قصتي الحزينه2

السلام عليكم ورحمة الله وبركاته

أخواتي مالي غيركم بعد الله أشكي له لعلي أرتاح عالأقل..
أكيد بعضكم يعرف موضوعي الأول وإلى الأن مو ناسيه كلامكم ونصايحكم لي الله يسعدكم دنيآ وأخره ويبعد عنكم الأحزان...
اللي صار الفتره اللي فاتت مو جديد علي لأني تعودت عالحزن..
بس بقولكم وأسألكم بالله لاتلوموني وإعذروني حتى لو أخطأت..
الشهر اللي فات كنت نايمه وزوجي بالدوام الصباح وسبحان الله صحيت وطلعت من الغرفه إلا أسمع صوت بالمجلس والباب اللي بينا مقفل بالمفتاح..
شكيت بالموضوع وإنه زوجي جايب بنت للبيت جلست أتصل فيه ومايرد ومن إزعاجي طلع بهدوء وشفت عباية البنت من تحت الباب..
زعلت وبكيت والله إنها مو غيره بس مقهوه صار لي سنين يعاملني أسوأ معامله عشان رساله وهو جالس يلعب ويسوي كل شي..
طبعآ أنا كنت أشوف له رسايل مع بنات بس كنت أطنش وماأتكلم بس هذي المره كانت غير..
حبيت أتأكد وماأضلمه رحت أشوف من شباك الغرفه وشفتها طلعت معه بالسياره يوصلها..
ربع ساعه ورجع سويت نفسي نايمه وهو راح يتروش لما طلع جلست أتكلم وهو مو هامه شي يقولي عادي أنا رجال والعيب عالحرمه بس..
قلت إنت عذبتني سنين مع إنه الرساله لزوجي القديم عصب وقال إنتي بس تبين تنطقي إسمه وإنه للحين ببالك وكلام كثير ماطلعت فيه بنتيجه إلا إني أنا الغلطانه..
كلمت أبوي وقلت شوف اللي أجبرتني أتزوجه إيش سوى
قال عادي هذا رجال مايعيبه شي وقال خلاص لاتكلميني عشان هذي المواضيع مو فاضي لك وأخوي كان عنده يقول قفل الخط خلاص..
وسمع كلامه وقفل بوجهي..
آه يابنات دعيت ربي دعوه قلت يارب هو الوحيد من بعدك اللي كان يخليني أتحمل وأصبر على كل شي وبكيت وبقلبي دعوه وحده بس إني أشوفه لو ثواني...
وإستجاب لي ربي هالدعوه اللي كانت مستحيله..
عسى يستحيب لي ربي ويبعد همي عني لأني تعبت بما فيه الكفايه..
رحنا للسوق عشان ناخذ لبس العيد ولما طلعت من السوق عند باب المحل شفت سيارة حبيبي حياتي ودنيتي وزوجي اللي بجلس أقولها بيني وبين نفسي لأخر يوم بعمري..
كانت السياره واقفه ومستحيل ماأعرفها كانت جلستي فيها جنبه من أحلى لحظات عمري..
إلى الأن الميداليه اللي أهديتها له معلقها بالسياره والقلب والله إنه موجود بالسياره ورى أعطيته إياه بخطوبتنا..
صرت زي المجنونه رجعت قلت لزوجي بشوف شي بهذا المحل وقال أنا بروح أدخن برى...
صرت أدور عليه بالمحل وأنا أبكي وأدعي إني أشوفه..
وشفته ورجولي مو قادره تشيلني من حزني وسعادتي كان شايل معه ملابس يالله ياحسرة أيامي اللي راحت من دونك آه أبي بس هذي اللحظه أكون معك وإنت تشتري للعيد..
عيوني عليه من بعيد تجننت أبيه يلاحظني يشوفني بدون شعور ناديت على العامل قلت.. لو سمحت
وعرفني وأنا خليته يعرفني من نظراتي له ودموعي اللي ماوقفت والله العظيم إنه لف بسرعه وعيونه علي..
وجهه تغير ونزل الكيس بالأرض وجلس يمشي بإتجاهي..
كان نفسي أقوله إني جالسه أموت بكل دقيقه بدونه أبي أقوله إني حتى النفس أتنفس بصعوبه بدونه..
بعد ماقرب والله العظيم إنه دمعته نزلت..
عيونه علي ولاتكلم..
شوي إلا شفت زوجي جاي من باب المحل وبسرعه طلعت كنت أبي أسمع صوته بس.
وطلعت وكان يمشي ورانا..
والله ماتمنيت أخليه يعيش هاللحظه عارفه إنه يتعذب بكل خطوه وهو شايفني مع غيره..
وحتى دخلت السياره وهو ورانا..
حسبي الله عاللي كان السبب بفراقنا..
آه من هالعيد مر علي بحزن بزواجنا كنا مقررين نسافر ثاني أيام عيد الفطر وكنت أقوله أتخيل لما تنام وأصحيك للعيد وأتخيل لما نروح نعيد مع بعض..
آه من هالذكريات بتذبحني والله..
من التفكير تعبت ورحت المستشفى أكثر من مره...
واللي زود همي زوجي اللي جالس يعيد عالبناتويكلمهم ويقولي والله لاأجيب وحده بسريرك عادي ماتهميني وطلاق مستحيل أطلق..
تبين تتحملين بكيفك ماتبين عادي وأحلمي بالطلاق..
جالسه أقوم بكل اللي يطلبه وهو جالس يعذبني فوق عذابي..
ذبحني بالشك حتى لو أتروش وهو مو موجود يتجنن ويتكلم كلام إنه جايبه زوجي القديم عندي أو أحد ثاني..
عمري ماجلست معاه جلسة هدوء كل كلامه سب وشك وإتهامات وظلم..
وأبوي وأخواني من أبوي معاه ولو أقول لهم كل شي يقولو جننتينا بمواضيعك خلاص خليه يسوي أي شي وإحمدي ربك إنك لقيتي أحد يتزوجك بعد موضوعك الأول وطلاقك..
الحمدالله على كل شي..
أدري بتقولو حرام اللي سويتيه لما شفته وكلام كثير تكفون لاتعاتبوني أنا تمنيت إنه اللي تحكم فيني عقلي مو قلبي كان مامشيت وراه وعذبت نفسي وعذبته معاي..
إدعولي