ياليتني مادخلت موضوعك

يارب يسعد لي من مرت ومن ردت بارك الله فيكم...... الصراحة ذيك الفترة أنتشرت هذه الظاهرة في المدرسة فلانة عيونها كشافة فلانة عيونها كشافة ياربي إش السالفة كأنه حاجة طيبة أنا ظلي وهو ظلي كنت ماأبغاه واخاف منه بس الحمدلله نتميز عنهم_أعوذ بالله_ بالظل....... وماأدري يتباهوا بهذا الشيئ بس والله إن صحباتي بنات طيبات وخلوقات وخصوصا إثنين منهم ملتزمات اللي قالوا مانشوفهم بس يصحونا المسلم منهم للوتر ومايتركونا إلا وقد صليناه..........طبعا الموضوع أرقني فترة إيش سبب وجود العيون الكشافة إلييييييين ماتزوجت وجابوا فتاوى للشيخ المطلق أكد أنو لا يستطيع الإنسان رؤيتهم إلا إذا مسحور أو به مس ......والعيون الكشافة يعرفوهم بنات المدينة ويارب يدخلو موضوعي ويشاركو أنا ماجبت حاجة من عندي ولكن سالفة وحبيت أتثبت من وجودها

المهم نورتي وشغلي سورة البقرة لعبد الباسط

الا صدق بس مايدخلون الجدار ولا يقدرون يفتحون باب مسكر هذا كلام شيخ ثقة جدا 
وفي واحد شاب كان لما ينام يفتح الباب شوي عشان يدخل عليه نور من الصالة 
وكان مصاب بالمس وهو منسدح ع فراشه في غرفته الا ويشوف وحده نفسسسسس امه لابسه قميص ابيض وسيييييع وشعرها طويل وتتمشى في الصاله بعدين هو تذكر ان امه ماعندها ابد هذا القميص ولما قام يبي يشوفها قامت هي نزلت من الدرج واختفت اعوذ بالله وراح شاف امه لقاها نايمه ع السرير 
اللهم اكفنا ياهم بما شئت وأسأل الله العظيم ان يشفي كل مريض روحي ومريض عضوي ومريض نفسي 

اسمع عن العيون الكشافه ,, و اعرف ان الاطفال من سنتين وتحت يشوفو الجن والله اعلم

من زماااان تقريبا من 10 سنوات اختي كانت عندنا يوم ربوع و ولدها كان عمره سنه ونص وهالولد ماشاء الله عليه تكلم بدري ومشى بدري يعني ما جا سنه الا وهو يتكلم فصيح و يمشي

المهم مرا انا و هو واقفين قدام باب بآخر الليل اعتقد اني كنت استنى احد واحنا ساكنين بالدور الثاني ,, وبالدرج حقنا فيه شبابيك كبيره مرتفعه يعني وانا على قمه الدرج الثاني هي موازيتني واشوفها قدامي ,, شوي الا ولد اختي يمسكني زي اللي خايف ويقولي هنا عوه ( يأشر على الطاقه ) انا ماهجدت و رحت قمت أسأل واقوله كيف شكلها وايش تسوي الا وينزل على ركبه ويدينه زي الحيوانات وجلس يخبط بيدينه ورجلينه ويطلع اصوات ويقول تسوي كدا ,,

عاااد انا ساعتها دوروني ما تلقوني هههههههه

وبالنسبه للعيون الكاشفه اصدق يها واسمع عن كم شخص لنا من بعيد يقولو ان عيونهم كاشفه وانا اعتقد ان التفسير حقها انهم اشخاص فيهم امراض روحيه من مس وسحر وكدا ويشوفونهم