قصتي مع تأخر الحمل

سمعو قصتي يا حبايبي انا متزوجة صارلي مدة من بداية زواجي وانا كنت دائمة التفكير بالحمل ليس حبا بالاطفال ولكن خوف من الناس وحجيهم واكيد الكل عارف بهالسالفة :time:
المهم كنت كل ما اروح حق مناسبة عرس او عزيمة عشاء يسئلوني
هااااااااا حامل :06:
الصراحة كنت وايد اتنرفز واموت قهر والمشكلة احط السالفة في قلبي وما اقول غير الله كريم

المهر مرت 7 اشهر وما بين شي:time: عاد من كثر ما تعبت نفسيا قلت حق زوجي خل انروح الطبيب وانشوف ليش ما حملت وبعد زيارات متكررة للطبيب كانت الدكتورة كل يوم اتقولي انتي مريضة بمرض مختلف 0
اول زيارة قالت ضعف مبايض
ثاني زيارة قالت لأ ماكو مبايض
والاخير قالت تكيس مبايض
وبعد زيارات وايدة والايام تركض صارت سنة من زواجي قلت حق زوجي انت بعد ابيك تراجع واتشوف نفسك عند الطبيب
والشهادة لله ان زوجي متحضر وراح سوى التحاليل وبعد ما اطلعت النتيجة رحنا الطبيب واللي اصدمتنا وقالت ان زوجي ضعيف وما ينفع الا العلاج بالطفل الانبوب
الدنيا صارت سودة بعيني وبعين زوجي والمصيبة هالاهل الكل يسال هاااااا مو حامل
وبعد مرور اشهر زوجي سوى عملية علشان احمل وبنفس الوقت خططنا حق عملية طفل انبوب وكنت اخذ 4 ابر باليوم والابر تستمر لمدة اسبوعين وكل ما اروح لموعد العملية اتكنسل بسبب مشاكل بالمبيض وهذي الحالة استمرت لمدة 3 اشهر
تخيلو اشكثر تعبت نفسيا انا مع زوجي
المهم سويت عملية طفل الانابيب وكانت كل الخطوات من احسن ما يكون
لكن للاسف الفرحة ما تكمل
فشلت العملية
تخيلو كل شي صارلي بهالقصة واهلي وخصوصا امي ما يدرون عني وما قلت لهم
علشان لا اجرح زوجي
وحلمي اني اييب ولد واسميه يوسف صار محال
المهم بيوم من الايام قال لي زوجي احنا رحنا حق الاطباء وما فادونا
خل انروح حق اللي اكبر منهم واكبر من الكل ربي وربكم نروح حق بيته اللي يشرح القلب وما يرد الدعاء فيه
وبسرعة جهزت جنطتي وسافرنا 00000000 سافرنا لبيته ونيتنا انها تكون عمره علشان احمل
المهم اللي صار اني كنت اسعي بين الصفا والمروة انا مع زوجي وكنا انتحدث وقلت انا : انشالله انيى مرة ثانية مع يوسف ولدنا وانشاالله اتشوفه يركض جدامك بس قول انشاالله
زوجي : انشاالله بس ليش تبين اتسمينه يوسف ؟؟ انا : لاني احب سورة يوسف
زوجي كان ماسك القران بايده اليمين شنو اتوقعون صااااااااااار ؟؟؟؟؟؟؟؟؟
فتح القران علشان يقرا ايات قرانية اللي صار انه القران تبطل على سورة يوسفوالله العضيم انا اقولكم القص الحين وشعر جلدي واقف
المهم ردينا من العمرة
وبعدها بشهر انا حامل بيوسف:42:

ترى الله كريم ومافي اكرم منه 000000000 توجهو حق بيته راح ينشرح صدركم واسفة على الطوالة