قصتي ( عشان تستفيدون من اغلاطي )

هنا ابقول لكم قصتي مع الدبابه من طق طق لسلامو عليكو


انا الله يسلمكم من طلعت من بطن امي وانا دبه . دبه مع جميع الارجآء ههههههه
اجل فيه بزر يطلع من بطن امه وزنه 6 كيلو

مرت سنين الطفوله وانا استمتع بانواع الاكل والحلويات وكل مالذ وطاب واذا بقى شي من اكل اخواني قالت امي عطوه قهوه ساده تاكله ههههههه صايره بطن بقره مهوب بنت :06:
ويعايروني الدبه ام كرشه وانا ولا همني مستمتعه بالحياة الى اقصى حد خخخخخخ
وزياده على كذا عظامي عريضه << طالعه على عمتي الله يجزاها خير

ويوم وصل عمري 15 سنه اكتشفت الحقيقه المره وهي اني معاد اشوف رجولي من كبر صدري و انفع مصارع درجه اولى من كبر زنودي
وصرت معاد القى ملابس للعيد زي العالم والناس ... والمشكله خواتي كلهن نحاف ويلبسن على كيف كيفهن
وكل ما جيت اجرب شي من ثيابهن انشق ... وكل خواتي ينخطبن الا انا وما اسمع من الناس الا قهوه ساده مملوحه بس دبه... هي حليوه بس مليانه :44:
وفي مره كنا طالعين انا وخواتي وانا شكلي بالعباة تقل جايبه 9 على الاقل هههههه وقال لي راعي المحل تبين شيال يا خاله :29:

من بعدها قلت ما بدهااااااش ... وبدأت رحلة العنااااااااء مع الرجيمات والرياضه ، كان وزني 75 كيلو وطولي 155 وطموحي 55 كيلو
سويت رجيم قاااااااااسي وهو عباره عن صحن صغير كورن فليكس وتفاحه بسسسسس وكنت اوزن نفسي كل خمس دقايق واخاف اشرب مويه لا يزيد وزني ( وهذا الغلط الاول )

نحفت 15 كيلو في شهر كنت مبسوووطه مرررره الين اكتشفت ان عندي مشاكل في الكلى بسبب الرجيم الا الان وانا اتعالج منها
هذا غير التشققات اللي صارت وااااااضحه تقرف والترهل
قال لي الدكتور لازم تعدلين النظام الغذائي وعطاني نظام متوازن وطبعا زدت 5 كيلو مع النظام الجديد ومن القهر يوم زدت الخمسه بطلت الرجيم مره وحده ورجعت لوزني الاصلي :44:

وبعدها ب 3 سنوات قاموا الناس ينخطبون وانا بس قاعده اطبل على كرشتي هههههه لا والجامعه على الابواب يعني اللبس والكشخه مالها امل مع ذالجسم
وأبدا في رجيم ثاني مع رياضه قاسيه ... اشتركت في نادي وصرت آكل 700 كالوري في اليوم والصبح اشرب مويه دافيه مع ليمونه على الريق يقولون تسد النفس مع انه ما كان شي يسد نفسي انا هههههه وكنت اموووووووت من القهر اذا جلست مع زميلاتي هالعصلان وهن ياكلن شوكولاته وانا خبز بر :44:
وخلال شهرين نحفت 20 كيلو ووصلت للوزن اللي ابيه :o
( وهذي الغلطه الثانيه )
نحفت كثييييير في وقت قصير مما سبب لي جفاف وتقشر في الجلد وترهل فظيييييييع

وحافظت على وزني الين جا ابن الحلال اخيرا
بس المشكله انه من اول لقاء بيننا قال لي ( ليش صدرك كذا نازل ؟؟ :44: ) طبعا الترهل عامل عمايله وفخوووووذي بس اوزيهم عنه تقل جلي

المهم لعبت عليه وقلت له كل الناس كذا خخخخخخخخخخخ
وصرت اشتغل بخل التفاح وكريمات الشد ولا استفدت منها ولااااااا شي

ويوم حملت بطفلي الاول ياسلااااام سلم زدت في حملي 30 كيلو وما راح منهم الا 10 بعد الولاده .. عاد الباقي انتم تخيلوه !!!!!!!!! ( وهذي الغلطه الثالثه )
المفروض الوحده ما تاخذ راحتها في الحمل .. من اللي قال انها لازم تاكل اكل اثنين غلط غلط

بس الحمد لله جاني ولد دبدوب مثلي وش حليله هههههههه




وبعدين اكمل لكم الباقي من قصة معاناتي