قصتي مع الورم الليفي

السلام عليكم ورحمة الله و بركاته ..

كيفكم بنات 💕

انا من كثر ما ادخل و ادور بالنت عن الي كتبوا تجاربهم مع الورم الليفي و ان ابي اتطمن و اعرف اكثر و اكثر
حسيت فيكم و قلت بسجل بعالم حواء و انقل تجربتي لكم و اي سؤال انا حاضرة
بس ياليت تدعون لي بالحمل و لكم بالمثل 💕


انا كان فيني ورم ليفي ٧سم و ماقد حملت من قبل و على كلام الدكاتره ان هو العائق للحمل .. و استشرت كذا دكتور و كلهم قالوا ضروري تشيلينه عشان تحملين وعشان مايكبر اكثر .. و ايام الدوره مسبب لي نزيف و فقر دم .. المهم اكثر من شهرين وانا ابحث عن دكتور شاطر يستخدم منظار هنا بالشرقية مالقيت و حتى بالحبيب مالقيت كلهم قالوا لي فتح بطن ..
بعد مابحثت اكثر لقيت دكتور بالرياض بمستشفى المملكة اخذت موعد عنده قالي على طول ان ضروري تشيلينه دام تبين حمل و طمني وقال ان العملية سهله جدا وماتحتاج لا فتح بطن ولا منظار بطن تحتاج منظار عن طريق المهبل لا جراحه ولا شي .. و قالي ان بعد العملية تطلعين البيت عادي مايحتاج تنويم
و امارس حياتي عادي من غير اي موانع
و عطاني موعد و مشت الايام بسرعه وجا موعدي الي هو الخميس الي راح .. اول مره وقتها اسوي عملية بحياتي و رهبة التخدير وقتها وكل شي جديد علي كنت خايفه شوي و الحمدلله كأنه حلم خدرني تخدير كامل و صحيت مافيني شي و لاحتى تغلصات اللهم لك الحمد.. بعد العملية بيومين الي هو امس و اليوم جاتني تغلصات خفيفه لان موعد الدوره و الدوره نزلت طبيعي بس مو زي قبل نزيف لا .. دوره طبيعيه و تغلصات خفيفه و عطاني مسكن و مضاد حيوي ..
بس الي بغيت اقوله اي وحده فيها ورم ليفي وحابه تحمل لا تأجل موضوع العملية العمليات اليوم صارت سهله فوق مانتخيل الصعب والله هو التردد و التفكير الي يجيب الهم .. توكلوا على الله و اخذوا بالأسباب