قصتي مع الاستوداع عند الله تعالى واذا عندك قصة تفضلي. .

السلام عليكم ورحمة الله وبركاته

الاستوداع الصراحة استخدمته بعدة أشياء بحياتي ..بكل شغلة أخاف.. تضيع أو أخاف عليها. .دائما أردد استودعك الله الذي لا تضيع ودائعه

فمرة والعياذ بالله شككت بالموضوع

طبعاً نسيت أخبركم انا كل يوم عند الفجر استودع رب العالمين أهلي وكلشي أخاف افقده ..

المهم مرة وسوسلي الشيطان انه ما ينفع وما يغير شي والعياذ بالله

وما استودعت. ....عند صلاة الظهر رجع أخي عالبيت أيده مكسووورة هي أول مرة يصير هيك معو انا زعلت كتييير وبعدها ما تركت الاستوداع

أخي شقي بس هداك اليوم تكركب البيت فوق العادة

ومرة كمان كانت اختي عند الكافي نت و نسيت الفلاشة لما رجعت عالبيت تذكرت أنها نسيتها انا صرت اقول يارب استودعها عندك يامن لا تضيع ودائعه

ومع العلم كمان اجتني لحظة شك وسوء ظن استغفر الله

ورجعت عالمحل شافته مسكر!!!!!

ضل المحل يومين مسكر يوم الأحد فتح وراحت عليه وقالتله عن الفلاشة

فتح الدرج وعطاها الفلاشة لالا ومو بس هيك كان مغلفها وكاتب عليها اماااانة!!!!!!!!!!!

انا حمدت رب العالمين وشكرته

انا دائماً اردده عالابسط شي في حياتي

وانتو اذا عندكم قصص خلونا نستفيد