
عضوة جديدة
يلزم عليك تسجيل الدخول أولًا لكتابة تعليق.
والله دمعت عيوني وانا اقرأ قصتك خصوصا لما دق عليك ابوك الله يرحم أبوي ويجمعنا في جنات النعيم صدق من قال عز البنت عن أبوها معليش اختي طلعت عن الموضوع بالنسبه لموضوعك ما اقول الا الله يعينك ويصبرك وما ادري وشلون بعض الحريم ترضى تتزوج مسيار وتعيش هالعيشه اما عقد الزواج أكيد فيه عقد ما فيه شي شفهي
يا حياتي الله يصبر قلبك ويجبر كسرك ويفك ضيقتك و يبدلها سعادة وراحة بال
صحيح خليها بالقلب تجرح ولا تطلع لبرا وتفضح عين العقل عملتِ
حاسه فيك الله يعينك قهر و ناار وما يطفيها إلا الدموع و النحيب
والاستعاذة من إبليس إللي راح يذكرك فيها في كل لحظة فرح أو راحة
انتبهي و احذري منه
وتذكري قوله تعالى " إن الذين اتقوا إذا مسهم طائف من الشيطان تذكروا فإذا هم مبصرون "
بس يجيك شعور القهر و مُر الخيانه قومي صلي ركعتين وسبحي وهللي واستغفري وادعي
وربنا بإذنه راح يكون معاك يجبر كسرك ويعوضك خير وراحة
المهم الصبر على الشدائد والله يكون في عونك و يسهل أمورك و يصلحلك زوجك ونفسك وحالك .
صحيح خليها بالقلب تجرح ولا تطلع لبرا وتفضح عين العقل عملتِ
حاسه فيك الله يعينك قهر و ناار وما يطفيها إلا الدموع و النحيب
والاستعاذة من إبليس إللي راح يذكرك فيها في كل لحظة فرح أو راحة
انتبهي و احذري منه
وتذكري قوله تعالى " إن الذين اتقوا إذا مسهم طائف من الشيطان تذكروا فإذا هم مبصرون "
بس يجيك شعور القهر و مُر الخيانه قومي صلي ركعتين وسبحي وهللي واستغفري وادعي
وربنا بإذنه راح يكون معاك يجبر كسرك ويعوضك خير وراحة
المهم الصبر على الشدائد والله يكون في عونك و يسهل أمورك و يصلحلك زوجك ونفسك وحالك .
قرأت قصتك بقلبي وكل كلمه ماتتصورين وشلون اثرت فيني
ما املك لك الا الدعاء
الله يسخركم لبعض ويصلح مابينكم
ويوفق عيالك ويبلغك فيهم غاااااية املك
صدقيني هم الثمره اذا اصلحهم الله ينسونك الدنيا واللي فيها
ما املك لك الا الدعاء
الله يسخركم لبعض ويصلح مابينكم
ويوفق عيالك ويبلغك فيهم غاااااية املك
صدقيني هم الثمره اذا اصلحهم الله ينسونك الدنيا واللي فيها
ياحياتي الله يفرج همك.. شوفي يالغاليه انتي دره مصونه وغيرك بنات شوارع والله باقي يجي يوم ويندم على كل اللي سواه .. بس ادعيله وادعي لنفسك الله يصبرك.. خليك مع اولادك عشان يبقون في بيت واحد ولا يتمرمطون.. اذا خسرتي زوجك حافظي على اولادك ولا تخسريهم..
واهم شي لا احد يدري بالموضوع ابد ابد حتى اولادك.. صراحة احييك على حسن تصرفك وصبرك والله اعرف وحده حصلها مثل موقفك بس طبعا هي ماخلت حد الا وعلمته والحين فعلا حياتها تدمرت وتطلقت واولادها مع ابوهم هذا غير كلام الناس.. فخليك قويه هذا ابتلاء من الله لعباده الصالحين وتذكري كل شي بأجره.
أسأل الله في هذا اليوم ان يفرج همك ويسعد قلبك ويجعلك الوحيده في قلبه ويبعد عنكم بنات الحرام .. آمين يارب
واهم شي لا احد يدري بالموضوع ابد ابد حتى اولادك.. صراحة احييك على حسن تصرفك وصبرك والله اعرف وحده حصلها مثل موقفك بس طبعا هي ماخلت حد الا وعلمته والحين فعلا حياتها تدمرت وتطلقت واولادها مع ابوهم هذا غير كلام الناس.. فخليك قويه هذا ابتلاء من الله لعباده الصالحين وتذكري كل شي بأجره.
أسأل الله في هذا اليوم ان يفرج همك ويسعد قلبك ويجعلك الوحيده في قلبه ويبعد عنكم بنات الحرام .. آمين يارب
الصفحة الأخيرة
قصتك مؤلمه حسبي الله ونعم الوكيل