قصتي مع أطفال الانابيب (اللهم لك الحمد كما ينبغي لجلال وجهك وعظيم سلطانك)

السلام عليكم ورحمة الله وبركاته
((اللهم صلي على سيدنا وحبيبنا محمد))
((اللهم لك الحمد كما ينبغي لجلال وجهك وعظيم سلطانك))
{ اللهم إني إستودعتك مافي رحمي فإحفظ وديعتي يارب العالمين }.
((اللهم استودعتك ديني ونفسي وزوجي واهلي))
((اللهم احسن خلقته وخلقه وتم خلقته دون زياده ولانقصان))

بسم الله الرحمن الرحيم
هذه قصتي مع أطفال الانابيب بالتفصيل
هذه الطريقه حسيتها تختلف عن الطرق الي سويتها قبل في الثلاث مرات الي قبل كانو يعطوني من ثاني يوم في الدوره المنشطات وبعد كذا الابره التفجيريه أما هذه الطريقه اعطوني ابره اسمها (ديكاببتيل) تحت الجلد لمدة شهر وزياده وبعدين استخدم المنشطات والابره التفجيريه وبعد كذا حدد لي موعد لسحب البويضات وبعد ماتلقحت رجعها وانتظرت لمدة اسبوعين .
وطبعا بالنسبة للنفسية الله عالم بها:09: وعشان كانت المرة الرابعه كانت نفسيتي محبطه وخصوصا اني استخدمت الابر لمدة شهر وعليه وكان سعرها غالي شوي لكن الحمد لله مأجورين ان شاء الله على كل ابره اخذناها .
المهم دخلت المستشفى لسحب البويضات. ربي سخر لي وحده تعرفت عليها كانت عندها زي عمليتي والله يابنات رفعت معنوياتي وغيرت نفسيتي 80 درجه حتى زوجي استغرب يقولي اشوفك سرتي مبسوطه :)ماشاء الله .
وحكيته عن قصتها لها عشرين سنه ماحملت وربي اكرمها ببنوته قبل هذه العمليه والان حابه تسويها عشان تجيب اخت لها عرفت انه ربي ماينسى احد .
وطبعا سحبو مني البويضات ورجعوها بعد ماتلقحت بعد يومين وقلي انتظري اسبوعين وحللي .........
الله عاد هذه الاسبوعين اطول اسبوعين اكيد عارفين الي جربو
بس الحمد لله حاولت اشغل نفسي عشان لا أفكرحتى اني قمت المطبخ واشتغلت بس مو شغل متعب بس كنت احاول انسي نفسي وكنت اقرى قران وادعي اهم شي يابنات تخلين توكلك على الله سبحانه هو المثبت هو الذي يقول له كن فيكون مو الابر ولاالمثبتات هذه ماهي الا اسباب
كتب لي حمض الفوليك مع تحاميل(سايكولوجست)مرتين في اليوم.
وااااااخيراً مرت الاسبوعين وتعالي شوفي كأن عندي امتحان وبختبر
جاب لي زوجي تحليل منزلي وجربته هو تحليلي كان المفروض يكون يوم الاحد انا جربت التحليل المنزلي من الثلاثاء والله يابنات استخدمته وماأبغى اشوف خايفه لاني تعقدت منها من كثر ماستخدمتها 6 سنوات كل ماتأخرت الدوره قلت في حمل اكيد واقول لزوجي يجيب لي عشان كذا خايفه
المهم وطلع لي خطين واحد غامق وواحد خفيف وقلت لزوجي طلع خطين بس خايفه تطلع مو صح قال والله جسمي قشعر وصبرت الاربعاء والخميس واشترى لي تحليل منزلي ثاني قلت اتأكد وجربته يوم الجمعه وطلع نفس الشي انا خلاااااااااااااااااااص سرت موسوسه اعوذ بالله جننته الا احلل السبت قال يابنت الحلال انتظري لين الاحد قلت لا ذحين اروح تخيلو ابغى احلل فجر الساعه 6 قال لو مافي احد في المستوصف ماأرجع يوم الاحد قلت طيب (راكبه راسها الاخت) قلت له الله يخليك ابغى ارتااااااح .
وفعلا راحت اختكم سحاب دخلت على الممرضه قلت للممرضه في تحليل قالت ايوا قالت عروس الاخت قلت لا والله لي 6 سنوات ادعيلي. وبس اخذت مني الدم قلت لها شوفي ابغى اروح انا وزوجي وارجع لك شوي قالت ليش وهي كلها عشره دقائق قالت انتظري عندي قلت لا خليني اجلس عند زوجي وخرجت جنب زوجي والله يابنات اصعب لحظااات كنا ساكتين وندعي والله يابنات مادري كنت متفائله في كل مره كنت اسويها. وبعد عشره دقائق .... :09:
جاااااااااااااااااااااااااااات الممرضه:43: تطالع فينا وتقول هااااااااااااا ايش تتوقعون سرت اطالع وماني عارفه ايش اقول قلت لها ايش الله يخليك
قااااااااااااااااااااااااااالت مبرووووووووووووووك حامل :icon28: يالله يابنات الارض مي شايلتنا من الفرحه لو تشوفون حالنا انا وزوجي ااااااااه (الحمد لله الحمد لله الحمد لله) ودي اقوم واضمها واسلم عليها
خرجنا من المستوصف وراح زوجي يبشر اخواته وامه سارو يبكون من الفرحه وصلينا صلاة شكر لله ووزع صدقه حتى اخواتو وزعو

واتصلت على دكتوري وقلت له قال تعالي بعد اسبوعين قلت انتظر برضو اسبوعين انا كان توقعي انه توؤم بس يوم رحت له قال الحمد لله واحد لان لو توؤم ممكن تتعبي او مايثبت قلت الخيره فيما يختارها الله اهم شي ربي يتمه على خير ويصلحه
خرجنا واخذت والله اسبوع يابنات اقوم وعلى بالي حلم (الحمد لله حمدا كثيرا طيبا مباركا فيه)

وهذه قصة سندرلا خخخخخخخخ صدقة نفسها
وهذه قصة اختكم سحااااااب واي سؤال انا جاااااااااااااااااهزه
الله يحفظكم ادعولي ربي يتمم وييسر لي حملي وولادتي واقوم بالسلامه ويجعله قرة عين لنا
يااااااااااااااااااااااااااااااااااااارب تدخل الفرحه في قلوب اخواتي زي مادخلت الفرحه في قلبي وترزقهم وترزقني الذرية الصالحة .
ساااااااااااااااااااااااااامحوني طولت عليكم:)